3/28/2024
Today from Hiiraan Online:  _
Wararka Maanta- Talaado, Apr 16, 2013
Qaraxyo sababay khasaare Nafeed oo ka dhacay Magaalada Boston; Gobolka Massachusetts Dalka Mareykanka


Talaado, Abriil 16, 2013 (HOL) — Ugu yaraan saddex qof ayaa ku dhintay in ka badan 141 qof oo kalena dhaawacyo ayaa kasoo gaaray laba qarax oo ka dhacay magaalada Boston ee gobolka Massachusetts ee dalka Mareykanka.

Weerarradan oo aan la ogeyn cid ka dambeysa iyo cid sheegatay ayaa waxaa lala beegsaday dad badan oo daawanayay ciyaaraha orodka dheer ee maradoonka loo yaqaan oo ka socday magaaladaas, iyadoo booliiska Boston ay xireen dhammaan goobaha muhiimka ah.

“Xaaladda magaalada waa kacsan tahay, waxaa la xiray waddooyinka muhiimka ah, dadkana waxaa lagu wargeliyay inay guryahooda iyo hoteellada ay deggen yiniin ku sugnaadaan,” ayay tiri Siciido Maxamed Maalin oo ka mid ah Soomaalida deggen Boston.

Siciido waxay sheegtay in meel ku dhow halkii loogu talogalay inuu orodku ku dhamaado ay qaraxyadu ka dhaceen, iyadoo sheegtay inay aragtay qof dhulka ku dhacaya iyo jug weyn, dabadeedna ay aaday gurigeeda.

Inkastoo aysan booliisku sheegin cidda ka dambeysay weerarradan ama ay ku tuhmayaan ayaa haddana waxay sheegeen inay socdaan baaritaanno ay ku raadinayaan kooxihii ka dambeeyay, waxaana laga digay in cid gaar ah lagu eedeeyo inta baaritaannadu ay socdaan.

Booliiska ayaa ku dhawaaqay in ganacsiga aan la fulin karin illaa berri xilliga Mareykanka, waxaana magaalada ka jira jaho-wareer badan, iyadoo dadkii u daawasho tagay ciyaaraha ay weli qaarkood ku xayiran yihiin goobihii ay ka daawanacyeen ciyaaraha, kaddib markii ay waayeen meel ay maraan.

Madaxweynaha Mareykanka, Barack Obama oo ka hadlay weerarradan ayaa ku tilmaamay kuwo laga naxo, balse wuxuu sheegay inay socdaan baaritaanno lagu raadinayo kooxihii ka dambeeyay, isagoo sheegay inaysan jirin cid ay ku eedeynayaan hadda.

Dadka ku dhintay qaraxyadan ayaa waxaa ku jira wiil yar oo 8-jir ah, iyadoo orod-yahannadii ka qaybqaadanayay maaradoonka oo kumannaan ahaa ay kala carareen markii ay qaraxyadu dhaceen.

Soomaali badan oo deggen magaalada Boston ayaa sheegay inay ku sugan yihiin guryahooda, ayna xaaladdu tahay mid kacsan oo aan la saadaalin karin sida ay isku bedeli karto.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/16/2013 12:09 PM EST
Talaado, Abriil 16, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wafdi Midowga Yurub ka socday oo uu hoggaaminayay agaasimaha Bariga iyo Koonfurta Afrika ee Midowga Yurub, Francesca Mosca.

4/16/2013 11:39 AM EST
Talaado, Abriil 16, 2013 (HOL) — Xarakada Al-shabaab ayaa ku hanjabtay inay weerarro cusub ay ka geysanayso magaalada Muqdisho ee xarunta Soomaaliya, maalin kaddib weerarro ay ku dhinteen 30-qof oo Al-shabaab ay ku qaaday dhismaha garsoorka Soomaaliya oo xarum ah maxkamadaha kala duwan ee dalka.

