3/29/2024
Today from Hiiraan Online:  _
Wararka Maanta- Talaado, Apr 16, 2013
Hay'adaha Samafalka oo loogu baaqay inay kaalmo la gaaraan dadka Barakac ahaanta ku jooga Degmada Luuq ee Gobolka Gedo
Talaado, April 16, 2013 (HOL) :- Maamulka dowladda Soomaaliya ee degmada Luuq ayaa ka deeyriyay xaaladda nololeed ee dadka barakacayaasha ah ee ku dhaqan degmada luug, iyadoona maamulku uu ugu baaqay hay'adaha samafalka in ay ka howlgalaan degmadaasi.

Guddoomiye ku xigeenka degmada Luuq ahna kusimaha gudoomiyaha Mudane Nuur Xuseen Cali oo wareysi gaar ah siiyay shabakadda HOL ayaa sheegay in degmadaasi ay ka jirto xaalad biniaadanimo oo aad u liidata, wuxuuna ugu baaqay hay'adaha samafalka in ay usoo gurmadaan dadka ku dhibaateeysan degmadaasi iyo deegaanada hoostaga.

Masuulkani ayaa sheegay in ammaanka degmada Luuq uu yahay mid la isku haleyn karo islamarkaasina ay iyagu damaanad qaadayaa sugidda amniga hay'adaha iyo weliba cid walba oo gacan ka geysanaysa wax u qabashada dadka ku dhibaateeysan gudaha iyod aafaha degmadaasi, wuxuuna ka deeyriyay xaaladda nololeed ee dadka barakacayaasha ah ee ku nool halkaasi.

"Degmadan roobab badan baa ka da'ay, saameyn badan bayna ku yeesheen dadka ku nool halkan, waxaa laga cabsi qabaa in ay webiyada fatahaan oo ay dhibaato ku keenaan dalagyadii beeraha, Maciishadii oo iyadana sare usii kaceeyso maadaama ay istaageen gaadiidkii isaga kala gooshi jiray degmooyinka gobolka," ayuu hadalkiisii raaciyay.

Sidoo kale waxa uu sheegay in gudaha degmada ay ku yaalaan ku dhawaad ilaa 300 oo Kaam oo ay ku jiraan dad kasoo barakacay gobollada Bay, Bakool iyo weliba qeybo katirsan gobolka Gedo, wuxuuna xusay in degmada ay ku suganyihiin hay'ado, balse wuxuu xusay in ay gargaarka ay bixiyaan uusan ahayn mid kaafin kara baahida dadka ku dhibaateeysan gudaha degmada iyo daafaheeda.

Qeylo dhaantan kasoo yeereeysa maamulka degmada Luuq ayaa kusoo beegmeysa iyadoo la gudo jiro xilli Gu'ga oo ah xilli inta badan gobollada dalka Soomaaliya ay ka da'aan roobab, waxayna roobabkani aalaaba saameyn ku yeeshaan dhaqdhaqaaqa gaadiidka ganacsi ee isaga kala goosha gobolllada dalka Soomaaliya, waxayna arintaasi saameeynta ugu badan ku yeelataa dadka danyarta ah, maadaama uu sare u kac xooggan ku yimaado qiimaha raashiinka iyo maciishadaha kala duwan ee lagama maarmaanka u ah nolosha dadka.

Xasan Nuur, Hiiraan Online
[email protected]
Kismaayo-Soomaaliya











Click here
4/16/2013 12:09 PM EST
Talaado, Abriil 16, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wafdi Midowga Yurub ka socday oo uu hoggaaminayay agaasimaha Bariga iyo Koonfurta Afrika ee Midowga Yurub, Francesca Mosca.

4/16/2013 11:39 AM EST
Talaado, Abriil 16, 2013 (HOL) — Xarakada Al-shabaab ayaa ku hanjabtay inay weerarro cusub ay ka geysanayso magaalada Muqdisho ee xarunta Soomaaliya, maalin kaddib weerarro ay ku dhinteen 30-qof oo Al-shabaab ay ku qaaday dhismaha garsoorka Soomaaliya oo xarum ah maxkamadaha kala duwan ee dalka.

