3/29/2024
Today from Hiiraan Online:  _
Wararka Maanta- Jimco, Sept 28, 2012
Xoogagga Al-shabaab oo Caawa isaga baxay Magaalada Kismaayo

Jimco, September 28, 2012 (HOL) - Xoogagga Al-shabaab ayaa caawa gabi ahaanba isaga huleelay magaalada Kismaayo, kadib markii ciidamada dowladda KMG iyo kuwa Kenya ay dhowr jiho kasoo weerareen magaalada.

Gadiid nooca dagaalka iyo ciidamo aad u tiro badan oo katirsan Al-shabaab ayaa caawa la arkayay iyaguu u baxay dhanka dhulka howdka ah ee galbeedka magaalada Kismaayo, waxaana ilaa imika la garanayn halka ay qabteen ciidamadaasi.

“Ciidamadoodii iyo gaadiidkii oo dhan way kala baxeen magaalada, waxayna mareen wadada aado dhanka Sacmoojo,” sidaa waxa yiri goobjooge ku sugan magaalada Kismaayo.

Ciidamada dowladda KMG iyo kuwa Kenya ayaa ku sugan nawaaxiga madaxtooyada ee magaalada Kismaayo, halkaasoo ay ka sameysteen difaacyo waaweyn, waxaana jawiga magaalada Kismaayo uu caawa yahay mid aad u kacsan.

Dhanka dekedda Kismaayo ayaa la sheegayaa in ay soo gaareen Maraakiib nooca dagaalka ah oo sida ciidamo kuwaasoo ay leedahay dowladda Kenya, mana jiraan wax iska horimaad ah oo caawa ka dhacay gudaha magaalada marka laga reebo madaafiic maqribkii laga maqlayay qeybo katirsan magaalada kuwaasoo markii danbe joogsaday.

Magaalada Kismaayo ayaa imika haawaneysa, waxayna cabsi lasoo darastay shacabka reer Kismaayo, maadaama ay magaaladu ka baxeen Al-shabaab ciidamadii kalena aysan soo gaarin.

Wixii kusoo kordha wararkaasi dib ayaan idinka soo gudbin doonaa Insh’allah

Xasan Nuur, Hiiraan Online
[email protected]
Kismaayo, Soomaaliya













Click here
9/28/2012 3:39 PM EST
Jimco, September, 28, 2012 (HOL) – Xaalad adag ayaa soo food saartay dadka ku dhaqan magaalada Baladweyne ee xarunta gobollka Hiiraan kadib markii uu xalay ku fatahay inta badan xaafaddaha magaalada wabiga Shabeelle.

9/28/2012 11:21 AM EST
Jimco, 28, 2012 (HOL) - Xaaladda Magaalada Kismaayo ayaa ah mid kacsan iyadoona ciidamada huwanta ah iyo kuwa Al-shabaab ay isku horfadhiyaan halka loo yaqaan Madaxtooyada oo ku taal afaafka hore ee laga soo galo magaalada Kismaayo.

9/28/2012 4:13 AM EST
Jicmo, September 28, 2012 (HOL) — Wariye ka faalooda barnaamiyada ciyaaraha oo maydkiisa oo qoorta ka go'an laga helay shalay degmada Huriwaa ayaa maanta lagu aasay deegaanka KM-13 ee duleedka Muqdisho, waxaana wariyahan uu noqonayaa wariyihii shanaad oo toddobaadkan lagu dilo Muqdisho.

9/28/2012 4:01 AM EST
Jicmo, September 28, 2012 (HOL) — Dagaal fool ka fool ah ayaa lagu soo waramayaa in uu ka bilowday duleedka magaalada Kismaayo, dagaalkaas oo ay isaga soo horjeedaa ciidamada dowladda KMG oo kaashanaya kuwa Kenya oo saaka maraakiib uga soo dagay dhanka xeebta Cceeldhiig ee magaalada Kismaayo iyo xoogagga Al-shabaab.

9/28/2012 3:56 AM EST
Jicmo, September 28, 2012 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur Tarsan ayaa sheegay in isbaarooyin lacago looga qaado dadka shacabka ah ay yaallaan qaar ka mid ah waddooyinka Muqdisho, isagoo ugu baaqay ciidamada dolwadda inay isbaarooyinkaas wax ka qabtaan.

9/28/2012 3:34 AM EST
Jicmo, September 28, 2012 (HOL) — Ciidamada booliiska Soomaaliyeed ayaa xalay baaritaanno saf-ballaaran ka sameeyay saddex degmo oo ka tirsan kuwa gobolka Banaadir, kuwaasoo ay kusoo qabqabteen dad fara badan oo lala xiriirinayo ammaan-darradii maalmihii lasoo dhaafay ka dhacayay Muqdisho.

9/28/2012 3:15 AM EST
Jicmo, September 28, 2012 (HOL) — Afhayeen milateriga Kenya, Col. Cyrus Oguna ayaa warbaahinta u sheegay in ciidamada Kenya ee qaybta ka ah AMISOM iyo kuwa dowladda Soomaaliya ay la wareegeen gacan ku haynta xaafado ka tirsan degmada Kismaayo ee gobolka Jubbada hoose.

9/28/2012 3:14 AM EST
Jicmo, September 28, 2012 (HOL) — Xaafadaha magaalada Baladweyne ayaa waxaa ku fatahay webiga Shabeelle, kaddib markii xalay uu magaaladaas ka da'een roobab xooggan oo geystay khasaare dhimasho oo soo gaartay dad iyo xoolo nool.