4/16/2013 11:20 AM EST
Talaado, Abriil 16, 2013 (HOL) — Wasiirka Arrimaha Gudaha Somaliland Mudane Maxamed Nuur Caraalle (Duur), ayaa maanta cambaareeyay qaraxyadii ka dhacay Magaalooyinka Muqdisho ee dalka Soomaaliya iyo Magaalada Boston ee dalka Maraykanka.

4/16/2013 11:12 AM EST
Talaado, Abriil 16, 2013 (HOL) — Madaxweynaha Soomaaliya, Xasan Sheekh Maxamud ayaa maanta xarunta madaxtooyada ku soo dhaweeyay wafdi ka socday dalalka Holland iyo Sweden si uu uga guddoomo warqadaha aqoonsinga danjirenimo.

4/16/2013 10:39 AM EST
Talaado, 16 April, 2013 (HOL) :- Xildhibaan Max’uud Cali Magan oo kamid ah mudanayaasha baarlamanka Soomaaliya ayaa sheegay in uu u taaganyahay xilka madaxweynaha dowlad goboleedka Jubbaland ee uu dhismaheeda ka socdo degmada Kismaayo.

4/16/2013 10:30 AM EST
Talaado, Abriil 16, 2013 (HOL) — Gudoomiyaha ururka Saxaafadda Somaliland (SOLJA), Xasan Maxamed Yuusuf ayaa magacaabay guddi anshax-marinta saxaafadda ah, kuwaasoo ah qaar madax-banaan.

4/16/2013 10:25 AM EST
Talaado, Abriil 16, 2013 (HOL) — Aqoon-isweydaarsi ku aadan nabadeynta iyo xallinta khilaafaadyada ayaa maanta lagu qabtay hoolka shirarka ee xarunta Rugta Ganacsiga iyo Wershedaha Puntland ee Boosaaso, aqoon isweydaarsigan oo qayb ka ah olole wacyi gelin ah oo ay waddo muassasada Al-Minhaaj ayaa waxaa ka qayb gelaya 40 kamid ah nabadoonada gobolka Bari.

4/16/2013 10:22 AM EST
Talaado, Abriil 16, 2013 (HOL) — Barqanimadii maanta ayaa laga maqlay gudaha magaalada Baladweyne qarax loo adeegsaday Bam kuwa gacanta laga tuuro ah oo lagu weeraray saldhiga booliiska magaalada Baladweyne oo fariisin u ah ciidamada Jabuuti ee qeybta ka ah howlgalka midowgga Africa AMISOM.

4/16/2013 3:09 AM EST
Talaado, April 16, 2013 (HOL) :- Maamulka dowladda Soomaaliya ee degmada Luuq ayaa ka deeyriyay xaaladda nololeed ee dadka barakacayaasha ah ee ku dhaqan degmada luug, iyadoona maamulku uu ugu baaqay hay'adaha samafalka in ay ka howlgalaan degmadaasi.

4/16/2013 1:13 AM EST
Talaado, Abriil 16, 2013 (HOL) — Golaha ammaanka ee Qaramada Midoobay oo kulan ku yeeshay xaruntooda New York ayaa si kulul u cambaareeyay weerarradii ka dhacay Muqdisho Axaddii kuwaasoo ay ku dhinteen in ka badan 30-qof ayna mas’uuliyadooda sheeegatay Al-shabaab.

4/16/2013 12:34 AM EST
Talaado, Abriil 16, 2013 (HOL) — Saraakiisha ciidamada ammaanka ee Puntland ayaa beeniyey in dagaal u dhexeeya ciidamada Puntland iyo Al-shabaab oo maalmihii u danbeeyey ka dhacay buuraleyda Galgala.

4/16/2013 12:32 AM EST
Talaado, Abriil 16, 2013 (HOL) — Kulankii sanadlaha ahaa ee culimada Puntland ayaa habeen hore ka billowday masjidka Al-rowda ee magaalada Boosaaso, cinwaanka guud ee nedwada ayaa sanadkan ah “ Ismaalmka iyo Qabyaaladda” waxaana ka qayb gelaya qaar kamid ah culimaa’uddiinka waaweyn ee dalka.