3/29/2024
Today from Hiiraan Online:  _
Wararka Maanta- Sabti, Apr 20, 2013
AXMED SIILAANYO “Ingiriisku wuxuu yiri Shir baan Soomaaliya u Qabanaynaa innaguna waxaan ku niri shirkaas nama khuseeyo”

Sabti, Abriil 20, 2013 (HOL) — Jaaliyadda Ingiriiska ee Somaliland, ayaa xalay munaasibad balaadhan oo soo dhoweyn ah u samaysay madaxweynaha Somaliland iyo weftigii la socday, taas oo ka dhacday  magaaladda London.

Madaxweynaha ayaa jaaliyadda uga xogwaramay shirkii Turkiga ka dhacay ee dhexmaray Somaliland iyo Soomaaliya iyo shirka la filayo inuu ka dhaco magaaladda London ee loo qaban doono Soomaaliya oo uu sheegay inay wali ku adkaysanayaan in aanay ka qaybgalin shirkaasi maadaama oo aanu Somaliland khuseyn.

Sidoo kale; waxa uu xusay in shirkii madaxweynaha Soomaaliya wada galeen ay ka soo baxday arrimo labadda dhinacba faa’iido u leh, kaas oo mustaqbalka lagu kala bixi doonno.

Waxaa kaloo uu sheegay inuu Ra’isal wasaaraha Ingiriiska David Cameron uu ku qaabilay xafiiskiisa, kaas oo uu uga xog waramay xaaladda ay Somaliland ku sugan yahay iyo xidhiidhka taageero ee dawlada Ingiriiska ay siiso Somaliland, haseyeeshe uu Ra’isal wasaaruhu ka codsaday inay shirka London ka dhici doona ee soomaaliya loo qaban doono ka soo qaybgalaan Somaliland, balse ay arrintaasi ku adkaatay madaxweynaha maadaama oo aanay waxba ka khuseyn shirkaasi.

“Dawladda Ingiriiska oo aynu cilaaqaad dheer leenahay, mucaawimo bandanna aynu ku qabno, saaxiibtinimo badan iyo waxtar badanna inaga dhaxeyso, shir bay u qabanayaan Soomaaliya, waxaana ku nidhi shirkaasi annaga  nama khuseeyo. Xaasidi mayno, una diidi mayno in wixii loo tarayo iyo wixii loo qaban karaba loo qabto Soomaaliya. Laakiin Annagu Soomaaliya kama mid nihin,” ayuu yidhi madaxweynaha oo ka hadlayey shirka London lagu qabanayo iyo jawaabta uu ka bixiyey ka soo qaybgalka shirkaasi.

Isagoo sii hadlay ayuu yiri: “Hore ayaanu intii aanu Itoobiya joognay dhawaan ula kulanay xubno ka mid ah Wasiirrada Ingiriiska waanu u cadaynay mawqifkayaga, imika markii aanu London nimidna waxaanu is aragnay Raysal wasaaraha Ingiriiska David Cameron iyo Wasiirka Arrimaha dibadda William Hugue iyagana mawqifkaas ayaanu u cadaynay, waanan ku taagan nahay mawqifkaasi weli.waxaanan jecel nahay iyaguna nagu taageeraan arrintaasi.”

Waxa isaguna halkaasi ka hadlay gudoomiyaha golaha Wakiiladda Md:Cabdiraxmaan Maxamed Cabdilaahi Cirro oo ka waramay shirkii Turkiga ka dhacay iyo waxyaalihii ka soo baxay.

Sidoo kale, wasiirka Arrimaha dibadda Somaliland Dr: Maxamed Cabdilaahi Cumar, ayaa tilmaamy in mudadii saddexda sanno ahaa ee ay xilka hayeen ka dhex muuqdeen saaxada siyaasadaha caalamka iyo kuwo mandaqada lagu gorfeeyo, isla markaana magacii iyo qadiyadda Somaliland ay meelo badan gaadhsiiyeen, taasina ay guul u tahay Somaliland iyo shacabkeedda.

