8/8/2022
Today from Hiiraan Online:  _
Wararka Maanta- Khamiis, Oct 4 , 2012
Mareykanka oo soo dhaweeyay qabsahada ay ciidamada dowladda iyo kuwa AMISOM qabsadeen Magaalada Kismaayo
Khamiis, Oktoobar 04, 2012 (HOL) — Dowladda Mareykanka ayaa soo dhaweysay qabashada magaalada dekedda leh ee Kismaayo, halkaasoo ay toddobaadkan la wareegeen ciidamada dowladda Soomaaliya iyo kuwa Kenya ee ka tirsan AMISOM oo iskaashanaya.

Afhayeenaadda wasaaradda arrimaha dibadda ee Mareykanka, Victoria Nuland ayaa sheegtay Arbacadii shalay in qabashada Kismaayo ay qayb ka tahay dadaalka lagu doonayo in Soomaaliya looga nadiifiyo Al-shabaab oo xiriirka la leh Al-Qaacida.

"Ka bixitaanka Al-shabaab ee Kismaayo waxay caddeynaysaa inay korortay awoodda ay ciidamada dowladda Soomaaliya ku doonayaan inay ku baabi'iyaan kuna dhabar-jaraan falalka argagaxisada," ayay Nuland tiri.

Sidoo kale, afhayeenaddu waxay hadalkeead raacisay in qabsashada Kismaayo ay caddeyn u tahay inay burburtay awooddi Al-shabaab, ayna Soomaaliya cagata saartay jidka dib u dhiska, kaddib labaatan sano oo colaado ay ka taagnaayeen.

Mareykanka wuxuu ugu baaqay dhammaan ciidamada ku sugan Kismaayo iyo hareeraheeda inay xushmeeyaan shuruucda caalamiga ah ee xuquuqda aadanaha iyo sharciyada gargaarka bani'aadamnimo.

"Waxaan ku baaqaynaa in la dhowro xuquuqda shacabka ku nool Kismaayo, sidoo kalena la ilaaliyo xuquuqda dadka ku tiirsan shaqooyinka ay ka qabtaan dekedda," ayay Nuland hadalkeeda kusoo gabgabeysay.

Magaalada Kismaayo oo ay Sabtidii lasoo dhaafay isaga baxeen xoogaggi Al-shabaab ee gacanta ku hayay muddo shan sano ah ayaa waxaa laba casho ka hor gudaha u galay ciidamada dowladda iyo kuwa Kenya oo muddo sannad ah qorsheynayay inay gudaha u galaan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/4/2012 9:52 AM EST
Khamiis, Oktoobar 04, 2012 (HOL) — Madaxweynaha Soomaaliya, Xasan Sheekh Maxamuud ayaa ka qaybgalka dabaal-deg loo sameynayo sannad-guurgadii 50-aad ee kasoo wareegtay markii Uganda ay xorriyadeeda ka qaadatay dalka Ingiriiska oo ku beeggan todobaadka dambe.

10/4/2012 9:24 AM EST
Khamiis, Oktoobar 04, 2012 (HOL) — Ururka Raaskambooni oo ka mid ah xoogaggii gacanta ku siiyay ciidamada Kenya iyo kuwa Soomaaliya qabsashadii magaalada Kismaayo ee xarunta gobolka Jubbada Jubbada hoose ayaa sheegay in maamul u sameynta magaalada Kismaayo aysan ahayn mid laga sugayo dowladda dhexe ee Soomaaliya.

10/4/2012 8:25 AM EST
Khamiis, Oktoobar 04, 2012 (HOL) — Afhayeenka AMISOM, Col. Cali Aadan Xumud oo maanta shir jaraa'id ku qabtay Muqdisho ayaa ka hadlay la wareegiddii degmada Kismaayo, ammaanka magaalada Muqdisho iyo fatahaadihii uu webiga shabeelle ee magaalada Baladweyne.

10/4/2012 8:06 AM EST
Khamiis, Oktoobar 04, 2012 (HOL) — Laanta dambi-baarista booliiska Soomaaliya ee loo yaqaan CID-da ayaa soo bandhigtay maanta 15-qof oo ay sheegtay inay dilal qorsheysan ka fuliyeen Muqdisho, kuwaasoo ay xustay inay Al-shabaab ka tirsan yihiin.

10/4/2012 7:49 AM EST
Khamiis, Oktoobar 04, 2012 (HOL) — Guddi wasiirro ah oo soo qiimaya khasaarihii ka dhashay fatahaaddii webiga Shabeelle uu ku sameeyay degmada Baladweyne ayaa maanta la magacaabay, waxaana guddigaas oo wasiirro ah madax u ah Cabdullaahi Goodax Barre oo ah wasiirka qorsheynta iyo xiriirka caalamiga ah ee Soomaaliya.

10/4/2012 7:02 AM EST
Khamiis, Oktoobar 04, 2012 (HOL) — Ciidamada dowladda KMG iyo kuwa Kenya ayaa ka bilaabay xaafadaha kala duwan ee magaalada Kismaayo howlgallo guriguri ah, iyadoona howlgalladaasi lagu soo qabqabtay tobaneeyo qof oo lagu eedeeyay in ay xiriir la leeyihiin Al-shabaab.

10/4/2012 3:30 AM EST
Khamiis, Oktoobar 04, 2012 (HOL) — Afhayeenka Xarakda Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacadda Andulus ee ku hadasha afka Al-shabaab ayaa ku hanjabay in ciidamada Kenya iyo kuwa la socda aysan ku nasan doonin magaalada Kismaayo ayna la dagaalami doonaan.