3/29/2024
Today from Hiiraan Online:  _
Wararka Maanta- Talaado, Apr 2 , 2013
Kooxo Hubeysan oo Ciidammo ka tirsan Booliiska dharka cad ee Dalka Kenya ku toogtay Bartamaha Degmada Gaarisa

Talaado, Abriil 02, 2013 (HOL) — Kooxo hubeysan ayaa ku toogtay gudaha degmada Gaarisa ee gobolka Waqooyi-bari ee dalka Kenya lab aka mid ah ciidamada dharka cad ee booliiska Kenya, iyagoo isla weerarkaas dhaawac ugu geystay mid kale.

Goobjoogayaal ku sugan Gaarisa ayaa sheegay in weerarka lagu dilay labada askari uu ka dhacay waddo muhiim ah oo ku dhow suuqa weyn ee degmada oo lagu magacaabo Suuq Mugdi.

“Askarta waxaa lagu dilay bastoolado, waxaana dilkooda geystay kooxo aan la garanayn, goobta oo dhan waxaa soo buuxiyay ciidammo ka tirsan kuwa Kenya,” ayuu yiri goobjooge ku sugan Gaarisa.

Wararka ayaa waxay sheegayaan in ciidamadan la toogtay ay ku jireen howl baaritaan ah, iyadoo aysan jirin cid sheegatay inay mas’uul ka tahay dilka loo geystya ciidamadan.

Dowladda Kenya ayaan ka hadlin dilka ka dhacay maanta degmada Gaarisa ee gobolka Waqooyi-bari ee Kenya, iyadoo degmadaas ay saddexdii bilood ee lasoo dhaafay ka dhacayeen dilal lagu bartilmaameedsanayo ciidamada Kenya.

Toogashadan ciidamadan ayaa waxay noqonaysaa tii ugu horreysay oo ka dhacda gobolka Waqooyi-bari tan iyo markii xilka madaxweynimo ee dalkaas loo doortay madaxweynaha cusub ee Kenya, Uhuru Kenyatta oo dawacad dhinaca bani’aadamnimada ah ay kaga furan tahay maxkamadda dambiyada ee ICC.

Askariga dhaawacmay ayaa lagu daweynayaa isbitaal weyn ee Gaarisa, iyadoo la sheegay in dhaawaca gaaray uu yahay mid halis ah, waxaana ka baxsaday goobta kooxihii geystay weerarkan khasaaraha sababay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/2/2013 11:03 AM EST
Talaado, 2 April, 2013(HOL) :- Ergadii ka qeybqaadaneysay shirka la doonayo in maamul goboleed loogu dhiso sedexda gobo lee J/hoose J/dhexe iyo Gedo ayaa maanta ansixisay Axdi KMG ah oo ay ku shaqeyn doonto dowlad goboleedka loogu magic daray Jubbaland ee la filayo in loo dhiso gobollada Jubooyinka.

4/2/2013 8:56 AM EST
Talaado, Abriil 02, 2013 (HOL) — Shirweynaha Qaran ee wadatashiga garsoorka Soomaaliya oo maalintii laabad si toos ah uga socda magaalada Muqdisho, kaasoo ay ka qaybgaleen guddoomiyaha Baarlamanaka, Prof. Maxamed Sheekh Cusmaan Jawaari, guddoomiyaha maxkamadda sare, Avv. Ceydiid Ilkaxanaf, xeer ilaaliyaha guud ee Qaranka iyo dhammaan rrgada mataleysa dadka Soomaaliyeed ee shirka lagu casuumay.

4/2/2013 8:23 AM EST
Talaado, Abriil 02, 2013 (HOL) — Ururka Qareenadda Somaliland, ayaa ugu baaqay golaha Wakiiladda inay sameeyaan xeerka mihnadda qareenimo lagu nidaamiyo oo tayo leh si loo helo cadaalad iyo xeer madax banaan oo waafaqsan xeerarka caalamka.

4/2/2013 8:14 AM EST
Talaado, Abriil 02, 2013 (HOL) — Taliyaha ciidamada AMSIOM, Jen. Andrew Gutti ayaa sheegay in ciidamadooda iyo kuwa dowladda Soomaaliya oo is-garabsanaya ay ku guuleysteen inay furaan waddada isku xirta Muqdisho iyo Baydhabo oo dhirirkeedu yahay 241-km.

4/2/2013 6:27 AM EST
Talaado, Abriil 02, 2013 (HOL) — Maalintii Axadda ahayd ee lasoo dhaafay ayaa waxaa (31 Maarso, 2013), waxaa lagu soo gaba-gaboobay tartankii 13- aad ciyaaraha kubadda cagta ee Indoor Soccer Cup magaalada Columbus ee gobolka Ohio.

4/2/2013 2:19 AM EST
Talaado, Abriil 02, 2013 (HOL) — Culummaa’uddiinka Ahlusunna Waljamaaca oo ka mid ah maamullada uu xiriirka wanaagsan kala dhexeeyo dowladda Soomaaliya ayaa sheegay inaan lagu casuumin shirka looga tashanayo dib u habeynta garsoorka dalka.

4/2/2013 1:54 AM EST
Talaado, Abriil 02, 2013 (HOL) — Ciidammo ka tirsan kuwa AMISOM oo aad u fara badan ayaa shalay gallinkii dambe illaa xalay gaarayay magaaalada Baydhabo ee xarunta gobolka Bay, kuwaasoo maray dhinaca dhulka waxayna fariisimo ka sameysteen gudaha iyo duleedyada Baydhabo.