8/8/2022
Today from Hiiraan Online:  _
Wararka Maanta- Khamiis, Oct 18, 2012
Madaxweynaha Somaliland oo Xariga ka jaray war-laliye sahlaya in Raadiyo Hargeysa laga dhageysto Adduunka oo dhan

Khamiis, Oktoobar 18, 2012 (HOL) — Madaxweynaha Somaliland Axmed Maxamed Maxamuud (Siilaanyo), ayaa xadhiga ka jaray balaadhinta baahintii  Idaacada Radio Hargeysa oo lagu rakibay War-laliye weyn oo dunida laga dhagaysan doono, kaas oo wax ka tari doona baahidda loo qabay dhagaysiga Idaacadda Radio Hargeysa oo labaatankii sanadood ee u dambeeyey aan dhaafin dhagaysigeeddu magaaladda Hargeysa iyo agagaarkeedda.

Xaflad balaadhan oo loo sameeyey furitaanka Idaacadan oo ka dhacday xarunta Wasaaradda warfaafinta, dhaqanka  iyo wacyi galinta Somaliland, ayaa waxa ka soo qayb galay Masuuliyiin badan oo iskugu jira madaxweynaha, wasiirro , shirgudoonka baarlamaanka iyo marti sharaf kale oo badan.

Madaxweynaha ayaa sheegay in ahmiyad weyn u tahay Somaliland in la helo Idaacad dunida wada gaadho oo xogta lagu kala helo, isla markaana dawladdu umaddeeda wax ugu sheegi karto, isagoo arrintaasi ka hadlaya waxa uu yidhi “ farxad waxa ii ah in aan ka soo qaybgalo xafladan Radio Hargeysa lagu baahinayo oo uu gaadhayo dunida oo dhan, Raadiyuhu waa shayga ugu fiican ee dawladdu wax ugu sheegi karto dadkeeda, dunida kalana uga warami karto waxay qabsatay iyo waxay taransatay”ayuu yidhi


Madaxweynaha Somaliland Axmed Maxamed Maxamuud Siillaanyo waxa uu sheegay in cidii wax ka qabatay  hawlgalinta dhamaystirka baahinta idaacada uu u mahadnaqayo iyo guud ahaan shacabka Somaliland.

Wasiirka warfaafinta, dhaqanka iyo wacyigelinta Abiib Diiriye Nuur (Abiib Timacad), ayaa sheegay 25 sanno ka dib la helay idaacad weyn oo aduunka oo dhan laga dhagaysan doono, kaas oo wax ka tari doona isku xidhnaanta bulshadda Somaliland iyo dunida kale.

Radio Hargeysa ayaa ah idaacadii ugu horaysay ee af soomaali lagaga hadlo, waxaana hirgaliyey dawladii Ingiriiska,haseyeeshee waxa maanta loo keenay war laliye aad u weyn oo la sheegay inay gaadhi doonto dunida inteedda kale.


War laliyahan ayaa muddo afar sanadood ahba ku jirtay miisaaniyadda Somaliland, iyadoo mar walba la odhan jiray waa la soo iibiyaan, taas oo dadweyne badan oo ku dhaqan gobolada niyad jab ku riday, maadaama oo aanay idaacadu dhaafin jirin magaaladda Hargeysa, haseyeshee idaacadan xadhiga laga jaray ayaa laga dhagaysan doona mawjadaha dhexe ee 41 MHZ oo qaarado badan laga maqli doono.








Barkhad-Ladiif  M. Cumar, Hiiraan Online
[email protected]
Hargeysa, Somaliland












Click here
10/18/2012 8:26 AM EST
Khamiis, Oktoobar 18, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah ula wareegay xafiiska shaqada, kaddib munaasabad lagu qabtay Madaxtooyada Soomaaliya, taasoo madaxweyne, Xasan Sheekh Maxamuud uu ka qaybgalay.

