3/29/2024
Today from Hiiraan Online:  _
Wararka Maanta- Khamiis, Sept 6 , 2012
Wasiiradda Xukuumadda Waqtigeedu dhammaaday oo kulankoodii ugu dambeeyay ku yeeshay Magaalada Muqdisho
Khamiis, September 06, 2012 (HOL) — Wasiirrada xukuumadda Soomaaliya ee uu waqtigeedu dhammaaday ayaa maanta kulankoodii ugu dambeeyay ku yeeshay magaalada Muqdisho, kaasoo ay uga hadleen waxqabadkoodii iyo ammaanka guud ee dalka.

Kulanka oo uu shir guddoominayay ra'iisul wasaare C/weli Maxamed Cali ayaa waxay wasiiradu ku kala dhageysteen warbixinno, iyagoo sheegay in doorashada dalkas ka dhacaysa ay sabab u ahayd waxqabadka xukuumadda KMG ah ee waqtigeedu uu ku eg-yahay toddobaadkan.

"Shirka waxaan uga hadlanay xaaladda ammaan ee dalka, sidoo kale goluhu wuxuu dhageystay warbixin ku saabsan doorashooyinka dalka iyo marxaladda cusub ee uu galayo, kulankeennuna aad ayuu uga duwanaa kuwii hore," ayuu yiri wasiirka wafaafinta xukuumadda KMG ah, C/qaadir Jaahweyn.

Dhammaan wasiirrada xukuumadda waqtigeedu dhammaaday ayaa goobjoog ka haa kulanka; waxayna isugu hambalyeeyeen howlihii ay qabteen muddadii sannadka iyo dheeraadka ahaa ee ay shaqeynayeen.

Wasiirka wafaafintu wuxuu sheegay inay sidoo kale isku raaceen in ammaanka guud ee Muqdisho la adkeeyo inta ay doorashada madaxweynenimo ka dhacaysa, isagoo xusay in kulankan uu noqonayo kii ugu dambeeyay ee ay yeeshaan.

Golaha wasiirrada ayaa waxay kulan yeelan jireen maalin walba oo Khamiis ah kaas oo ay kaga hadli jireen waxyaabihii u qabsoomay toddobad walba, iyadoo wasiirrada la arkayay iyagoo socod uga soo baxaya xarunta madaxtooyada oo uu kulankoodu ka dhacay.

Toddobadka soo socda ayaa waxaa lagu wadaa in Muqdisho lagu doorto madaxweyne cusub oo uu dalku yeesho, kaasoo udub dhexaad u noqon doona inuu dalku ka baxo xilliga dowladaha KMG ah oo dalka kasoo shaqeynayay muddo 12-sano ka badan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/6/2012 8:15 PM EST
Khamiis, September, 06, 2012 (HOL) – Jaamacada Baladweyne University oo ka mid ah Jaamacadaha ku yaala magaalada Baladweyne ee xarunta gobollka Hiiraan ayaa ardayda wax ka barata waxaa ay maanta sanadkii afraad dib u bilaabeen waxbarashada Jaamacada.

9/6/2012 1:32 PM EST
Talaado 6-da September 2012(HOL): Guddiga doorashada madaxweynenimada Soomaaliya ayaa galabta ku dhawaaqay tirada musharraxiinta isu soo taagay madaxweynenimada Soomaaliya ee buuxiyay shuruudihii lagu xiray, waxayna tiradaha musharraxiintaas gaareysaa 25 musharrax.

9/6/2012 8:25 AM EST
Khamiis, September 06, 2012 (HOL) — Booliiska dowladda Soomaaliya iyo booliiska AMISOM ayaa maanta howlgallo wadajir ah oo lagu soo qabqabtay boqolaal ruux oo dhallinyaro ah ka sameeyay degmada Xamarjajab ee gobolka Banaadir.

9/6/2012 6:58 AM EST
Khamiis, September 06, 2012 (HOL) — Xoogagga Al-shabaab ayaa maanta kusoo bandhigay magaalada Kismaayo hub iyo gaadiid dagaal oo ay sheegeen in ay kusoo qabsadeen dagaallo mudooyinkii ugu danbeeyay ka socday duleedka degmada Afmadow ee gobolka jubada Hoose.

9/6/2012 3:40 AM EST
Khamiis, September 06, 2012 (HOL) — In ka badan 10 ruux ayaa ku dhimatay tiro kale oo intaa ka sii badanna dhaawac ayaa ka soo gaaray dagaalo culus oo labo maleeshiyo beelleed ku dhaxmaray deegaannka lagu magacaabo Bangala oo ka tirsan gobollka Galguduud

9/6/2012 3:32 AM EST
Khamiis, September 06, 2012 (HOL) — Iskahorimaadyo u dhexeeya ciidamada dowladda Soomaaliya iyo kooxo hubeysan ayaa xalay ka dhacay isgoyska Ex-koontarool Afgooye iyo degmada Dharkeynley oo dhinaca koonfeed kaga yaalla Muqdisho.

9/6/2012 3:12 AM EST
Khamiis, September 06, 2012 (HOL) — Madaxweynaha Soomaaliyaiyo xubno kale oo ka tirsan murashaxiinta u taagan doorashada madaxnimo ee dalka ayaa ku biiray xubnihii horay u buuxiyay shuruudihii uu ku xiray guddiga doorashada madaxweyne ee Soomaaliya.

9/6/2012 3:11 AM EST
Khamiis, September 06, 2012 (HOL) — Ugu yaraan afar qof ayaa ku dhintay 13 qof oo kalena way ku dhaawacmeen bam xalay lagu weeraray guri ku yaalla degmada Afgooye iyo weerar ay kooxo hubeysan ku qaadeen gaari rakaab siday oo kasoo ambabaxay magaalada Baydhabo kuna soo jeedyay Muqdisho.