3/19/2019
Today from Hiiraan Online:  _
Wararka Maanta- Arbaco, Apr 10, 2013
Golaha Wasiirrada Puntland oo ansixiyay gobol cusub oo lagu daray gobollada Puntland iyo Degmooyin la magacaabay


Arbaco, Abriil 10, 2013 (HOL) — Golaha wasiirrada ee Puntland ayaa shirkoodii todobaadlaha ahaa asbuucan ku meel mariyey gobol cusub oo lagu soo daray gobollada Puntland iyo degmooyin cusub oo la magacaabay.

Gobolka cusub oo loo bixiyey magaca Gardafuuy, islamarkaana ay magaala madaxdiisu noqon doonto degmada Caluula oo horay gobolka Bari uga tirsaneyd, ayaa dhacaya cirifka waqooyi-bari ee Soomaaliya.

Waxgaradka iyo siyaasiyiinta deegaanada xeebta kulaala ee horay gobolka bari uga tirsanaa hadase gobolka Gardafuuy laga dhigay, ayaa talaabadan ku tilmaamay mid soo dhoweyn mudan.

Dhinaca kale; golaha wasiirada ayaa ogolaaday in degmooyin laga dhigo afar magaalo oo ka kala tirsan gobollada Mudug, Haylaan, Sanaag iyo gobolka cusub ee Gardafuuy. Afartaas degmo ayaa kala ah Ceelaayo, Towfiiq, Murcanyo iyo Buraan.

Dhawaan ayaa la filayaa in baarlamaanka la horgeeyo gobolka iyo degmooyinka cusub ee lagu soo kordhiyey dhulka ballaaran ee uu ka arimiyo maamul goboleedka soomaaliyeed ee Puntland.

Haddii gobolka Gardafuuy iyo degmooyinkan afarta ah si rasmi ah loo dhaqan geliyo, waxay tirada gobollada Puntland noqonayaan 9 gobol iyo 41 degmo, halka ay horay tirada gobolladu ka ahayd 8 gobol degmooyinkuna 37.

Maxamed Salaad Xaaji Dirir, Hiiraan Online
[email protected]
Puntland, Soomaaliya







Click here
4/10/2013 10:17 AM EST
Arbaco, Abriil 10, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan (Jawaaari) iyo wafdi uu hoggaaminayo oo socdaal shaqo ku jooga dalka Norway magaalada Oslo kula kulmay Jaaliyadda Soomaaliyeed ee dalkaas ku nool, isagoo ku boorriyay inay kaalin muuqata ka qaataan dib u dhiska dalka iyo nabadeyntiisa.

4/10/2013 10:05 AM EST
Arbaco, Abriil 10, 2013 (HOL) — Masjidka Qadiimka ee Balad-xaawo waxaa la dhisay sannadkii 1970-kii waana masjidkii ugu horreeyay oo degmadaas laga dhiso, isagoo sidoo kalena dhismihii ugu horreeyay oo dhagax ah oo laga dhiso degmadaas. Markii ay bateen shacabka ku nool degmada Balad-xaawo ayaa waxaa la ballaariyay sannadkii 19983-kii.

4/10/2013 7:57 AM EST
Arbaco, Abriil 10, 2013 (HOL) — Laba qof ayaa ku dhintay, is rasaasayn ka dhacday duleedka koonfur galbeed ee deegaanka Kaba dheere ee magaaladda Burco ee gobolka Togdheer.

4/10/2013 7:51 AM EST
Arbaco, Abriil 10, 2013 (HOL) — Madaxweynaha Soomaaliya, Xasan Sheekh Maxamuud ayaa ballanqaaday in ay ula dagaalami doonaan ciidamada geysta kufsiga iyo dhaca sida ay ula dagaalamaan Al-shabaab, isagoo qiray in kooxo yar oo ciidamo ka mid ah kuwa dowladda ay kufsi iyo dhac u geystaan shacabka Soomaaliyeed.

4/10/2013 1:50 AM EST
Arbaco, Abriil 10, 2013 (HOL) — Madaxweynaha Soomaaliya, Xasan Sheekh Maxamuud oo ka mid ahaa madaxdii ka qaybgalay caleemo-saarkii Uhuru Keyatta oo loo dhaariyay xilka madaxnimo ee Kenya ayaa xalay kulan gaar ah la yeeshay madaxweynaha cusub ee Kenya, isagoo kala hadlay xiriirka labada dal iyo sidii loo xooji lahaa.

4/10/2013 1:36 AM EST
Arbaco, Abriil 10, 2013 (HOL) — Kufsiga lagula kaco haweenka ku jira xeryaha barkacayaasha ee ku yaalla Muqdisho ayaa soo kordhaya, iyadoo la sheego in kufsigaas ay intiisa badan geystaan dad xiran direyska ciidamada dowladda Soomaaliya.

4/10/2013 1:34 AM EST
Arbaco, Abriil 10, 2013 (HOL) — Ra'iisul wasaaraha Somalia, Cabdi Faarax Shirdoon (Saacid) iyo wafdi uu hoggaaminayo oo booqasho ku jooga dalka Uganda ayaa kulan hordhac ah la yeeshay ra'iisul wasaaraha Uganda, Amama Mbabazi.

4/10/2013 1:29 AM EST
Arbaco, Abriil 10, 2013 (HOL) — Shir lagu horumarinayo gobollada, Awdal, Salal iyo Gabileey ayaa shalay lagu qabtay magaalada Boorame, kaasoo ay soo qabanqaabiyeen haweenka saddexdan gobol, waxaana hadallo ka jeediyay haween ay ka mid ahayd, Caasha Kaluunle oo ka mid ahayd qaban-qaabiyayaasha kulanka.