Waxa isaguna halkaasi ka hadlay wasiirka Madaxtooyada Somaliland, Xirsi Cali Xaaji Xasan oo goobtaasi ka tiriyey gabay uu dareenkiisa ku cabirayo, isla markaana uu muujinayo dhibaatooyin badan oo lasoo gaarsiiyay intii aanu wasiirka noqon iyo imika oo uu wasiir yahay, waxaanu gabayga ku xusay mar ay dawladdii hore Daahir Rayaale xabsiga u taxaabtay kuna tilmaamtay inuu Al-shabaab yahay,sidoo kale wuxuu gabayga ku sheegay sida uu u aaminsan yahay qadiyadda Somaliland iyo muddadii uu xilka hayay waxyaalihii uu qabtay.

Wasiir Xirsi ayaa sheegay inuu gabaygani ku soo dhashay wakhtigii uu Turkiga joogay ee uu shirarka kula jiray Soomaaliya, isla markaana wax badan ku iftiimiyey waxyaalo badan oo uu tirsanayey oo shakhsiyan laga lagay iyo waxyaalo badan oo ay xukuumadda uu ka tirsan yahay qabatay balse dad kale dhiilaan.

Si kastaba ha ahaatee, wasiirka Madaxtooyada Xirsi Cali Xaaji Xasan ayaa ah ka loogu hadal haynta badan yahay wasiiradda Somaliland , isla markaan aad loo dhaliilo, haseyeeshee gabaygan wuxuu ku muujiyey arrimo badan oo uu sheegay in laga gardaran yahay, taas oo uu ku garnaqsanayey.

Dadweynaha Somaliland ayaa gabaygan aan lagu ogayn ee uu tiriyey wasiirku siyaabo kala duwan u macnaystay, waxanay meelaha la iskugu yimaado ku dhalisay dood iyo falanqeyn, maadama oo gabaygaasi u ahaa mid aad culus oo dhinacyo badan uu ku garnaqsanayey.

Dhinaca kale, waxa uu u muuqday gabaygan inuu u jawaabayey abwaano gabayo ku dhaliilay, qaarkoodna heeso wax kaga sheegayaan u sameeyey.

Sidoo kale waxa uu wasiirku dhaliilay hadal ka soo yeedhay xildhibaan Cali Khaliif Galaydh oo uu sheegay inuu Somaliland waxba ka qaban kari waayey, soomaaliyana uu dab kula wareegayo, waxa kale oo uu tacsi u diray wasiirku shacabkii dhowaan lagu qarxiyey magaaladda Muqdisho.

Barkhad-Ladiif M. Cumar, Hiiraan Online
[email protected] 
Hargeysa, Somaliland













Click here
4/20/2013 1:29 PM EST
Sabti, Abriil 20, 2013 (HOL) — Saraakiil ka tirsan ciidamada xoogga dalka ayaa maanta tababar aqoon-kororsi ah loogu qaaday dalka Uganda, iyadoo ay garoonka diyaaradaha kusii sagtooyeen xubno uu ku jiray abaanduulaha cusub ee ciidamada milateriga Soomaaliya.

4/20/2013 1:16 PM EST
Sabti, Abriil 20, 2013 (HOL) — Madaxweynaha Soomaaliya, Xasan Sheekh Maxamuud ayaa maanta khudbad ku aaddan dhanka amaanka ka jeediyay furitaanka shirka Tana Forum ee looga hadlayo amniga Qaaradda Afrika ee ka dhacaya dalka Itoobiya.

4/20/2013 1:16 PM EST
Sabti, Abriil 20, 2013 (HOL) — Ugu yaraan afar qof ayaa ku dhintay laba kalena way ku dhaawacmeen iskarhoimaad isgoyska Baar Ubax ee degmada Holwadaag ku dhexmaray maanta rag la rumeysan yahay inay Al-shabaab ka tisran yihiin ciidamada dowladda Soomaaliya.

