3/29/2024
Today from Hiiraan Online:  _
Wararka Maanta- Axad, Apr 14, 2013
Faahfaahin dheeri ah oo ku saabsan Weerarkii Maanta lagu qaaday Dhismaha Maxakamda Gobolka Banaadir (SAWIRRO)


Axad, Abriil 14, 2013 (HOL) — Inta la ogyahay 20-qof oo isugu jira kooxihii weeraray maxkamada gobolka Banaadir, ciidamada dowladda Soomaaliya, mas’uuliyiin ka tirsan maxkamada iyo dad shacab ah ayaa ku dhintay weerar ay kooxo hubeysan ku qaadeen maanta dhimasha maxkamada gobolka Banaadir ee Muqdisho.

Weerarkan oo ahaa mid qorsheysan ayaa waxaa fuliyay sida wasiirka arimaha gudaha iyo amaanka Qaranka uu sheegay sagaal qof oo qaarkood ay ku xirnaayeen waxyaabaha qarxa.

“Ciidamada dowladu waxay ku guuleysteen inay ka adkaadaan kooxihii soo weeraray Maxkamada Gobolka, dhamaantood oo sagaal ahaana waxay ku dhinteen gudaha maxkamada, lix ka mid ah way isqarxiyeen; sadex kalena la toogtay” ayuu yiri Wasiirka Amniga, C/kariin Xuseen Guuleed.

Sarkaal ka tirsan maxkamada gobolka Banaadir oo lagu magacaabo Aadan Sabdow ayaa sheegay in kooxaha weerarka soo qaaday ay xirnaayeen dharka ciidamada dowladda Soomaaliya, isagoo sheegay inay moodayeen ciiidamada dowladda, isagoo xusay in mid ka mid ah uu markiiba isqarxiyay, kuwii kalena waxay bilaabeen inay rasaas furan.

“Darbiga ayaa kasoo booday sidaas ayaan ku baxsaday, dagaalku wuu ahaa mid aad u xoogan, ma ahayn mid la filayay wuxuu ku dhacay si aan aad ula yaabay,” ayuu yiri mid ka mid ah garsoorayaasha maxkamada gobolka Banaadir oo ka baxsaday xarunta intii uu dagaalku socday.

Albaabka hore ee maxkamada oo ahayd halkii uu dagaalku ka bilowda ayaa lagu arkay maydadka shan askari oo ka tirsan ciidamada dowlada iyo mid ka mid ah kooxihii isqarxiyay, sidoo kale gudaha dhismaha ayaa lagu arkay maydadka dad shacab ah oo maxkamada u tagay dacwooyin.

Shaqaalihii maxkamadda ee la dilay waxaa ka mid ahaa la taliyaha dhinaca warfaafinta ee maxkamadda, Maxamed Xasan Xabeeb, garyaqaan, Maxamed Maxamuud Afrax oo u doodayay wariye C/casiis Koronto intii uu ku jiray xabsiga dhexe iyo garyaqaan, C/kariin Xasan Gorod.

Dhismaha maxkamada gobolka ayaa waxaa haatan gacanta ku haya ciidammo ka tirsan kuwa dowladda Soomaaliya, iyadoo lagu guuleystay in la badbaadiyo guddoomiyihii maxkamadda sare, Avv. Caydiid C/llaahi Ilko-xanaf, guddoomiyaha maxkamadda gobolka Banaadir, Xaashi Cilmi Nuur iyo shaqaale kale oo ka tirsan maxkamadda gobolka Banaadir iyo maxkamadda sare, kuwaasoo ku jiray gudaha maxkamadda markii uu dagaalku billaabanayay.

Madaxda Dowlada oo ka hadlay weerarkasn ayaa ku tilmaamay fal argagaxiso oo aad looga naxo, iyagoo sheegay inuusan naxuusin doonin howlaha dowlada Soomaaliya ay ku doonayso inay dalka oo dhan ka dhigto amaan.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/14/2013 4:22 PM EST
Axad, Abriil 14, 2013— Bandhig si heer sare ah loo soo agaasimay ayaa waxaa uu ka dhacay Magaalada Magalada Salalah ee Waddanka Cummaan . Bandhiggan ayaa waxaa ka qeybgalayay Dhammaan jaaliyadaha ku nool waddankaan Cumaan , waxaana lagusoo bandhigayay Cuntooyinka Waddan walba uu ku faano.

4/14/2013 3:56 PM EST
Axad, Abriil 14, 2013 (HOL) — Xarakada Al-shabaab oo dagaal hubeysan kula jirta dowladda Soomaaliya ayaa sheegatay mas’uuliyadda weerarro kala duwan oo maanta lagu qaaday xarunta maxkamadda gobolka Banaadir oo ku taalla degmada Xamarweyne.

