8/8/2022
Today from Hiiraan Online:  _
Wararka Maanta- Arbaco, Oct 3 , 2012
Shirkadda Isgaarsiinta Hormuud oo deeq gaarsiisay dadkii ku barakacay fatahaadihii Webiga Shabeellle ee Magaalada Baladweyne

Arbaco, Oktoobar 03, 2012 (HOL) — Oktoobar, 03, 2012 (HOL) --  Shirkada isgaarsiinta Hormuud ayaa ugu deeqday  lacag dhan ilaa  $100,000 doolar, dadkii ay dhibaatadu ka soo gaartay Fatahaadii ku dhufatay dhawaan magaalada Baladweyne ee xarunta gobolka Hiiraan.

Shirkada ayaa gaarsiisay in ka badan 2000 oo qoys deeq isugu jirtay raashin ka kooban, Bur, Bariis, Salaad, iyo bacaha laga galo roobka, waxaana ay ka qeybisay deeqda dhamaan goobihii ay ku barakaceen dadkii ka baxay fatahaada wabiga Shabeelle.

Qoysaskii ka faa’ideystay deeqdan ayaa siweyn u soo dhaweeyay, iyaga oo sheegay in ay heleen waqti ay siweyn ugu baahnaayeen kaalmada noocan oo kale ah, madaama wax kasta oo ay heli kareen ku waayeen biyihiin ku soo rogmaday xaafadihii ay ku noolaayeen.

Mas’uuliyiinta shirkada Hormuud oo la hadllay HOL waxaa ay sheegeen in qorshaha ay ku gargaarayaan dadka dhibaatadu soo food saartay aheyn oo kaliya in ay siiyaan wax ay quutaan, laakiin xitaa loo baahan yahay in laga hagaajiyo sida ay hadalka u dhigeen sixada deegaannada ay hadda ku barakaceen.


"Inta badan magaaladu biyuhu waa ay ku fataheen, kumanaan qoysas ah ayaa dibada uga baxay magaalada, kuwaasoo hadda aan heysan hoy ku filan iyo musqulo ay isticmaalaan, sidaa daraadeed shirkadu intii awoodeeda ah arrimahaa oo dhan waxbey ka qaban doontaa,’’ ayuu yiri mid ka mid ah mas’uuliyiinta shirkada Hormuud ee gobolka Hiiraan.

Sidoo kale, waxaa ay shirkadu sheegtay in xitaa ay isku howli doonto in dadka aan awoodin in ay dib u dayactiraan guryahay ay ka bur buriyeen biyaha ka kaalmeyso arintaa iyada ah, waana qeyb ka mid ah ayeey sheegeen kaalamada ay shirkadu ugu talagashay in lagu caawiyo dadka ku barakacay biyaha ka soo rogmaday wabiga Shebeelle.

Inkastoo ay jiraan hay’addo iyo waliba shirkadu isku howlaya sidii loo samata bixin lahaa dadka ka barakacay magaalada, ayaa haddana marka aad dhinaca kale eegto waxaa la oran karaa kaalmadan ay bixisay shirkada Hurmuud waa tii ugu badneyd oo ay ka faa’ideystaan tiro intaa la eg oo ka mid ah dadkii ugu darnaa oo ay dhibaatada biyuhu saameysay.





C/raxmaan Diini, Hiiraan Online
[email protected]
Baladweyne, Soomaaliya












Click here
10/3/2012 10:22 AM EST
Arbaco, Oktoobar 03, 2012 (HOL) — Dowladda Britain ayaa ku dhawaaqay inay 38-milyan oo Pound oo lacagta Ingiriiska ah ku caawinayso dowladda cusub ee Somalia si wax looga qabato dhinacyada ammaanka, horumarinta adeegyada bulshada iyo cadaaladda, kaddib markii wafdi ka socda dowladda Birtain ay Muqdisho kula kulmay madaxweynaha Soomaaliya, Xasan Sheekh Maxamuud.

10/3/2012 10:04 AM EST
Arbaco, Oktoobar 03, 2012 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari ayaa maanta kulan kula qaatay xarunta golaha shacabka ee Muqdisho in ka badan laba boqol oo xildhibaan oo ka mid ahaa xubnihii hore ee baarlamaankii waqtigiisu dhammaaday.

10/3/2012 8:11 AM EST
Arbaco, Oktoobar 03, 2012 (HOL) — Diyaarado dagaal ayaa lagu arkay iyagoo dul-heehaabaya maanta deegaanno ka tirsan degmada Xarardheere ee gobolka Mudug, halkaasoo la sheegay in kooxaha burcadbadeedda ah ay ku haystaan ajnabi ay ku haystaan afduub.

10/3/2012 3:50 AM EST
Arbaco, Oktoobar 03, 2012 (HOL) — Xaaladda magaalada Kismaayo ee gobolka Jubbada hoose aya daggan maanta oo Arbaco kaddib markii ay qaraxyo ka dhaceen shalay gallinkii dambe, kuwaasoo geystay khasaare isugu jira dhimasho iyo dhaawac.

10/3/2012 3:45 AM EST
Arbaco, Oktoobar 03, 2012 (HOL) — Madaxweynaha dowladda Federaalka Soomaaliya, Xasan Sheekh Maxamuud ayaa ku jira wadatashiyo ku saabsan sidii uu kusoo magacaabi lahaa ra'iisul wasaaraha cusub ee Soomaaliya, iyadoo jagadan ay ku loolamayaan mas'uuliyiin fara badan oo uu ku jiro ra'iisul wasaaraha xilligiisu sii dhammaanayo.