3/28/2024
Today from Hiiraan Online:  _
Wararka Maanta- Jimco, Sept 7 , 2012
Madaxweyne Shariif Sheekh oo Ololihiisa doorashada ka billaabay Muqdisho isagoo kulammo ku leh Madaxtooyada

Sabti, September 08, 2012 (HOL) — Madaxweynaha Soomaaliya ee uu waqtigiisu uu sii dhammaanayo, Shariif Sheekh Axmed ayaa Muqdisho ka billaabay ololihiisa doorashada, isagoo kulammo kala duwan la leh xubno uu ka mid yahay afhayeenkii hore ee baarlamaanka Shariif Xasan Sheekh Aadan.

Sheekh Shariif oo dalka soo xukumayay saddexdii sano ee ugu dambeysay ayaa wuxuu ka mid yahay 25-ka murashax ee ku tartamaya kursiga madaxnimada dalka Soomaaliya, wuxuuna maanta u jeedin doonaa xildhibaannada baarlamaanka hadal ku saabsan barnaamijkiisa siyaasadeed.

Kulammo ayaa xalay oo dhan ka socday xarunta madaxtooyada, kuwaasoo qayb ka ah ololaha doorashada ee madaxweynaha, sidoo kale waxaa Muqdisho lagu arkayaa gaadiid ay ku sawiran yihiin sawirrada Sheekh Shariif oo ay ka daaran yihiin heeso guubaabo ah.

"Xalay oo dhan waxaa ka socday madaxtooyada kulammo ku aaddan sidii uu Shariif Sheekh u heli lahaa codad ku filan maalinta doorashada," ayay HOL kasoo xigatay xubno ku dhow-dhow madaxtooyada inkastoo ay codsadeen in magacyadooda aan la shaacin.

Murashaxiinta kale ee kursiga kula tartamaya madaxweynaha xilligiisu dhammaanayo ayaa waxay iyaguna ka wadaan Muqdisho abaabullo badan oo kuwaasoo ku aaddan sidii ay u heli lahaayeen codad ku filan marka doorashada la gaaro.

Doorashada madaxweynenimo ee Soomaaliya oo dhacaysa 10-ka bishan oo Isniinta soo socota ku beegan ayaa waxaa laga dareemayaa Muqdisho isbedel weyn iyadoo ciidamada ammaanka ee dowladda iyo kuwa AMISOM ay wadaan howgallo ay ku xaqiijinayaan ammaanka.

Sheekh Shariif ayaa rajo weyn ka qaba inuu dib ugu soo laabto kursiga, waxaana uu horay u sheegay inuu ku qancayo natiijada kasoo baxda doorashada wax walba oo ay noqoto, uuna wareejin doono xafiiska haddii laga guuleysto.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/7/2012 5:31 AM EST
Jimco, September 07, 2012 (HOL) — Shacabka Soomaaliyeed ayaa waxay rajeynayaan inuu dalku geli doono jawi ka wanaagsan midda uu hadda ku jiro, kaddib doorashada madaxnimo ee Soomaaliya oo dhacaysa toddobaadka soo socda.

9/7/2012 5:20 AM EST
Sabti, September 08, 2012 (HOL) — Midowga Dhalinyarada Soomaaliyeed ee UYS ayaa maanta siminaar looga hadlayay gargaarka bani'aadanimada ku qabatay deegaanka Lafoole ee gobolka Shabellaha Hoose, kaasoo ay ka qayb-galeen mas'uuliyiin ka tirsan dowladda iyo saraakiil ciidan.

9/7/2012 5:10 AM EST
Jimco, September 07, 2012 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga ayaa xildhibaannada cusub ee baarlamaanka Soomaaliya ugu baaqay inay soo doortaan hoggaamiye soo dhisi kara dowlad wanaagsan oo macquul ah sida hoggaanka mideysan ee baarlamaanka Soomaaliya.

9/7/2012 5:08 AM EST
Jimco, September 07, 2012 (HOL) — Ugu yaraan toddoba qof ayaa ku dhintay qaraxyo iyo dilal qorsheysan oo xalay siyaabo kala duwan uga dhacay Magaalada Muqdisho, iyadoo lagu jiro xilligii ugu dambeeyay ee doorashada madaxweynaha cusub ee Soomaaliya oo dhici doonta toddobaadka soo socda.

9/7/2012 5:06 AM EST
Jimco, September 07, 2012 (HOL) — Toban Murashax oo ka mid ah 25-ka murashax ee u tartamaya doorashada madaxweynenimo ee Soomaaliya ayaa waxay maanta ka horjeedin doonnaan xidhibaannada baarlamaanka Soomaaliya barnaamijyadooda siyaasadeed oo ay doonayaan inay dalka ku hoggaamiyaan haddii ay ku guuleystaan doorashada madaxnimo.

9/7/2012 5:05 AM EST
Jimco, September 07, 2012 (HOL) — Madaxweynaha Mareykanka, Barack Hussein Obama oo hadal ka jeediyay shirweynihii xisbiga Dimuqraadiga ee lagu soo gabgabeeyo magaalada Shalot ee gobolka North Carolina ayaa sheegay inuu aqbalay inuu xisbigiisa uga qaybgalo doorashada madaxnimo ee Mareykanka oo dhacaysa bisha November ee sannadkan.

9/7/2012 5:03 AM EST
Jimco, September 07, 2012 (HOL) — Haweeney ayaa ku dhimatay laba qof oo kalena way ku dhaawacmeen kaddib bam-gacmeed xalay lagu weeraray goob ganacsi oo ku taalla isgoyska cunaaye ee xaafadda Bardaale ee degmada Baydhabo, iyadoo kooxaha weerarka geystay ay goobta ka baxsadeen.

9/7/2012 5:02 AM EST
Jimco, September 07, 2012 (HOL) — Soomaalida ku ganacsada dalka Koonfur Afrika ayaa ka cabanaya dhac xilliyada habeenkii ah ay u geystaan kooxo budad ku hubeysan, kuwaasoo ka mid ah dadka deegaannada ay ganacsiga ku haystaan, sida ay sheegeen ganacsatada Soomaaliyeed qarkood.