3/28/2024
Today from Hiiraan Online:  _
Wararka Maanta- Axad, Apr 14, 2013
Kooxo Hubeysan oo Weerar isugu jira Ismiidaamin iyo mid Toos ah ku qaaday Xarunta Maxkamadda Gobolka Banaadir

Axad, Abriil 14, 2013 (HOL) — In ka badan 10-qof ayaa ku dhintay tiro intaas ka badanna way ku dhaawacmeen weerarro isugu jiray toos iyo ismiidaamin oo maanta lagu qaaday xarunta maamulka gobolka Banaadir, halkaasoo ay ka socotay dacwad lagu qaaday dad eedeysanayaal ah.

Weerarrada ismiidaaminta ah ayaa waxaa fuliyay laba nin oo waxyaabaha qarxa isku soo xiray iyadoo weerar kale oo ismiidaamin ahna lagu fuliyay gaari waxyaabaha qarxa laga soo buuxiya, intaas kaddib waxaa dhacay weerar toos ah oo dhexmaray kooxo hubeysan iyo ciidamadii ilaalada ka ahaa xarunta.

Goobjoogayaal ayaa sheegay inay arkayeen qiiq fara badan oo baxaya gudaha xarunta maxkamadda gobolka, waxaana garsoorayaasha iyo xubno ka tirsan shaqaalaha maxkamadda gobolka ay ku xiran yihiin xafiisyadooda.

Xarunta maamulka gobolka ayaa waxaa la wareegay gacan ku haynteeda xoogaggii hubeysnaa ee soo weeraray, iyadoo halkaas ay ku joogsadeen howlihii maxkamadda ka socday.

Mas’uuliyiinta dowladda ayaan weli ka hadlin dhacdadan oo noqnaysa tii ugu horreysay oo ka dhacda Muqdisho iyo markii Al-shabaab ay isaga baxeen degmooyinka magaalada Muqdisho laba sano ka hor.

Dhismaha maxkamadda oo ka koobay dabaqyo is-dul-saaran ayaa waxaa ku jira xoogaggii weeraray, iyadoo halkaas ay gaareen gadiidka gaashaaman ee ay wataan ciidamada AMISOM, iyadoo rasaas aad u xoog badan weli laga maqlayo xarunta maxkamadda.

Inkastoo aan si dhab ah loo ogeyn khasaaraha ka dhashay dagaalka ayaa hadda 10-ka qof ee la sheegay inay dhinteen waxaa ku jira labadii qof ee sameeyay ismiidaaminta, iyadoo dhaawacyo badan la gaarsiiyay isbitaallada Muqdisho.

Wararkii kusoo kordha weerarkaan waxaad kula socon doontaa wararkeenna dambe.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/14/2013 4:22 PM EST
Axad, Abriil 14, 2013— Bandhig si heer sare ah loo soo agaasimay ayaa waxaa uu ka dhacay Magaalada Magalada Salalah ee Waddanka Cummaan . Bandhiggan ayaa waxaa ka qeybgalayay Dhammaan jaaliyadaha ku nool waddankaan Cumaan , waxaana lagusoo bandhigayay Cuntooyinka Waddan walba uu ku faano.

4/14/2013 3:56 PM EST
Axad, Abriil 14, 2013 (HOL) — Xarakada Al-shabaab oo dagaal hubeysan kula jirta dowladda Soomaaliya ayaa sheegatay mas’uuliyadda weerarro kala duwan oo maanta lagu qaaday xarunta maxkamadda gobolka Banaadir oo ku taalla degmada Xamarweyne.

4/14/2013 12:36 PM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo guddoomiyaha baarlamaanka, Maxamed Sheekh Cimsaan (Jawaari) iyo ra’iisul wasaare Cabdi Faarax Shirdoon (Saacid) ayaa cambaareeyay weerar maanta lagu qaaday dhismaha maxkamadda gobolka Banaadir, kaasoo ay ku dhinteen dad aad u badan.