4/16/2013 11:20 AM EST
Talaado, Abriil 16, 2013 (HOL) — Wasiirka Arrimaha Gudaha Somaliland Mudane Maxamed Nuur Caraalle (Duur), ayaa maanta cambaareeyay qaraxyadii ka dhacay Magaalooyinka Muqdisho ee dalka Soomaaliya iyo Magaalada Boston ee dalka Maraykanka.

4/16/2013 11:12 AM EST
Talaado, Abriil 16, 2013 (HOL) — Madaxweynaha Soomaaliya, Xasan Sheekh Maxamud ayaa maanta xarunta madaxtooyada ku soo dhaweeyay wafdi ka socday dalalka Holland iyo Sweden si uu uga guddoomo warqadaha aqoonsinga danjirenimo.

4/16/2013 10:39 AM EST
Talaado, 16 April, 2013 (HOL) :- Xildhibaan Max’uud Cali Magan oo kamid ah mudanayaasha baarlamanka Soomaaliya ayaa sheegay in uu u taaganyahay xilka madaxweynaha dowlad goboleedka Jubbaland ee uu dhismaheeda ka socdo degmada Kismaayo.

4/16/2013 10:30 AM EST
Talaado, Abriil 16, 2013 (HOL) — Gudoomiyaha ururka Saxaafadda Somaliland (SOLJA), Xasan Maxamed Yuusuf ayaa magacaabay guddi anshax-marinta saxaafadda ah, kuwaasoo ah qaar madax-banaan.

4/16/2013 10:25 AM EST
Talaado, Abriil 16, 2013 (HOL) — Aqoon-isweydaarsi ku aadan nabadeynta iyo xallinta khilaafaadyada ayaa maanta lagu qabtay hoolka shirarka ee xarunta Rugta Ganacsiga iyo Wershedaha Puntland ee Boosaaso, aqoon isweydaarsigan oo qayb ka ah olole wacyi gelin ah oo ay waddo muassasada Al-Minhaaj ayaa waxaa ka qayb gelaya 40 kamid ah nabadoonada gobolka Bari.

4/16/2013 10:22 AM EST
Talaado, Abriil 16, 2013 (HOL) — Barqanimadii maanta ayaa laga maqlay gudaha magaalada Baladweyne qarax loo adeegsaday Bam kuwa gacanta laga tuuro ah oo lagu weeraray saldhiga booliiska magaalada Baladweyne oo fariisin u ah ciidamada Jabuuti ee qeybta ka ah howlgalka midowgga Africa AMISOM.

4/16/2013 1:13 AM EST
Talaado, Abriil 16, 2013 (HOL) — Golaha ammaanka ee Qaramada Midoobay oo kulan ku yeeshay xaruntooda New York ayaa si kulul u cambaareeyay weerarradii ka dhacay Muqdisho Axaddii kuwaasoo ay ku dhinteen in ka badan 30-qof ayna mas’uuliyadooda sheeegatay Al-shabaab.

4/16/2013 1:11 AM EST
Talaado, Abriil 16, 2013 (HOL) — Ugu yaraan saddex qof ayaa ku dhintay in ka badan 141 qof oo kalena dhaawacyo ayaa kasoo gaaray laba qarax oo ka dhacay magaalada Boston ee gobolka Massachusetts ee dalka Mareykanka.

4/16/2013 12:34 AM EST
Talaado, Abriil 16, 2013 (HOL) — Saraakiisha ciidamada ammaanka ee Puntland ayaa beeniyey in dagaal u dhexeeya ciidamada Puntland iyo Al-shabaab oo maalmihii u danbeeyey ka dhacay buuraleyda Galgala.

4/16/2013 12:32 AM EST
Talaado, Abriil 16, 2013 (HOL) — Kulankii sanadlaha ahaa ee culimada Puntland ayaa habeen hore ka billowday masjidka Al-rowda ee magaalada Boosaaso, cinwaanka guud ee nedwada ayaa sanadkan ah “ Ismaalmka iyo Qabyaaladda” waxaana ka qayb gelaya qaar kamid ah culimaa’uddiinka waaweyn ee dalka.