6/27/2022
Today from Hiiraan Online:  _
Wararka Maanta- Jimco, Sept 21, 2012
Tirada dadkii ku dhintay Qaraxyadii xalay Muqdisho ka dhacay oo korortay iyo Al-shabaab oo aan weli ka hadlin
Jimco, September 21, 2012 (HOL) — Tirada dadkii ku dhintay qaraxyadii xalay ka dhacay Muqdisho ayaa aad u sii kordhay, iyadoo tiradu ay haadda marayso 22-qof oo shacab u badnaa, iyadoo aysan weli ka hadlin weerarkan Xarakada Al-shabaab oo ay dowladdu ku eedeysay.

Dhaawacyadii ka dhashay qaraxyada ayaa qaarkood ku dhintay isbitaallada taasoo sare u qaadday tirada dhimashada, waxaana weerarkan si adag u cambaareeyay  madaxweynaha Soomaaliya isagoo ku sheegay inaan wax faa'iido ah laga helayn adduun iyo aakhiro.

Isbitaallada Madiina iyo Daarul-shifa oo la dhigay dhaawacyadii ismiidaamintan ka dhashay ayaa waxaa ku dhintay dad dhaawacyadoodu ay markii horeba ahaayeen kuwo culus, waxaana saraakiil caafimaad oo isbitaalladan u hadlay ay sheegeen in dhaawacyada qaarkood ay gubteen.

Saddex wariye oo laba ka mid ah ay u shaqeynayeen warbaahinta dowladda ayaa ku dhintay weerarradan oo ay fliyeen rag xiran waxyaabaha qaraxa, kuwaasoo si lama filaan ah ugu qarxay maqaayad ay dad badan ku sugnaayeen oo ku taalla guriga hooyooyinka.

"Dhaawacyada la keenay isbitaalka qaarkood way gubteen, qaar kalena waxaa ku yaalla jirkooda dhaawacyo ka dhashay firir madfac," ayay tiri sarkaalad caafimaad oo u hadashay isbitaalka Madiina ee Muqdisho.

Xarakada Al-shabaab ayaan weli ka hadlin qaraxyadan inay mas'uul ka tahay iyo in kale, iyadoo saraakiisha ammaanka dowladda Soomaaliya ay ku eedeeyeen Al-shabaab oo horay u sheegtay qaraxyadii lagu weeraray hoteel Jaziira oo uu deggenaa madaxweynaha Soomaaliya.

Weerarkan ayaa waxaa cambaareeyay beesha caalamka iyo hay'adaha xuquuqda aadanaha, iyagoo ku tilmaamay weerar axmaqnimo ah, waxayna dadkii dhaawacyadu kasoo gaareen u rajeeyeen caafimaad deg-deg ah.

Qaraxyadan ayaa waxay noqonayaan kuwii labaad oo ay fuilyaan rag naftooda haligay, iyadoo qaraxan kii ka horreeyay uu ka dhacay toddobaadkii hore hoteel uu Muqdisho ka deggenaa madaxweynaha Soomaaliya, Xasan Sheekh, kaasoo ay ku dhinteen in ka badan sagaal qof oo ay ku jireen ciidamada dowladda iyo kuwa AMISOM.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/21/2012 8:50 AM EST
Kooxo bastoolado ku hubaysan ayaa toogtay wariye Xassan Yuusuf Absuge oo kamid ahaa warfidiyeenka ka hawlgala magaalada Muqdisho.

9/21/2012 6:16 AM EST
Jimco, September 21, 2012(HOL): Xarunta Dr. Ismaaciil Jimcaale Cosoble ee xuquuqda aadanaha ayaa cambaareyn kulul dusha uga tuurtay ciddii ka dambeysay qaraxii lagu halaagmay ee shalay ka dhacay Magaalada Muqdisho, waxaana warsaxaafadeed ka soo baxay xarunta oo la soo gaariiyay HOL uu u qornaa sidan:

9/21/2012 4:46 AM EST
Jimco, September 21, 2012 (HOL) — Warieyaashii ku dhintay Qaraxyadii shalay ka dhacay Muqdisho ayaa lagu wadaa in maanta lagu aaso Muqdisho, iyadoo tani ay ka dhigayso tirada wariyeyaasha lagu dilay sannadkan Soomaaliya 12-wariye oo intooda badan ku dhintay Muqdisho.

9/21/2012 4:24 AM EST
Jimco, September 21, 2012 (HOL) — Dowladda Mareykanka ayaa ka hadashay dagaalka lagula jiro Al-shabaab ee ka socda Jubbooyinka, kuwaasoo lagu doonayo in lagu qabsado magaalada Kismaayo ee xarunta gobolka Jubbada Hoose.

9/21/2012 4:15 AM EST
Jimco, September 21, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerarradii Ismiidaaminta ahaa ee xalay ka dhacay maqaayad shaaha lagu cabo oo ku dhow madaxtooyada Soomaaliya ee Muqdisho, wuxuuna ku tilmaamay kuwo fulaynimo ah oo lagu dilay dad aan waxba galabsan.

9/21/2012 4:12 AM EST
Jimco, September 21, 2012 (HOL) — Alle ha u naxariistee fannaankii weynaa ee Faysal Cumar Mushteek ayaa xalay goor dambe ku geeriyooday jidka isku xidha Magaalada Hargeysa iyo Berbera dhexdoodda oo la doonayey in dhakhtar dibadeed loo diro.