4/14/2013 11:19 AM EST
Axad, Abriil 14, 2013 (HOL) — Afar cunug ayaa maanta ku sumoobay miyiga degmada Balli-Busle ee gobolka Sanaag, kadib markii ay cabeen biyo sumeysan. Labo kamid ah caruurtaas ayaa isla goobta ku geeriyoodey halka labada kalena ay xaaladoodu xilligan aad u liidato.

4/14/2013 11:13 AM EST
Axad, Abriil 14, 2013 (HOL) — Inta la ogyahay 20-qof oo isugu jira kooxihii weeraray maxkamada gobolka Banaadir, ciidamada dowladda Soomaaliya, mas’uuliyiin ka tirsan maxkamada iyo dad shacab ah ayaa ku dhintay weerar ay kooxo hubeysan ku qaadeen maanta dhimasha maxkamada gobolka Banaadir ee Muqdisho.

4/14/2013 9:33 AM EST
Axad, Abriil 14, 2013 (HOL) — Qarax ay ku dhinteen labo ruux oo u dhashay dalka Turkiga, haweeney Soomaali ah iyo qofkii weerarka fuliya ayaa ka dhacay waddada isku xirta garoonka diyaaradaha ee Muqdisho iyo isgoyska KM4 ee magaalada Muqdisho.

4/14/2013 9:05 AM EST
Axad, April 14, 2013(HOL)—Xildhibaano ka tirsan Baarlamaanka Federaalka Soomaaliya oo todobaad ku sugnaa dalka Sweden ayaa waxay fursad u heleen in ay arkaan sida uu u shaqeeyo baarlamaanka dalka Sweden, iyagoo sidoo kale la kulmay qaar ka mid ah Soomaalida ku nool dalka Sweden.

4/14/2013 8:55 AM EST
Axad, Abriil 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalmihii ugu dambeeyay booqashooyin ku marayey dalalka ay ciidamadu ka joogaan Soomaaliya ayaa dib ugu soo laabtay maanta Muqdisho, isagoo ka warbixiyay safarkiisa.

4/14/2013 8:41 AM EST
Axad, Abriil 14, 2013 (HOL) — Maxkamadda gobolka Hargeysa, ayaa maanta xukuntay Jaamac Cilmi Jiir oo ah muwaadin maqaalo taxane ah oo ku dhaliili jiray xukuumadda madaxweyne Siillaanyo ku qoray

4/14/2013 7:07 AM EST
Axad, Abriil 14, 2013 (HOL) — Golaha Deegaanka magaaladda Hargeysa, ayaa Saaka doortay gudoomiyihii golaha deegaanka Hargeysa oo noqon dooona maayarka magaaladda.

4/14/2013 6:26 AM EST
Axad, 14 April, 2013 (HOl) :- Ciidamo gadoodsan oo ka tirsan kuwa dowladda Soomaaliya ayaa maanta jidgooyooyin dhigtay inta badan wadooyinka waaweyn ee magaalada Kismaayo, iyadoona uu gabi ahaanba manta xiranyahay dhaqdhaqaaqii ganacsi ee ka jiray magaalada.

4/14/2013 2:14 AM EST
Axad, Abriil 14, 2013 (HOL) — Magaalada Addis Ababa ee xartunta dalka Itoobiya ayaa waxaa lagu soo gabagabeeyay shirka arrimaha bulshada iyo shaqaalaha ee ururka Midowga Afrika. Shirkan oo looga hadlayay arrimaha shaqada, bulshada iyo shaqaalaha Afrika.

4/14/2013 1:44 AM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii kala qaybgalay shirkii Turkiga oo isugu jiray wasiirro iyo xildhibaanno ka tirsan dowladda ayaa dib ugu soo laabtay saakay magaalada Muqdisho ee xarunta Soomaaliya.

4/14/2013 1:38 AM EST
Axad, Abriil 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa sheegay in heshiiskii ay isaga iyo madaxweyne Xasan Sheekh Maxamuud kala la saxiixday uu nuxukiisu ahaa sidii ay labada dal uga wadashaqeyn lahaayeen danahooda.