3/28/2024
Today from Hiiraan Online:  _
Wararka Maanta- Talaado, Apr 23, 2013
Ururka SYOA oo Tartan Ciyaareed kusoo gabagabeeyay Magaalada Baydhabo ee Xarunta Gobolka Bay (SAWIRRO)


Talaado, Abriil 23, 2013 (HOL) — Ururka u dooda xuquuqda dhallinyarada Soomaaliya ee SYAO ayaa kusoo gaba-gabeeyay magaalada Baydhabo ee gobolka Bay tartan isboorti oo muddo toddobaad ah socday, kaasoo ay ka qeyb-galeen kooxo ka dhisan magaaladaas.

Tartankan oo loogu magac-daray is-dhex-galka dhallinyarada Gobolka Bay ayaa kooxaha ka qeyb-galay waxay tartan adag u soo galeen inay ciyaarta filaanka ah ka qaybgalaan, waxaase ciyaartaas isugu soo haray kooxaha FC Salaadey iyo FC Aamina.

Ciyaartan kama dam-beysta ahayd oo ay u soo daawasho tageen dadweyne fara badan ayaa waxaa kasoo qayb-galay guddoomiyaha gobolka Bay. Cabdi Aadan Hoosow iyo mas’uuliyiinta heer gobol iyo heer degmo.

Labada kooxood ayaa waxay isla dhaafi waayeen bar-barro goolal la’aan ah, waxaana loo dhigay rigoorayaal si ay ugu kala baxaan; iyadoo afar gool ay guushu ku raacday kooxda FC Salaadey oo ku guuleysatay koobkii quruxda badnaa ee la dhigay, halka kooxdii kalena ay heshay hal gool oo keliya.

Guddoomiyaha maamulka gobolka Bay, Cabdi Aadan Hoosow oo ka hadlay gaba-gabadii tartanka ayaa sheegay in tartankan uu qayb weyn ka yahay is-dhexgalka bulshada, gaar ahaan dhallinyarada, isagoo ku amaanay ururka SYAO dadaalkooda ku aaddan horumarinta dhallinyarada.

Sidoo kale; waxaa goobta ka hadlay Maxamuud Sh. Madey oo ah wakiilka Olimbikada Soomaaliyed (GOS) ee Gobollada Bay, Bakool iyo Gedo oo loo yaqaan Zone II, isagoo sheegay in tartannadan oo kale ay yihiin kuwo aad u wanaagsan ayna tahay in la joogteeyo laguna ballaariyo deegaannada kale ee gobolka Bay iyo kuwa kale ee dariska la ah.

Ugu dambeyn, guddoomiyaha gobolka Bay, Cabdi Aadan Hoosow ayaa FC Salaadey guddoonsiiyay koob qurux badan ee ay ku guuleysteen, halka kooxdii labaad ee FC Aamina lagu abaal-mariyay koob kale, waxaana xusid mudnaa in ciyaartoydii ka qeyb-qaadatay la siiyay billado dhiiri-gelin ah.

Tartanka ay SYAO kusoo gaba-gabeysay magaalada Baydhabo ayaa qeyb ka ahaa tartammo isboorti oo is dhex-galka bulshada ah oo ay ku qabatay Beledweyn, Afgooye iyo Muqdisho, iyadoo lagu wado tartammo kale inay ku qabato gobollada iyo deegaanada dalka.











Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/23/2013 4:27 PM EST
Madaxweynaha dalka Kenya Uhuru Kenyatta ayaa galabta ku dhawaaqay qaar kamid ah golihiisa wasiirrada, iyadoo inta hartayna gadaal laga soo magacaabi doono.

4/23/2013 2:33 PM EST
Talaado, Abriil 23, 2013 (HOL) —Qarax khasaare nafeed geystey ayaa gelinkii danbe ee maanta ka dhacay agagaarka saldhigga booliska magaalada Beledweyn ee xarunta gobolka Hiiraan.

4/23/2013 10:12 AM EST
Talaado, 23 April, 2013(HOL) :- Iyadoo maalmihii ugu danbeeyay ay isa soo tarayeen musharixiinta u taagan xilka madaxweeynenimo ee dowlad goboleedka Jubbaland ayaa waxa maanta marki ugu horeeysay shaacisay musharaxnimadeeda madaxtinimo Marwo Faadumo Ugaas Barre Ugaas Axmed.

4/23/2013 9:34 AM EST
Talaado, Abriil 23, 2013 (HOL) — Golaha Wakiiladda Somaliland, ayaa dood adag ka yeeshay ajandaha kalfadhiga 21aad ee golahooga, kuwaas oo ku kala aragti duwanaa qodobada ku jira ajandaha.

4/23/2013 9:30 AM EST
Talaado, Abriil 23, 2013 (HOL) — War-saaxafadeed ay Xarakada Al-Islaax ee Soomaaliya ay soo saartay maanta oo Talaado ah ayay ku sheegtay inaysan jirin wax urur ah oo ay la midoobeen, iyagoo war arrintan ku saabsan oo maalmo ka hor kasoo baxay Muqdisho ku tilmaamay mid been abuur ah.

4/23/2013 8:54 AM EST
Talaado, Abriil 23, 2013 (HOL) — Madaxweynaha Soomaaliya, Xasan Sheekh maxamuud ayaa lagu wadaa inuu horraanta bisha May ee soo socota hortago baarlamaanka Soomaaliya si su’aalo looga weydiiyo arrimo ku saabsan howlaha dowladda Soomaaliya.

4/23/2013 8:25 AM EST
Talaado, Abriil 23, 2013 (HOL) — Madaxweynaha Somaliland, Axmed Max’ed Maxamuud (Siilaanyo) ayaa xalay khudbad dheer ka jeediyey machadka lagu gorfeeyo siyaasadda iyo arrimaha bulshada ee loo yaqaan Atlantic Council ee ku yaalla magaaladda Washington ee dalka Maraykanka.

4/23/2013 8:23 AM EST
Talaado, Abriil 23, 2013 (HOL) — Ardaydii ka qalinjabisay jaamacadda Muqdisho ayaa loo sameeyay naadi ay ku mideysan yihiin, si ay isaga warqabaan meel walba oo dunida ka joogaan, iskuna dhaafsadaan fikradaha ku saabsan dhinaca waxbarshada iyo horumarinta aqoonta Soomaaliyeed.

4/23/2013 1:50 AM EST
Talaado, Abriil 23, 2013 (HOL) — Madaxweynaha Soomaaliya, Xasan Sheekh ayaa weydiistay madaxda dalalka Afrika inay dalkiisa ka caawiyaan dagaalka uu kula jiro burcadbadeedda, argagaxisida iyo dhibaatooyin kale oo caqabad ku ah in Soomaaliya ay deggenaasha hesho.

4/23/2013 1:46 AM EST
Talaado, Abriil 23, 2013 (HOL) — Ciidamada dowladda Soomaaliya iyo kuwa AMISOM oo isgarabsanaya ayaa saakay howgallo baaritaanno ah si wadajir ah uga wada xaafadda Xamar-jadiid ee degmada Wardhiigley, halkaasoo la sheegay inay u dhuumanayaan xubno ka tirsan Al-shabaab.