6/24/2022
Today from Hiiraan Online:  _
Wararka Maanta- Arbaco, Sept 26, 2012
Afhayeen si kulul uga hadlay go'aankii Mas'uul ka tirsan Xisbul Islaam uu ku sheegay inay kaga baxeen Al-shabaab
Arbaco, September 26, 2012 (HOL) — Afhayeenka howgallada ee Al-shabaab, Sheekh C/casiis Abuu-Muscab oo saxaafadda la hadlay ayaa si kulul uga jawaabay hadal uu mas'uul ka tirsan Xisbul Islaam ku sheegay inay kaga baxeen midowgii ay horay ula galeen Al-shabaab.

Sheekh Abuu-Muscab ayaa sheegay in midnimadooda ay tahay mid ay ku difaaci doonaan af iyo adin, isagoo carrabka ku adkeeyay inay ka go'an tahay inay ka hortagaan cid walba oo doonaysa inay kala furfurto Xarakada Al-shabaab.

"Mujaahdiinta waxay soo mareen marxalado kala duwan, kaddib waxaa Alle uu u suuro-geliay inay marxaladahaas kaga gudbaan laba sano ka hor, waxayna ku taagan yihiin midnimadaas waana hal gacan oo cadowga la dagaalamaysa," ayuu yiri Sheekh Abuu-Muscab.

Afhayeenkan Al-shabaab u hadlay ayaa sheegay in xubnahan hadalkan sheegay ay uga dan leeyihiin inay kula gorgortamaan gaalada, si ay jagooyin uga helaan, balse ay iyagu taas ka hortagayaan oo ay si adag uga horjeedaan in midnimadooda la kala dhantaalo.

"Waxay doonayaan inay isku muujiyaan inay yihiin urur gaar u taagan si ay gaalada uga helaan mansab iyo inay u tusaan in mujaahidiintu ay awood ahaan uu hoos u dhac ku yimid, labadaas qodob ayaa ku qasbay inay waqtiga ku dhaqaaqaan inay Al-shabaab ka baxeen," ayuu yiri Sheekh C/casiis oo sharraxayay sababaha ay u arkaan inay mas'uuliyiinta ku dhawaaqaan inay ka go'een Al-shabaab.

Sidoo kale, afhayeenka howgallada ee Al-shabaab wuxuu hadalkiisa ku daray inay awoodooda Al-shabaab sidii hore kasii xoogeysatay ayna dagaal kula jiraan ciidamo ka socda lix dowladood,  isla markaana haatan dhar-baaxo xooggan u geysanayaan ciidamada ay la dagaalamayaan.

"Halkan waxaan ka caddeynayaa inaan cid walba oo isku dayda inay mowqifka Al-shabaab kala dhantaallaan aan ka hortagi doonno oo aan la dagaalaamyno, ayuu si kulul u yiri afhayeenka Al-shabaab oo sheegay inay arrintan u marayaan go'aan ay Al-shabaab soo saartay bishii Maarso ee sannadkan oo ahaa in af iyo adin looga hortago cid walba oo doonaysa inay kala dhantaasho midnimada mujaahidiinta.

Warka kasoo baxay Al-shabaab ayaa wuxuu imaanayaa iyadoo maalin ka hor uu ku dhawaaqay madaxii wafaafinta ee Xisbul Islaam isla markaana ahaa afhayeenka kooxdaas inay ka laabteen midowgii ay Al-shabaab la yeesheen sannadkii 2010.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/26/2012 8:58 AM EST
Arbaco, September 26, 2012 (HOL) — Waxaa maanta xarunta degmada Wadajir ee magaalada Muqdihos lagu qabtay xaflad lagu sagootinayay madaxweynihi hore ee Soomaaliya, Shariif Sheekh Axmed, laguna soo dhaweeyay madaxweynaha cusub, Xasan Sheekh Maxamuud.

9/26/2012 8:58 AM EST
Arbaco, September 26, 2012 (HOL) — Aqoonyahanno, Siyaasiyiin iyo Odoyaal kasoo jeeda gobollada Jubooyinka iyo Gedo ayaa si kulul u cambaareeyay dilkii askari katirsan ciidamada Kenya uu dad rayid ah ugu geeystay nawaaxiga deegaanka Birta dheer ee gobolka Jubada Hoose.

9/26/2012 8:36 AM EST
Arbaco, September 26, 2012 (HOL) — Xukuumadda Somaliland ayaa soo dhawaysay khuburo ku takhasusay sida loo baadho xasuuqyada caalamka ka dhaca iyo lafaha bani’aadamka, kuwaas oo dib u soo fiqi doono xabaalo wadareedyo ay dad badan oo dawladii hore ku laysay magaaladda Hargeysa ku jiraan, gaar ahaan goobta loo yaqaan badhka.

9/26/2012 8:07 AM EST
Arbaco, September 26, 2012 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, danjire Augustine Mahiga ayaa sheegay in xiligii hore iyo hadda ay rajadiisa ku aaddan Soomaaliya aad u kala duwan tahay, wuxuuna xusay in xilligii hore uu ka rajo wanaagsan yahay xilligan.

9/26/2012 7:34 AM EST
Arbaco, September 26, 2012 (HOL) — Saraakiisha u hadlay milateriga dalka Kenya ayaa sheegay in duqeymo ay diyaaradahoodu ka geysteen garoonka diyaaradaha Kismaayo ay ku burburiyeen kaydad hub oo ay Al-shabaab lahayd iyo saldhigyo ay isticmaali jireen Al-shabaab, iyadoo saraakiil u hadlay Al-shabaab ay beeniyeen warkaas.

9/26/2012 4:11 AM EST
Arbaco, September 26, 2012 (HOL) — Wasiirka arrimaha gudaha ee xukuumadda uu waqtigeedu dhammaadka yahay, C/samad Macallin Maxamuud ayaa shaaciyay inay degmooyinka gobolka Banaadir dhigeen ciidammo suga ammaanka Muqdisho, kaddib dilal qorsheysan iyo qaraxyo ka dhacayay magaalada toddobaadyadii ugu dambeeyay.

9/26/2012 3:29 AM EST
Arbaco, September 26, 2012 (HOL) — Maraakiib nooca dagaalka oo la aaminsan yahay inay leedahay dowladda Kenya ayaa saaka dhowr gantaal ku tuuray magaalada Kismaayo ee gobolka Jubbada Hoose, walow aan illaa imika la sheegin cid wax ku noqotay duqeyntaas.