3/29/2024
Today from Hiiraan Online:  _
Wararka Maanta- Talaado, Apr 16, 2013
Bam Gacmeed lagu Weeraray Saldhigga Booliiska Magaalada Baladweyne oo Fariisin u ah ciidamada Jabuuti ee AMISOM

Talaado, Abriil 16, 2013 (HOL) — Barqanimadii maanta ayaa laga maqlay gudaha magaalada Baladweyne qarax loo adeegsaday Bam kuwa gacanta laga tuuro ah oo lagu weeraray saldhiga booliiska magaalada Baladweyne oo fariisin u ah  ciidamada Jabuuti ee qeybta ka ah howlgalka midowgga Africa AMISOM.

Qof goobjooge ahaa waqtiga uu qaraxa dhacayay ayaa u sheegay HOL in wax uu u maleeyay Bam gacanta laga tuuray uu ku qarxay ilinka hore ee saldhiga booliiska magaalada Baladweyne xili ay halkaa ku sugnaayeen ciidamo ka tirsan kuwa dowladda Jabuuti.

Qaraxa kaddib ayaa waxaa mar kaliya la maqlay rasaas culus oo dhaceysa, taasoo qal qal iyo baqdin ku abuurtay dadka magaalada gaar ahaan kuwii ka agdhawaan saldhiga oo mar kaliya goobta ku kala cararay.

Inta la og-yahay qaraxa waxaa uu dhaawac fudud ka soo gaaray qof dumar ah oo xiligaa ku sugneyd goob aan ka fogeyn halka uu qaraxa ka dhacay, mana jirto cid kale oo wax ku noqotay inta la og-yahay ilaa iyo waqtigan.

Sidoo kale, saraakiisha ciidamada Jabuuti iyo kuwa maamulka gobollka Hiiraan mid kama hadllin qaraxa oo noqonaya kii ugu horeeyay ee noociisa ah oo lagu bartilmaameedsado mid ka mid ah saldhigyada  ciidamada  Jabuuti ay ku leeyihiin magaalada Baladweyne.

C/raxmaan Diini, Hiiraan Online
[email protected]
Baladweyne, Soomaaliya













Click here
4/16/2013 12:09 PM EST
Talaado, Abriil 16, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wafdi Midowga Yurub ka socday oo uu hoggaaminayay agaasimaha Bariga iyo Koonfurta Afrika ee Midowga Yurub, Francesca Mosca.

4/16/2013 11:39 AM EST
Talaado, Abriil 16, 2013 (HOL) — Xarakada Al-shabaab ayaa ku hanjabtay inay weerarro cusub ay ka geysanayso magaalada Muqdisho ee xarunta Soomaaliya, maalin kaddib weerarro ay ku dhinteen 30-qof oo Al-shabaab ay ku qaaday dhismaha garsoorka Soomaaliya oo xarum ah maxkamadaha kala duwan ee dalka.

4/16/2013 11:20 AM EST
Talaado, Abriil 16, 2013 (HOL) — Wasiirka Arrimaha Gudaha Somaliland Mudane Maxamed Nuur Caraalle (Duur), ayaa maanta cambaareeyay qaraxyadii ka dhacay Magaalooyinka Muqdisho ee dalka Soomaaliya iyo Magaalada Boston ee dalka Maraykanka.

4/16/2013 11:12 AM EST
Talaado, Abriil 16, 2013 (HOL) — Madaxweynaha Soomaaliya, Xasan Sheekh Maxamud ayaa maanta xarunta madaxtooyada ku soo dhaweeyay wafdi ka socday dalalka Holland iyo Sweden si uu uga guddoomo warqadaha aqoonsinga danjirenimo.

4/16/2013 10:39 AM EST
Talaado, 16 April, 2013 (HOL) :- Xildhibaan Max’uud Cali Magan oo kamid ah mudanayaasha baarlamanka Soomaaliya ayaa sheegay in uu u taaganyahay xilka madaxweynaha dowlad goboleedka Jubbaland ee uu dhismaheeda ka socdo degmada Kismaayo.

4/16/2013 10:30 AM EST
Talaado, Abriil 16, 2013 (HOL) — Gudoomiyaha ururka Saxaafadda Somaliland (SOLJA), Xasan Maxamed Yuusuf ayaa magacaabay guddi anshax-marinta saxaafadda ah, kuwaasoo ah qaar madax-banaan.

4/16/2013 10:25 AM EST
Talaado, Abriil 16, 2013 (HOL) — Aqoon-isweydaarsi ku aadan nabadeynta iyo xallinta khilaafaadyada ayaa maanta lagu qabtay hoolka shirarka ee xarunta Rugta Ganacsiga iyo Wershedaha Puntland ee Boosaaso, aqoon isweydaarsigan oo qayb ka ah olole wacyi gelin ah oo ay waddo muassasada Al-Minhaaj ayaa waxaa ka qayb gelaya 40 kamid ah nabadoonada gobolka Bari.

4/16/2013 3:09 AM EST
Talaado, April 16, 2013 (HOL) :- Maamulka dowladda Soomaaliya ee degmada Luuq ayaa ka deeyriyay xaaladda nololeed ee dadka barakacayaasha ah ee ku dhaqan degmada luug, iyadoona maamulku uu ugu baaqay hay'adaha samafalka in ay ka howlgalaan degmadaasi.

4/16/2013 1:13 AM EST
Talaado, Abriil 16, 2013 (HOL) — Golaha ammaanka ee Qaramada Midoobay oo kulan ku yeeshay xaruntooda New York ayaa si kulul u cambaareeyay weerarradii ka dhacay Muqdisho Axaddii kuwaasoo ay ku dhinteen in ka badan 30-qof ayna mas’uuliyadooda sheeegatay Al-shabaab.

4/16/2013 1:11 AM EST
Talaado, Abriil 16, 2013 (HOL) — Ugu yaraan saddex qof ayaa ku dhintay in ka badan 141 qof oo kalena dhaawacyo ayaa kasoo gaaray laba qarax oo ka dhacay magaalada Boston ee gobolka Massachusetts ee dalka Mareykanka.

4/16/2013 12:34 AM EST
Talaado, Abriil 16, 2013 (HOL) — Saraakiisha ciidamada ammaanka ee Puntland ayaa beeniyey in dagaal u dhexeeya ciidamada Puntland iyo Al-shabaab oo maalmihii u danbeeyey ka dhacay buuraleyda Galgala.

4/16/2013 12:32 AM EST
Talaado, Abriil 16, 2013 (HOL) — Kulankii sanadlaha ahaa ee culimada Puntland ayaa habeen hore ka billowday masjidka Al-rowda ee magaalada Boosaaso, cinwaanka guud ee nedwada ayaa sanadkan ah “ Ismaalmka iyo Qabyaaladda” waxaana ka qayb gelaya qaar kamid ah culimaa’uddiinka waaweyn ee dalka.