6/26/2019
Today from Hiiraan Online:  _
Wararka Maanta- Arbaco, Apr 10, 2013
Laba Qof oo ku Geeriyooday Is-rasaaseyn Dhexmartay Ciidamada Ammaanka Magaalada Burco iyo koox dablay ah


Arbaco, Abriil 10, 2013 (HOL) — Laba qof ayaa ku dhintay, is rasaasayn ka dhacday duleedka koonfur galbeed ee deegaanka Kaba dheere ee magaaladda Burco ee gobolka Togdheer.

Israsaasayntan ayaa dhexmartay ciidanka Booliska iyo dablay hubaysan, ka dib markii wefti uu hogaaminayey wasiirka Xanaanadda Xoolaha ay ka yimaadeen mashruuc xoolaha lagu xanaanaynayo oo laga hirgaliyey duleedka magaaladda Burco, waxaana markii ay mashruucaasi soo dhagax dhigeen, iska hor yimaadeen saddex in oo hubaysan, kuwaas oo ciidankii weftiga la socdayna isku dayeen inay soo qabtaan ragaasi, haseyeeshee saddexdii nin ayaa is difaacay, isla markaana waxa halkaasi ku geeriyooday Askari iyo mid ka mid ah kooxdii dablayda ahayd, halka midna maxbuus ahaan loo soo qabtay, midna baxsaday.

Illaa hadda si rasmi ah looma sheegin sababta ciidanka iyo dablaydaasi iskaga hor yimaadaan, haseyeeshee waxay wararka qaar sheegayaan in beertan xoolaha lagu dhaqaalaynayo uu khilaaf ka taagnaa oo la isku haystay, inkastoo wasiirka Xanaanadu sheegay in murankaasi hore uga jiray beerta la dhameeyey oo aanay imika hadal ka taagnayn.

Wasiirka Xanaanada xoolaha iyo Badhasaabka gobolka Togdheer iyo taliyaha booliska ayaa ciidanka booliska uga tacsiyadeeyey askarigaasi hawlgalkaasi ku geeriyooday iyo ninka shacabka ee geeriyoodayba , waxaanay sheegeen in la baadhayo waxa ku kalifay inay dablaydaasi ciidanka rasaaseeyaan iyo halka ay hubka u siteen, isla markaana ay ku jirto gacanta hay’adda dambi baadhista.

Barkhad-Ladiif M. Cumar, Hiiraan Online
[email protected]
Hargeysa, Somaliland

 










Click here
4/10/2013 10:17 AM EST
Arbaco, Abriil 10, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan (Jawaaari) iyo wafdi uu hoggaaminayo oo socdaal shaqo ku jooga dalka Norway magaalada Oslo kula kulmay Jaaliyadda Soomaaliyeed ee dalkaas ku nool, isagoo ku boorriyay inay kaalin muuqata ka qaataan dib u dhiska dalka iyo nabadeyntiisa.

4/10/2013 10:05 AM EST
Arbaco, Abriil 10, 2013 (HOL) — Masjidka Qadiimka ee Balad-xaawo waxaa la dhisay sannadkii 1970-kii waana masjidkii ugu horreeyay oo degmadaas laga dhiso, isagoo sidoo kalena dhismihii ugu horreeyay oo dhagax ah oo laga dhiso degmadaas. Markii ay bateen shacabka ku nool degmada Balad-xaawo ayaa waxaa la ballaariyay sannadkii 19983-kii.

4/10/2013 7:51 AM EST
Arbaco, Abriil 10, 2013 (HOL) — Madaxweynaha Soomaaliya, Xasan Sheekh Maxamuud ayaa ballanqaaday in ay ula dagaalami doonaan ciidamada geysta kufsiga iyo dhaca sida ay ula dagaalamaan Al-shabaab, isagoo qiray in kooxo yar oo ciidamo ka mid ah kuwa dowladda ay kufsi iyo dhac u geystaan shacabka Soomaaliyeed.

4/10/2013 7:09 AM EST
Arbaco, Abriil 10, 2013 (HOL) — Golaha wasiirrada ee Puntland ayaa shirkoodii todobaadlaha ahaa asbuucan ku meel mariyey gobol cusub oo lagu soo daray gobollada Puntland iyo degmooyin cusub oo la magacaabay.

4/10/2013 1:50 AM EST
Arbaco, Abriil 10, 2013 (HOL) — Madaxweynaha Soomaaliya, Xasan Sheekh Maxamuud oo ka mid ahaa madaxdii ka qaybgalay caleemo-saarkii Uhuru Keyatta oo loo dhaariyay xilka madaxnimo ee Kenya ayaa xalay kulan gaar ah la yeeshay madaxweynaha cusub ee Kenya, isagoo kala hadlay xiriirka labada dal iyo sidii loo xooji lahaa.

4/10/2013 1:36 AM EST
Arbaco, Abriil 10, 2013 (HOL) — Kufsiga lagula kaco haweenka ku jira xeryaha barkacayaasha ee ku yaalla Muqdisho ayaa soo kordhaya, iyadoo la sheego in kufsigaas ay intiisa badan geystaan dad xiran direyska ciidamada dowladda Soomaaliya.

4/10/2013 1:34 AM EST
Arbaco, Abriil 10, 2013 (HOL) — Ra'iisul wasaaraha Somalia, Cabdi Faarax Shirdoon (Saacid) iyo wafdi uu hoggaaminayo oo booqasho ku jooga dalka Uganda ayaa kulan hordhac ah la yeeshay ra'iisul wasaaraha Uganda, Amama Mbabazi.

4/10/2013 1:29 AM EST
Arbaco, Abriil 10, 2013 (HOL) — Shir lagu horumarinayo gobollada, Awdal, Salal iyo Gabileey ayaa shalay lagu qabtay magaalada Boorame, kaasoo ay soo qabanqaabiyeen haweenka saddexdan gobol, waxaana hadallo ka jeediyay haween ay ka mid ahayd, Caasha Kaluunle oo ka mid ahayd qaban-qaabiyayaasha kulanka.