11/27/2022
Today from Hiiraan Online:  _
Wararka Maanta- Khamiis, Sept 20, 2012
Madaxweynaha Soomaaliya oo wada Wadatashiyo ku saabsan sidii uu u soo magacaabi lahaa Ra'iisul Wasaaraha dalka
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inuu ku gudo-jiro wadatashiyo ku aaddan sidii uu ra'iisul wasaaraha Soomaailya u soo magacaabi, isagoo sheegay inay jiraan dad badan oo isku taagan xilkan iyo kuwo ay iyagu dalbadeen inay soo gubiyaan aqoonsiyadooda  waxbarasho iyo shaqo.

Xasan Sheekh ayaa haysta muddo kooban oo uu ku soo magacaabayo ra'iisul wasaare iyadoo magacaabistan ay tahay mid ay si aad ah u dhowrayaan shacabka Soomaalida iyo beesha caalamka, iyadoo talooyinka madaxweynaha lasiiyay ay ka mid yihiin inuu soo magacaabo shaqsi karti u leh howsha loo dhiibayo.

"Waxaan ku jirnaa wadatashiyo ku aaddan magacaabidda ra'iisul wasaaraha cusub ee Soomaaliya. Waxaa jira dad badan oo codsiyadooda noosoo gudbiyay iyo kuwo aan innagu dalbanay," ayuu yiri Xasan Sheekh.

Inkastoo madaxweynuhu uusan sheegin tirada iyo magacyada xubnaha xilka isku soo taagay ayuu haddana sheegay inay xoogga saarayo sidii kusoo magacaabi lahaa ra'iisul wasaare karti u leh inuu dalka ku hoggaamiyo horumar iyo barwaaqo.

"Culeyska ku saabsan magacaabista ra'iisul wasaaraha ayaa igu kallifay inaan ka baaqdo ka qaybgalka shirkii guud ee Qaramada Midoobay iyo shirar kale oo looga hadlayo arrimaha Soomaaliya oo iyaguna ka dhacaya dalka Mareykanka," ayuu madaxweynuhu ku sheegay hadal uu u jeediyay xildhibaannada baarlamaanka oo uu kula kulmay xarunta madaxtooyada.

Maamulka Puntland oo ka mid ah maamullada dalka ka jira ayaa waxay ugu baaqeen madaxweynaha Soomaaliya inuu xilkan u magacaabo shaqsi siyaasadda dalka ku cusub, iyagoo uga digay inuu u magacaabo mas'uul kasoo mid noqday dowladihii dalka soo maray.

Ugu dambeyn, madaxweynaha Soomaaliya wuxuu sheegay in waqti dhow uu magacaabi doono ra'iisul wasaaraha cusub, iyadoo aan la ogeyn inuu adeegsan doono hannaanka 4.5-ka oo ay ku dhisnaayeen xukuumadihii hore iyo inuu isticmaali doono hab ka duwan oo u dhisan xisbiyada, maadaama uu isagu ka yimid xisbi.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/20/2012 4:06 PM EST
Khamiis, September 20, 2012(HOL): Faahfaahin dheeraad ah ayaa ka soo baxeysa qarax caawa fiidkii ka dhacay Magaalada Muqdisho ee caasimadda Dalka Soomaaliya, gaar ahaan Baar Village oo ku yaalla meel u dhow gurigii haweenka iyo tiyaatarkii Muqdisho.

9/20/2012 1:50 PM EST
Khamiis, September 20, 2012 (HOL) - Ugu yaraan 18 qof ayaa ku dhimatay, 45 kalana waa ku dhaawacmeen markii ay labo naftii hure beegsadeen dad rayid ah oo fadhiyay maqaayad ku taalla guriga hooyooyinka.

9/20/2012 12:07 PM EST
Khamiis, September 20, 2012(HOL): Labo qarax oo ay geysteen labo ruux oo naftooda halligay ayaa waxay goor dhaweyd ka dhaceen Baar lagu magacaabo Village oo ku yaalla meel u dhow gurigii hooyooyinka ee magaalada Muqdisho.

9/20/2012 11:18 AM EST
Khamiis, September 20, 2012(HOL):Allaah ha u naxariistee waxaa shil baabuur ku geeriyoodey hooyo iyo aabe Soomaaliyeed halka wiilkooda oo laba sano jir ah iyo ninkii wadayna ay ku dhaawacmeen.

9/20/2012 8:22 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay garoonka diyaaradaha ee Muqdisho dajirayaal ka socday 14 dal oo isugu jira Yurub iyo Mareykanka, isagoo sharraxaad ka siiyay howlaha u qorsheysan dowladda cusub ee Soomaaliya.

9/20/2012 7:40 AM EST
Khamiis, September 20, 2012 (HOL) — Ururadda iyo xisbiyada qaarkood ayaa maalmihii u dambeeyey si weyn uga qaylinayey labadda xil ee uu isku hayo gudoomiyaha golaha wakiiiladda Somaliland, kuwaas oo kala ah gudoomiyah Golaha Wakiiladda iyo gudoomiyaha urur siyaasadeedka Wadani, kana dalbaday inuu labadda mid iska casilo, lana mid noqdo ururadda kale.

9/20/2012 7:30 AM EST
Khamiis, September 20, 2012 (HOL) — Ciidamada Midowga Afrika ee AMISOM ayaa sheegay in ciidamadooda iyo kuwa dowladda Soomaaliya oo magaalo kale oo muhiim ah ka qabsadeen xoogagga Al-shabaab, taasoo ay sheegeen inay ku dhow dahay magaalada Kismaayo ee xarunta Jubbada Hoose.

9/20/2012 6:26 AM EST
Khamiis, September 20, 2012 (HOL) — Dibadbax xooggan ayaa shalay gelinkii danbe ka dhacay magalaada Kismaayo kaasoo looga soo horjeedo duulaanka ciidamada dowladda iyo kuwa AMISOM ee magaalada Kismaayo islamarkaasina lagu taageerayay Xarakada Al-shabaab.

9/20/2012 6:15 AM EST
Khamiis, September 20, 2012 (HOL) — Kaddib is-rasaaseyn khasaare sababtay oo xalay fiidkii ku dhaxmartay xaafadda Buundo-weyn ee magaalada Baladweyne ciidamo ka wada tirsan maamulka gobollka Hiiraan, ayaa waxaa arintaa ka warbixiyay mas’uuliyiin ka tirsan maamulka gobolka.

9/20/2012 2:31 AM EST
Khamiis, September 20, 2012 (HOL) — Ugu yaraan saddex qof oo ay ku jirto haweeney uur leh ayaa ku dhintay hoobiyeyaal xalay lagu duqeeyay degmooyinka Boondheere iyo Shibbis ee gobolka Banaadir, waxaana duqeymahan ku dhaawacmay in ka badan 16-qof oo kale.