8/18/2022
Today from Hiiraan Online:  _
Wararka Maanta- Sabti, Sept 15, 2012
Madaxweynaha cusub ee Soomaliya oo kulan kula yeeshay xafiiskiisa Madaxtooyada Wafdi ka socday Qarammada Midoobay
Sabti, September 15, 2012 (HOL) — Madaxweynaha cusub ee Soomaaliya, Xasan Sheekh Maxamuud ayaa maanta kulankiisii ugu horreeyay kula yeeshay xafiiskiisa madaxtooyada wafdi ka socday Qaramada Midoobay, kuwaasoo uu hoggaaminayay ku xigeenka xoghayaha guud Qaramada Midoobay u qaabilsan arrimaha Soomaaliya, Antinomy Burneury.

Kuklanka oo ahaa mid ay albaabbadu u xirnaayeen ayaa waxay labada dhinaca uga hadleen arrimo la xiriira doorka Qaramada Midoobay ee arrimaha Soomaaliya iyo u hambalyeynta madaxweynaha cusub ee Soomaaliya, Xasan Sheekh Maxamuud oo Isniintii lasoo dhaafay loo doortay madaxweyne.

Markii uu kulanku soo dhammaaday ayaa waxaa saxaafadda la hadaly Mr. Antonym isagoo sheegay inuu madaxweyanaha u gudbiyay hambalyo uu kaga siday xoghayaha guud ee Qaramada Midoobay, Ban Ki-Moon, isagoo xusay in Qaramada midoobay ay ku qanacsan tahay natiijadii kasoo baxday doorashadii madaxweyne ee ka dhacday Muqdisho, taasoo uu ku guuleystay Mudane Xasan Sheekh.

Madaxweynaha Soomaaliya lama uusan hadlin saxaafadda, waxaase kulankooda uu ahaa mid u muuqday inay isku afgarteen isaga iyo wafdigii ka socday Qaramada Midoobay, iyadoo UN-ku uu lug weyn ku leeyahay siyaasadda Soomaaliya.

Kulankan ayaa wuxuu kusoo beegmayaa iyadoo lagu wado in maalinta berri ah uu si rasmi ah ugala wareego howlaha dowladda madaxweynihii hore, Shariif Sheekh Axmed oo uu kaga guuleysatay tartan adag oo ay labadoodu isugu soo hareen.

Doorashada madaxweynaha cusub ee Soomaaliya ayaa si weyn looga soo dhaweeyay dibadda iyo gudaha Soomaaliya, iyadoo sidoo kale ay hambalyo u soo direen madaxda caalamka qaarkood oo ay ku jiraan kuwa Mareykanka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/15/2012 9:49 AM EST
Sabti, September 15, 2012 (HOL) — Guddiga madaxa-annaan ee la dagaallanka musuqmaasuqa ayaa ka warbixiyay howl in muddo ah uu soo waday oo la xiriirta diiwaan-gelinta hantida Qaranka maadaama dalka uu ku jiro xilli kala guur ah.

9/15/2012 9:37 AM EST
Sabti, September 15, 2012 (HOL) — Xarakada Al-shabaab ee ka dagaalanta dalka Soomaaliya ayaa ugu baaqay shacabka Soomaaliyeed maanta oo Sabti ah inay muujiyaan caradooda ku aaddan filimkii lagu sameeyay Mareykanka ee lagu Nebi Muxamed (NNKH) iyo diinta Islaamka lagu afla-gaadeeyay.

9/15/2012 8:50 AM EST
Sabti, September 15, 2012 (HOL) — Dood-cilmiyeed looga hadlayay guurka qasabka ee gabdhaha lagu guuriyo iyo dhibaatooyinka ka dhalan kara ayaa maanta lagu qabtay magaalada Muqdisho, kaasoo ay ka qayb-galeen Haween ka socday 16-ka degmo ee gobolka Banaadir iyo ururrada haweenka.

9/15/2012 8:39 AM EST
Sabti, September 15, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa maanta ka qaybgalay munaasibad ay 637 arday ka qalinjabiyeen jaamacadda Hargeysa.

9/15/2012 7:31 AM EST
Sabti, September 15, 2012 (HOL) — War goor-dhow naga soo gaaray deegaanka Birta dheer ayaa sheegaya in nawaaxiga deegaankaasi uu ka qarxay dagaal xooggan oo u dhexeeya ciidamada dowladda KMG oo kaashanaya kuwa Kenya iyo Xarakada Al-shabaab.

9/15/2012 7:30 AM EST
Sabti, September 15, 2012 (HOL) — Allaha u naxariisteen waxaa xalay ku geeriyooday magaalada Muqdisho ee xarunta Soomaaliya guddoomiyhii hore ee degmada Baladweyne Aadan Cabdi Ciise (Aadan Garaaso) sida ay HOL u xaqiijiyeen mas’uuliyiinta maamulka gobolka Hiiraan.

9/15/2012 3:33 AM EST
Sabti, September 15, 2012 (HOL) — Waxaa sii kordhaya carrada dadka muslimiinta ah ee caalamku nool ay ka qaadeen gafka ay gaaladu kula kacaan suubanaheenna Muxammed (NNKH) iyadoo malaayiin muslimiin ah ay kacdoon ka samaynayaan filim lagu aflagaadeeyey islaamka oo lagu jilay Maraykanka.

9/15/2012 3:22 AM EST
Sabti, September 15, 2012 (HOL) — Taliska ciidamada AMISOM ayaa war ay soo saareen ku sheegay in ciidamadooda iyo kuwa dowladda oo is-garabsanaya ay la wareegeen gacan ku haynta deegaanka Biibi oo ku dhow degmada Kismaayo ee xarunta gobolka Jubbada hoose.

9/15/2012 3:18 AM EST
Sabti, September 15, 2012 (HOL) — Booliska dalka Kenya ayaa gacanta ku dhigay rag la tuhunsanyahay in ay ka tirsan yihiin Al-shabaab iyo hub ay siteen oo ay ka mid ahaayeen suumanka nooca isqarxinta loo isticmaalo, kuwaasoo laga soo qabtay guri ku yaal xaafadda ay Soomaalidu degto ee Eastleigh ama Islii.