10/18/2012 8:06 AM EST
Khamiis, Oktoobar 18, 2012 (HOL) — Xildhibaannada baarlamaanka Soomaaliya ayaa dib u dhigay maanta ansixinta miinaasiyad loogu talogalay inay dowaddu ku shaqeyso bilaha ka haray sannadkan 2012, kaddib doodo adag oo ay xildhibaannadu ka yeesheen miisaaniyaddan.

10/18/2012 7:55 AM EST
Khamiis, Oktoobar 18, 2012 (HOL) — Khubaradii caalamiga ahaa ee ka socotay ururka EPAF ee Baadha xasuuqyadda caalamka ka dhaca, ayaa soo gabogabaysay xabaal-wadareedyado ay muddo bil ah ka baadhayeen koonfurta magaaladda Hargeysa, iyagoo qalfoofkii dadkaasi la laayey isku ururiyeen, isla markaana 38 qof oo ku jiray xabaashaasi qof walba xubnihii lafihiisa isku habeeyey si loo garto cida uu yahay iyo eheladoodda.

10/18/2012 7:52 AM EST
Khamiis, Oktoobar 18, 2012 (HOL) — Shirkada Xawaaladda Ammaana oo maalmihii ugu dambeeyayba si weyn ugu mashquulsaneyd caawinta dadkii ay dhibaatadu ka soo gaartay fatahaadii dhawaan ku dhuftay magaalada Baladweyne ayaa deeqo kala duwan gaarsiisay dad ku dhibaateysan magaalada Baladweyne iyo goobaha ku dhow-dhow.

10/18/2012 6:45 AM EST
Khamiis, Oktoobar 18, 2012 (HOL) — Wafdi ka socda urur goboleedka IGAD ayaa maanta gaaray magaalada Kismaayo ee xarunta gobolka Jubada hoose, halkaasoo ay si diirran ugu soo dhaweeyeen masuuliyiinta ka tirsan dowladda Soomaaliya iyo kuwa Raaskaambooni ee ku sugan magaaladaasi.

10/18/2012 6:43 AM EST
Khamiis, Oktoobar 18, 2012 (HOL) — Dhallinyaro tiradoodu gaarayso 200 oo ka kala yimid degmada Marko iyo deegaanno ku dhow-dhow ayaa markii ugu horreysay loogu qabtay maanta degmada Marko kulan wacyi-gelin ah.

10/18/2012 3:59 AM EST
Khamiis, Oktoobar 18, 2012 (HOL) — Dalbley ku hubeysan bastoolado ayaa saakay si gaadmo ah ugu dilay xaafadda Jiiro-maskiin ee degmada Wadajir guddoomiye waaxeed lagu magacaabo jiray, Burus, iyadoo kooxihii dilkiisa geystay ay goobta ka baxsadeen.

10/18/2012 2:40 AM EST
Khamiis, Oktoobar 18, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inay sii socon doonaan dagaallada ay ciidamada dowladda Soomaaliya kuwa AMISOM kula jiraan Al-shabaab inta kooxdan laga adkaanayo ama dalka oo dhan laga saarayo.

10/18/2012 2:38 AM EST
Khamiis, Oktoobar 18, 2012 (HOL) — Xildhibaannad baarlamaanka Soomaaliya ayaa kulan ay maanta ku yeelanayaan xarunta golaha shacabka kaasoo ay kaga doodayaan miisaaniyadda ay dowladdu ku shaqeynayso saddexda bilood ee soo socota.

10/18/2012 2:37 AM EST
Khamiis, Oktoobar 18, 2012 (HOL) — Xukuumadda Masar ayaa diiday inay dalkeeda galaan Soomaali kasoo carartay dagaallada ka socda dalka Suuriya, kaddib markii ay ka dageen garoonka diyaaradaha ee Masar shalay oo Arbaco ahayd iyadoo wata dal-ku-gal ama fiisooyin sharci ah.