8/18/2022
Today from Hiiraan Online:  _
Wararka Maanta- Sabti, Sept 15, 2012
Guddoomiyihii hore ee Magaalada Baladweyne Aadan Cabdi Ciise (Aadan Garaaso) oo ku geeriyooday Magaalada Muqdisho
Sabti, September 15, 2012 (HOL) — Allaha u naxariisteen waxaa xalay ku geeriyooday magaalada Muqdisho ee xarunta Soomaaliya guddoomiyhii hore ee degmada Baladweyne Aadan Cabdi Ciise (Aadan Garaaso) sida ay HOL u xaqiijiyeen mas’uuliyiinta maamulka gobolka Hiiraan.

Afhayeenka maamulka gobollka Hiiraan Max’ed Nuur Caga-joof ayaa HOL u sheegay in uu xalay uu ku geeriyooday Aadan Garaaso magaalada Muqdisho kadib xunuun in mudo ah hayay.

"Runtii waxaa u ahaa mas’uul wax badan soo shaqeeyay, mudo dheerna guddoomiye degmo iyo duqa magaalo intaba ka ahaa degmada Baladweyne, sidoo kalana qeyb weyn ka qaatay nabadeynta iyo hormarinta degmada, sidaa daraadeed waan ka taciyadeyneynaa geeridiisa ayuu yiri,’’ afhayeenka maamulka gobollka Hiiraan.

Aadan Cabdi Ciise ( Aadan Garaaso) ayaa laga soo bilaabo 1991 wixii ka danbeeyay waxaa uu ahaa guddoomiyihii degmada Baladweyne sidoo kalana waxaa uu soo noqday duqii degmada Baladweyne, isaga oo la shaqeeyay dowladdihii soo maray dalka wixii ka danbeeyay markii ay meesha ka baxday dowladdii militariga ee uu hogaaminayay Max’ed Siyaad Barre.

Aadan Cabdi Ciise, wixii uu mudooyinkii ugu danbeeyayba uu ku sugnaa magaalada Muqdisho ee xarunta dalka Soomaaliya, mana jirin wax xil ah oo uu maamulka gobollka ka hayay waqtigan.

C/raxmaan Diini, Hiiraan Online
[email protected]
Baladweyne, Soomaaliya












Click here
9/15/2012 9:49 AM EST
Sabti, September 15, 2012 (HOL) — Guddiga madaxa-annaan ee la dagaallanka musuqmaasuqa ayaa ka warbixiyay howl in muddo ah uu soo waday oo la xiriirta diiwaan-gelinta hantida Qaranka maadaama dalka uu ku jiro xilli kala guur ah.

9/15/2012 9:37 AM EST
Sabti, September 15, 2012 (HOL) — Xarakada Al-shabaab ee ka dagaalanta dalka Soomaaliya ayaa ugu baaqay shacabka Soomaaliyeed maanta oo Sabti ah inay muujiyaan caradooda ku aaddan filimkii lagu sameeyay Mareykanka ee lagu Nebi Muxamed (NNKH) iyo diinta Islaamka lagu afla-gaadeeyay.

9/15/2012 9:22 AM EST
Sabti, September 15, 2012 (HOL) — Madaxweynaha cusub ee Soomaaliya, Xasan Sheekh Maxamuud ayaa maanta kulankiisii ugu horreeyay kula yeeshay xafiiskiisa madaxtooyada wafdi ka socday Qaramada Midoobay, kuwaasoo uu hoggaaminayay ku xigeenka xoghayaha guud Qaramada Midoobay u qaabilsan arrimaha Soomaaliya, Antinomy Burneury.

9/15/2012 8:50 AM EST
Sabti, September 15, 2012 (HOL) — Dood-cilmiyeed looga hadlayay guurka qasabka ee gabdhaha lagu guuriyo iyo dhibaatooyinka ka dhalan kara ayaa maanta lagu qabtay magaalada Muqdisho, kaasoo ay ka qayb-galeen Haween ka socday 16-ka degmo ee gobolka Banaadir iyo ururrada haweenka.

9/15/2012 8:39 AM EST
Sabti, September 15, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa maanta ka qaybgalay munaasibad ay 637 arday ka qalinjabiyeen jaamacadda Hargeysa.

9/15/2012 7:31 AM EST
Sabti, September 15, 2012 (HOL) — War goor-dhow naga soo gaaray deegaanka Birta dheer ayaa sheegaya in nawaaxiga deegaankaasi uu ka qarxay dagaal xooggan oo u dhexeeya ciidamada dowladda KMG oo kaashanaya kuwa Kenya iyo Xarakada Al-shabaab.

9/15/2012 3:33 AM EST
Sabti, September 15, 2012 (HOL) — Waxaa sii kordhaya carrada dadka muslimiinta ah ee caalamku nool ay ka qaadeen gafka ay gaaladu kula kacaan suubanaheenna Muxammed (NNKH) iyadoo malaayiin muslimiin ah ay kacdoon ka samaynayaan filim lagu aflagaadeeyey islaamka oo lagu jilay Maraykanka.

9/15/2012 3:22 AM EST
Sabti, September 15, 2012 (HOL) — Taliska ciidamada AMISOM ayaa war ay soo saareen ku sheegay in ciidamadooda iyo kuwa dowladda oo is-garabsanaya ay la wareegeen gacan ku haynta deegaanka Biibi oo ku dhow degmada Kismaayo ee xarunta gobolka Jubbada hoose.

9/15/2012 3:18 AM EST
Sabti, September 15, 2012 (HOL) — Booliska dalka Kenya ayaa gacanta ku dhigay rag la tuhunsanyahay in ay ka tirsan yihiin Al-shabaab iyo hub ay siteen oo ay ka mid ahaayeen suumanka nooca isqarxinta loo isticmaalo, kuwaasoo laga soo qabtay guri ku yaal xaafadda ay Soomaalidu degto ee Eastleigh ama Islii.