4/20/2013 12:58 PM EST
Sabti, Abriil 20, 2013 (HOL) — Ciidamada amniga Baydhabo ayaa maanta ku xiray degmadaas Malaaq Cabdi Caliyow Macallin oo loo yaqaan (Cabdi Tees) kaddib markii ay kasoo qabteen gurigiisa, iyadoo la sheegay in loo xiray wareysi ku saabsan xaaladda ammaan ee gobolka Bay oo uu siiyay laanta afka Soomaaliga ee VOA-da.

4/20/2013 11:38 AM EST
Sabti, Abriil 20, 2013(HOL)— Garoonka Kubadda Koleyga 1da Luulyo (Ex-Lugino) ee magaalada Muqdisho waxaa ciyaartii kama dambeysta ee Tartanka Kubadda Koleyga Degmooyinka Gobolka Banaadir isaga horyimid Degmooyinka Hodan iyo Cabdicasiis. Iyadoo guusha ay 70-68 ku raacday Degmada Cabdicasiis.

4/20/2013 8:41 AM EST
Sabti, Abriil 20, 2013 (HOL) — War kasoo baxay xafiiska warfaafinta ee Al-shabaab oo lasoo dhigay barta Twitter-ka ay ku leedahay kooxdan ayaa lagu sheegay in afartii bilood ee sannadkan ay magaalada Muqdisho ku dileen 127 askari oo ka tirsan hay’adda nabadsugidd Qaranka Soomaaliyeed.

4/20/2013 8:21 AM EST
Sabti, Abriil 20, 2013 (HOL) — Ra’iisul wasaaraha xukuumada Soomaaliya, Cabdi Faarax Shirdoon (Saacid) ayaa 10 su’aal lagu weydiiiyay kulan maanta uu golaha baarlamaanka Soomaaliya ku yeeshay Muqdisho, waxayna su’aaluhu u badnaayeen heshiisyo ay xukuumaddu la gashay dalka Turkiga kuwaasoo ku saabsan tababarka ciidamada.

4/20/2013 7:31 AM EST
Sabti, Abriil 20, 2013 (HOL) — Si loo hagaajiiyo nidaamka daqlli ururinta mudo 22 sano ah kadib maamulka gobollka Hiiraan ayaa bilaabay markii ugu horeysay in uu aqoon ku soo xusho shaqaallaha ka howlgala waaxda cashuurta ururinta, waxaana dhinaca kale ka soconaya magaalada Baladweyne tababaro sare loogu qaadayo aqoonta shaqaallaha ka howlgali doona qaadista iyo soo ururinta canshuurta laga qaado dadweynaha.

4/20/2013 6:32 AM EST
Miinada iyo waxyaabaha kale ee qarxa waxay ka mid yihiin waxyaabaha ugu halista badan ee laga dhaxlo meelaha ay ka dhacaan dagaalada u dhaxeeya Dawladaha Xuduuda leh , kuwaasoo aan waxba isula harin, ama meelaha ay ku habsato muusibada dagaalada sokeeye .

4/20/2013 3:21 AM EST
Sabti, Abriil 20, 2013 (HOL) — Xukuumadda Soomaaliya ayaa sheegtay in toddobaadka soo socda ay ka howlgalayaan Muqdisho ciidammo si gaar ah u tababaran oo loogu talogalay inay sugaan ammaanka Muqdisho.

4/20/2013 2:59 AM EST
Sabti, Abriil 20, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo xalay gaaray magaalada Baxar-daar ee dalka Itoobiya ayaa uga qaybgalaya halkaas furitaanka shirka Tana Forum ee looga hadlayo ammaanka Qaaradda Afrika.

4/20/2013 2:56 AM EST
Sabti, Abriil 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo xubno ka mid ah golihiis wasiirrada ayaa hortagaya maanta golaha baarlamaanka Soomaaliya halkaasoo su'aalo lagu weydiin doono.