8/18/2022
Today from Hiiraan Online:  _
Wararka Maanta- Sabti, Sept 15, 2012
Sheekh Cabdalla Ibraahim "kuwa Nebiga (CSW) u gefay ha ogaadeen in Muslimiin fara badan ay difaacayso sharafta Rasuulka"
Sabti, September 15, 2012 (HOL) — Waxaa sii kordhaya carrada dadka muslimiinta ah ee caalamku nool ay ka qaadeen gafka ay gaaladu kula kacaan suubanaheenna Muxammed (NNKH) iyadoo malaayiin muslimiin ah ay kacdoon ka samaynayaan filim lagu aflagaadeeyey islaamka oo lagu jilay Maraykanka.

Hadaba Jimco shalay ayaa masaajidda caalamka waxaa laga wada habaaray kuwii gefkaas ku kacay, waxaana masjidul-sunna oo ku yaalla xaafadda ay Soomaalidu ku badan tahay ee Cape Town uu imaanka masjidka Soomaalida ee Sheekh Cabdalla Ibraahim kusoo qaatay sharafta iyo maqaamka sare ee Alle uu siiyay rasuulkeenna Muxammed (NNKH).

Sheekhu wuxuu sheegay in nasiib-darrada ugu xun ay tahay in gaaladu ay hadallo uusan mudneyn Nebigenna ku dhawaaqaan, isagoo sheegay inay ku heli doonaan cadaab adag oo Alle xaggiisa uga yimaada adduun iyo aakhiraba.

"Nabigeenna Muxammed (NNKH) ALLE ayaa kaga filan kuwa is leh waxbaad u dhimi kartaan; haba yaraashee waxay u dhimayaan ma jirto, balse ha ogaadaan inay difaacayaan sharafta rasuulkeenna balaayiin mulimiin," ayuu yiri Sheekh Cabdalla oo indhihiisa ay illini buuxisay sida uu uga qiirooday gafka lagu geystay Rasuulkeenna.

Sidoo kale, Sheekh Cabdalla wuxuu carabka ku dhuftay in kuwa gefkaas sameeyay ay mudan yihiin in la dilo; haddii kalana qalbiga laga habaaro... kacdoonna laga sameeyo filimkaas foosha xun ee ay sameeyeen jilayaasha Maraykanka ah, si loo muujiyo inay muslimiinta sii wadi doonaa difaaca diinta Islaamka iyo rasuulkeenna Muxamed (NNKH).

"Maanta booska raggii difaaci jiray Nebiga iyo diintaba innaga ayaa ku jirna waana inaan buuxinnaa boosaskoodii... balse waxaa nasiib-darro ah inaan maanta innagu isku soo jeedno oo aan kala qoqobannahay. Waxaa nalooga baahan yahay inaan caddeyno ama muujinno difaaca Nebigeenna iyo diinteenna sharafta leh," ayuu mar kale yiri Sheekh Cabdalla.

Hadalkan ayaa wuxuu imaanayaa iyadoo ay weli sii socdaan dibadbaxyada ka dhashay caradii laga qaaday filimkaas oo dunida carabta iyo kuwa islaamka kusii kordhaya, waxaana tani ay noqonaysaa markii ugu horreysay oo Islaamka oo dhan ay si isku mid ah caro uga muujiyaan gef loo geystay Nebigeenna iyo diinta Islaamka.

C/risaaq C/laahi IndhaJaceyl
[email protected]
Cape Town, South Africa












Click here
9/15/2012 9:49 AM EST
Sabti, September 15, 2012 (HOL) — Guddiga madaxa-annaan ee la dagaallanka musuqmaasuqa ayaa ka warbixiyay howl in muddo ah uu soo waday oo la xiriirta diiwaan-gelinta hantida Qaranka maadaama dalka uu ku jiro xilli kala guur ah.

9/15/2012 9:37 AM EST
Sabti, September 15, 2012 (HOL) — Xarakada Al-shabaab ee ka dagaalanta dalka Soomaaliya ayaa ugu baaqay shacabka Soomaaliyeed maanta oo Sabti ah inay muujiyaan caradooda ku aaddan filimkii lagu sameeyay Mareykanka ee lagu Nebi Muxamed (NNKH) iyo diinta Islaamka lagu afla-gaadeeyay.

9/15/2012 9:22 AM EST
Sabti, September 15, 2012 (HOL) — Madaxweynaha cusub ee Soomaaliya, Xasan Sheekh Maxamuud ayaa maanta kulankiisii ugu horreeyay kula yeeshay xafiiskiisa madaxtooyada wafdi ka socday Qaramada Midoobay, kuwaasoo uu hoggaaminayay ku xigeenka xoghayaha guud Qaramada Midoobay u qaabilsan arrimaha Soomaaliya, Antinomy Burneury.

9/15/2012 8:50 AM EST
Sabti, September 15, 2012 (HOL) — Dood-cilmiyeed looga hadlayay guurka qasabka ee gabdhaha lagu guuriyo iyo dhibaatooyinka ka dhalan kara ayaa maanta lagu qabtay magaalada Muqdisho, kaasoo ay ka qayb-galeen Haween ka socday 16-ka degmo ee gobolka Banaadir iyo ururrada haweenka.

9/15/2012 8:39 AM EST
Sabti, September 15, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa maanta ka qaybgalay munaasibad ay 637 arday ka qalinjabiyeen jaamacadda Hargeysa.

9/15/2012 7:31 AM EST
Sabti, September 15, 2012 (HOL) — War goor-dhow naga soo gaaray deegaanka Birta dheer ayaa sheegaya in nawaaxiga deegaankaasi uu ka qarxay dagaal xooggan oo u dhexeeya ciidamada dowladda KMG oo kaashanaya kuwa Kenya iyo Xarakada Al-shabaab.

9/15/2012 7:30 AM EST
Sabti, September 15, 2012 (HOL) — Allaha u naxariisteen waxaa xalay ku geeriyooday magaalada Muqdisho ee xarunta Soomaaliya guddoomiyhii hore ee degmada Baladweyne Aadan Cabdi Ciise (Aadan Garaaso) sida ay HOL u xaqiijiyeen mas’uuliyiinta maamulka gobolka Hiiraan.

9/15/2012 3:22 AM EST
Sabti, September 15, 2012 (HOL) — Taliska ciidamada AMISOM ayaa war ay soo saareen ku sheegay in ciidamadooda iyo kuwa dowladda oo is-garabsanaya ay la wareegeen gacan ku haynta deegaanka Biibi oo ku dhow degmada Kismaayo ee xarunta gobolka Jubbada hoose.

9/15/2012 3:18 AM EST
Sabti, September 15, 2012 (HOL) — Booliska dalka Kenya ayaa gacanta ku dhigay rag la tuhunsanyahay in ay ka tirsan yihiin Al-shabaab iyo hub ay siteen oo ay ka mid ahaayeen suumanka nooca isqarxinta loo isticmaalo, kuwaasoo laga soo qabtay guri ku yaal xaafadda ay Soomaalidu degto ee Eastleigh ama Islii.