10/6/2022
Today from Hiiraan Online:  _
Wararka Maanta- Jimco, Sept 28, 2012
Dagaal ka billowday Duleedka Magaalada Kismaayo ee Jubbada Hoose iyo Madaafiic ku dhacaysa Qaybo Magaalada ka tirsan

Jicmo, September 28, 2012 (HOL) — Dagaal fool ka fool ah ayaa lagu soo waramayaa in uu ka bilowday duleedka magaalada Kismaayo, dagaalkaas oo ay isaga soo horjeedaa ciidamada dowladda KMG oo kaashanaya kuwa Kenya oo saaka maraakiib uga soo dagay dhanka xeebta Cceeldhiig ee magaalada Kismaayo iyo xoogagga Al-shabaab.

Dagaalkan oo ah mid xooggan oo ay labada dhinac isu adeegsanayaan hubka noocyadiisa kala duwan ayaa bilowday kadib markii saaka duleedka magaalada ay soo dhoobteen ciidamo aad u tiro badan islamarkaasina ku qalabeysan hubka noocyadiisa kala duwan oo isugu jira Soomaali iyo Kenyan, kuwaasoo ku yimid Maraakiib nooca dagaalka ah

"Madaafiic ayaa dhaceyso, rasaastana magaalada siweyn ayaa looga maqlayaa halka ay hada xabada ka socoto waa Jaamacadda Kismaayo dhankeeda," siidaa waxa yiri goobjooge magaciisa ka gaabsaday oo ku sugan magaalada Kismaayo

Ciidamada magaalada soo weerarary ayaa la sheegayaa in ay gaarayaan kumannaana isugu jira Soomaali iyo Kenyan, waxaana soo daabulayo Maraakiib dagaal oo ku sugan xeebta Ceeldhiig ee magaalada Kismaayo, waxaana warar xog ogaal ah ay sheegayaan in ciiamada huwanta ah ay ku suganyihiin duleedka waqooyi ee magaalada Kismaayo, halka loo yaqaan dalxiiska, nawaaxiga madaxtooyada ilaa Jaamacadda Kismaayo oo masaafo yar u jirta magaalada.

Xoogagga Al-shabaab ayaa abaabul xooggan ka bilaabay gudaha magaalada, waxaana Saraakiil katirsan Al-shabaab oo ka hadlay idaacadda Andalus ee ku hadasha afka Al-shabaab ay ugu baaqeen shacabka Kismaayo dagaal ka dhan ah ciidamada dowladda iyo kuwa Kenya ee duulaanka soo qaaday.

Ciidamada dhanka xeebta kasoo galay magaalada kasokow waxa lagu soo waramayaa in magaalada ay ku dulwareegayaan diyaarado nooca Miigga loo yaqaan kuwaasoo gantaallo ku tuuraya saldhigyada Al-shabaab ee magaalada Kismaayo.

Dagaalkan ayaa kusoo beegmaya xilli shalay gelinkii danbe ay diyaarado dagaal duqeymo ka geeysteen duleedka magaalada, waxaana diyaaradahaasi ay sidoo kale ku daadiyeen gudaha Kismaayo waraaqo ay ku daabacnaayeen qoraallo loogu baaqayo shacabka reer Kismaayo in ay taageeraan dowladda Soomaaliya.

Wixii wararkaasi kusoo kordha dib ayaan idinka soo gudbin doonnaa Insha'allah.

Xasan Nuur, Hiiraan Online
[email protected]
Kismaayo, Soomaaliya













Click here
9/28/2012 4:58 PM EST
Jimco, September 28, 2012 (HOL) - Xoogagga Al-shabaab ayaa caawa gabi ahaanba isaga huleelay magaalada Kismaayo, kadib markii ciidamada dowladda KMG iyo kuwa Kenya ay dhowr jiho kasoo weerareen magaalada.

9/28/2012 3:39 PM EST
Jimco, September, 28, 2012 (HOL) – Xaalad adag ayaa soo food saartay dadka ku dhaqan magaalada Baladweyne ee xarunta gobollka Hiiraan kadib markii uu xalay ku fatahay inta badan xaafaddaha magaalada wabiga Shabeelle.

9/28/2012 11:21 AM EST
Jimco, 28, 2012 (HOL) - Xaaladda Magaalada Kismaayo ayaa ah mid kacsan iyadoona ciidamada huwanta ah iyo kuwa Al-shabaab ay isku horfadhiyaan halka loo yaqaan Madaxtooyada oo ku taal afaafka hore ee laga soo galo magaalada Kismaayo.

9/28/2012 4:13 AM EST
Jicmo, September 28, 2012 (HOL) — Wariye ka faalooda barnaamiyada ciyaaraha oo maydkiisa oo qoorta ka go'an laga helay shalay degmada Huriwaa ayaa maanta lagu aasay deegaanka KM-13 ee duleedka Muqdisho, waxaana wariyahan uu noqonayaa wariyihii shanaad oo toddobaadkan lagu dilo Muqdisho.

9/28/2012 3:56 AM EST
Jicmo, September 28, 2012 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur Tarsan ayaa sheegay in isbaarooyin lacago looga qaado dadka shacabka ah ay yaallaan qaar ka mid ah waddooyinka Muqdisho, isagoo ugu baaqay ciidamada dolwadda inay isbaarooyinkaas wax ka qabtaan.

9/28/2012 3:34 AM EST
Jicmo, September 28, 2012 (HOL) — Ciidamada booliiska Soomaaliyeed ayaa xalay baaritaanno saf-ballaaran ka sameeyay saddex degmo oo ka tirsan kuwa gobolka Banaadir, kuwaasoo ay kusoo qabqabteen dad fara badan oo lala xiriirinayo ammaan-darradii maalmihii lasoo dhaafay ka dhacayay Muqdisho.

9/28/2012 3:15 AM EST
Jicmo, September 28, 2012 (HOL) — Afhayeen milateriga Kenya, Col. Cyrus Oguna ayaa warbaahinta u sheegay in ciidamada Kenya ee qaybta ka ah AMISOM iyo kuwa dowladda Soomaaliya ay la wareegeen gacan ku haynta xaafado ka tirsan degmada Kismaayo ee gobolka Jubbada hoose.

9/28/2012 3:14 AM EST
Jicmo, September 28, 2012 (HOL) — Xaafadaha magaalada Baladweyne ayaa waxaa ku fatahay webiga Shabeelle, kaddib markii xalay uu magaaladaas ka da'een roobab xooggan oo geystay khasaare dhimasho oo soo gaartay dad iyo xoolo nool.