3/28/2024
Today from Hiiraan Online:  _
Wararka Maanta- Khamiis, Apr 23, 2013
Hal qof ayaa ku dhintay Qarax Galabta Ka Dhacay Agagaarka Saldhigga Booliska ee Degmada Beledweyn


Talaado, Abriil 23, 2013 (HOL) —Qarax khasaare nafeed geystey ayaa gelinkii danbe ee maanta ka dhacay agagaarka saldhigga booliska magaalada Beledweyn ee xarunta gobolka Hiiraan.

Qaraxa ayaa ka dhashay bunbada gacanta oo lagu tuuray goob maqaaxi ah oo ku dhegen saldhigga Booliska oo isagu xilligan fariisin u ah ciidamada Jabuuti ee qaybta ka ah howlgalka nabad ilaalinta ee AMISOM.

Hal qof oo ka tirsanaa howl-wadeenada maqaaxida ayaa la xaqiijiyey in uu qaraxaas ku geeriyoodey, waxaa sidoo kale dhaawacmay qof kale oo rayid ah iyo askari ka tirsan ciidamada nabad gelyada waddooyinka ee Taraafikada.

Rasaas qaddar daqiiqado ah socotey ayaa qaraxa kaddib goobta ka dhacday, waxaa sido kale la xiray waddooyinka soo gala saldhigga, inkasta oo xilligan ay xaaladdu tahay mid degen.

“markii uu qaraxu dhacayey meesha ayaan ka agdhowaa, halmar ayaan ku warhelnay jugta qaraxa, waxaa ku dhintay mid ka mid ahaa shaqaalaha maqaaxida, qof kale oo rayid ah iyo askari Taraafiko ahina way ku dhaawacmeen” goob jooge magaciisa qariyey ayaa sidaas HOL u sheegay.

Saraakiil ka tirsan laamaha ammaanka oo aan xiriir la sameynay si aan uga helno faah faahin dheeri ah oo qaraxa galabta Beledweyn ka dhacay ku saabsan, ayeysan noo suurta gelin in aan khadka ku helno, haseyeeshee wixii warar oo arintan kasoo kordha dib ayaan idiinka soo gudbin doonnaa.

Qaraxyada noocan oo kale ah ayaa magaalada Beledweyn kusoo badanayey tan iyo markii ay la wareegeen ciidamada dowladda Soomaaliya iyo kuwa AMISOM, wuxuuna qaraxani noqonayaa kii labaad ee muddo todobaad gudihiis ah ka dhaca agagaarka saldhigga Booliska.

C/raxmaan Diini, Hiiraan Online
[email protected]
Beledweyn, Soomaaliya













Click here
4/23/2013 4:27 PM EST
Madaxweynaha dalka Kenya Uhuru Kenyatta ayaa galabta ku dhawaaqay qaar kamid ah golihiisa wasiirrada, iyadoo inta hartayna gadaal laga soo magacaabi doono.

4/23/2013 10:12 AM EST
Talaado, 23 April, 2013(HOL) :- Iyadoo maalmihii ugu danbeeyay ay isa soo tarayeen musharixiinta u taagan xilka madaxweeynenimo ee dowlad goboleedka Jubbaland ayaa waxa maanta marki ugu horeeysay shaacisay musharaxnimadeeda madaxtinimo Marwo Faadumo Ugaas Barre Ugaas Axmed.

4/23/2013 9:34 AM EST
Talaado, Abriil 23, 2013 (HOL) — Golaha Wakiiladda Somaliland, ayaa dood adag ka yeeshay ajandaha kalfadhiga 21aad ee golahooga, kuwaas oo ku kala aragti duwanaa qodobada ku jira ajandaha.

4/23/2013 9:30 AM EST
Talaado, Abriil 23, 2013 (HOL) — War-saaxafadeed ay Xarakada Al-Islaax ee Soomaaliya ay soo saartay maanta oo Talaado ah ayay ku sheegtay inaysan jirin wax urur ah oo ay la midoobeen, iyagoo war arrintan ku saabsan oo maalmo ka hor kasoo baxay Muqdisho ku tilmaamay mid been abuur ah.

4/23/2013 8:54 AM EST
Talaado, Abriil 23, 2013 (HOL) — Madaxweynaha Soomaaliya, Xasan Sheekh maxamuud ayaa lagu wadaa inuu horraanta bisha May ee soo socota hortago baarlamaanka Soomaaliya si su’aalo looga weydiiyo arrimo ku saabsan howlaha dowladda Soomaaliya.

4/23/2013 8:25 AM EST
Talaado, Abriil 23, 2013 (HOL) — Madaxweynaha Somaliland, Axmed Max’ed Maxamuud (Siilaanyo) ayaa xalay khudbad dheer ka jeediyey machadka lagu gorfeeyo siyaasadda iyo arrimaha bulshada ee loo yaqaan Atlantic Council ee ku yaalla magaaladda Washington ee dalka Maraykanka.

4/23/2013 8:23 AM EST
Talaado, Abriil 23, 2013 (HOL) — Ardaydii ka qalinjabisay jaamacadda Muqdisho ayaa loo sameeyay naadi ay ku mideysan yihiin, si ay isaga warqabaan meel walba oo dunida ka joogaan, iskuna dhaafsadaan fikradaha ku saabsan dhinaca waxbarshada iyo horumarinta aqoonta Soomaaliyeed.

4/23/2013 8:21 AM EST
Talaado, Abriil 23, 2013 (HOL) — Ururka u dooda xuquuqda dhallinyarada Soomaaliya ee SYAO ayaa kusoo gaba-gabeeyay magaalada Baydhabo ee gobolka Bay tartan isboorti oo muddo toddobaad ah socday, kaasoo ay ka qeyb-galeen kooxo ka dhisan magaaladaas.

4/23/2013 1:50 AM EST
Talaado, Abriil 23, 2013 (HOL) — Madaxweynaha Soomaaliya, Xasan Sheekh ayaa weydiistay madaxda dalalka Afrika inay dalkiisa ka caawiyaan dagaalka uu kula jiro burcadbadeedda, argagaxisida iyo dhibaatooyin kale oo caqabad ku ah in Soomaaliya ay deggenaasha hesho.

4/23/2013 1:46 AM EST
Talaado, Abriil 23, 2013 (HOL) — Ciidamada dowladda Soomaaliya iyo kuwa AMISOM oo isgarabsanaya ayaa saakay howgallo baaritaanno ah si wadajir ah uga wada xaafadda Xamar-jadiid ee degmada Wardhiigley, halkaasoo la sheegay inay u dhuumanayaan xubno ka tirsan Al-shabaab.