4/14/2013 12:36 PM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo guddoomiyaha baarlamaanka, Maxamed Sheekh Cimsaan (Jawaari) iyo ra’iisul wasaare Cabdi Faarax Shirdoon (Saacid) ayaa cambaareeyay weerar maanta lagu qaaday dhismaha maxkamadda gobolka Banaadir, kaasoo ay ku dhinteen dad aad u badan.

4/14/2013 11:19 AM EST
Axad, Abriil 14, 2013 (HOL) — Afar cunug ayaa maanta ku sumoobay miyiga degmada Balli-Busle ee gobolka Sanaag, kadib markii ay cabeen biyo sumeysan. Labo kamid ah caruurtaas ayaa isla goobta ku geeriyoodey halka labada kalena ay xaaladoodu xilligan aad u liidato.

4/14/2013 9:33 AM EST
Axad, Abriil 14, 2013 (HOL) — Qarax ay ku dhinteen labo ruux oo u dhashay dalka Turkiga, haweeney Soomaali ah iyo qofkii weerarka fuliya ayaa ka dhacay waddada isku xirta garoonka diyaaradaha ee Muqdisho iyo isgoyska KM4 ee magaalada Muqdisho.

4/14/2013 9:05 AM EST
Axad, April 14, 2013(HOL)—Xildhibaano ka tirsan Baarlamaanka Federaalka Soomaaliya oo todobaad ku sugnaa dalka Sweden ayaa waxay fursad u heleen in ay arkaan sida uu u shaqeeyo baarlamaanka dalka Sweden, iyagoo sidoo kale la kulmay qaar ka mid ah Soomaalida ku nool dalka Sweden.

4/14/2013 8:55 AM EST
Axad, Abriil 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalmihii ugu dambeeyay booqashooyin ku marayey dalalka ay ciidamadu ka joogaan Soomaaliya ayaa dib ugu soo laabtay maanta Muqdisho, isagoo ka warbixiyay safarkiisa.

4/14/2013 8:41 AM EST
Axad, Abriil 14, 2013 (HOL) — Maxkamadda gobolka Hargeysa, ayaa maanta xukuntay Jaamac Cilmi Jiir oo ah muwaadin maqaalo taxane ah oo ku dhaliili jiray xukuumadda madaxweyne Siillaanyo ku qoray

4/14/2013 7:07 AM EST
Axad, Abriil 14, 2013 (HOL) — Golaha Deegaanka magaaladda Hargeysa, ayaa Saaka doortay gudoomiyihii golaha deegaanka Hargeysa oo noqon dooona maayarka magaaladda.

4/14/2013 7:03 AM EST
Axad, Abriil 14, 2013 (HOL) — In ka badan 10-qof ayaa ku dhintay tiro intaas ka badanna way ku dhaawacmeen weerarro isugu jiray toos iyo ismiidaamin oo maanta lagu qaaday xarunta maamulka gobolka Banaadir, halkaasoo ay ka socotay dacwad lagu qaaday dad eedeysanayaal ah.

4/14/2013 6:26 AM EST
Axad, 14 April, 2013 (HOl) :- Ciidamo gadoodsan oo ka tirsan kuwa dowladda Soomaaliya ayaa maanta jidgooyooyin dhigtay inta badan wadooyinka waaweyn ee magaalada Kismaayo, iyadoona uu gabi ahaanba manta xiranyahay dhaqdhaqaaqii ganacsi ee ka jiray magaalada.

4/14/2013 2:14 AM EST
Axad, Abriil 14, 2013 (HOL) — Magaalada Addis Ababa ee xartunta dalka Itoobiya ayaa waxaa lagu soo gabagabeeyay shirka arrimaha bulshada iyo shaqaalaha ee ururka Midowga Afrika. Shirkan oo looga hadlayay arrimaha shaqada, bulshada iyo shaqaalaha Afrika.

4/14/2013 1:44 AM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii kala qaybgalay shirkii Turkiga oo isugu jiray wasiirro iyo xildhibaanno ka tirsan dowladda ayaa dib ugu soo laabtay saakay magaalada Muqdisho ee xarunta Soomaaliya.

4/14/2013 1:38 AM EST
Axad, Abriil 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa sheegay in heshiiskii ay isaga iyo madaxweyne Xasan Sheekh Maxamuud kala la saxiixday uu nuxukiisu ahaa sidii ay labada dal uga wadashaqeyn lahaayeen danahooda.