10/23/2019
Today from Hiiraan Online:  _
Wararka Maanta- Isniin, Oct 15, 2012
Hay'adda Qoxootiga Adduunka oo sheegtay in Soomaalida Qoxootiga ku ah Adduunka ay kor u dhaafayaan hal Milyan oo Qof


Isniin, Oktoobar 15, 2012 (HOL) — Hay'adda UNHCR oo Qarammada Midoobay u qaabilsan qaxootiga ayaa warbixin ay soo saartay ku sheegtay in qoxootiga Soomaalida ha ee dalkooda ka cararay ay kor u dhaafayeen hal milyan oo qof, kuwaasoo intooda badan ku nool dalalka dariska la ah Soomaaliya sida Kenya iyo Itoobiya.

UNHCR waxay warbixinteedan ku sheegtay in dad gaaraya 1,360,000 oo qof ay ku barakaceen gudaha dalka, kuwaasoo inta gobolladooda ka cararay ku nool hadda gobollo kale, waxayna sheegtay in kaalmeynta deg-degga ah ee dadkaas ay hormuud u tahay hay'adda.

Sidoo kale, hay'addu waxay sheegtay inay jiraan dad qoxooti ku ah Soomaaliya oo ay caawiso, kuwaasoo ay tiradooda ku sheegtay 2,100-qof, kuwaasoo aysan sheegin jinsiyadahooda iyo dalalka ay kasoo carareen.

Hay'addu waxay warbixinteeda ku sheegtay in isbedelladii dhinaca ammaanka ee ka dhacayay Soomaaliya bilihii ugu dambeeyay ay ku dhaliyeen Kenya in Qaramada Midoobay u dirto codsi ay ku dalbanayso in la abaabulo hay'adaha gargaarka si dadka Soomaaliyeed ee qoxootiga ku ah dalkeeda dib loogu celin lahaa Soomalaiya, gaar ahaan goobaha Al-shabaab laga qabsaday.

UNCHR waxay sheegtay in Kenay ay ku andacoonayso inaysan xamili karin qoxootiga ka badan Nus Malyuunka qof ee ku jira xeryaha qoxootiga Dhadhaab ee dalka Kenya.

Dhanka kale, hay'addu waxay sheegtay in magaalada Muqdisho ay dib ugu laabteen sannadkan dad gaaraya 65,000 oo qof kuwaasoo kasoo laabtay dalalka Kenya, Yemen iyo deegaanno ka tirsan Soomaaliya oo ay markii hore u carareen.

Ugu dambeyn, hay'addu waxay warbixinteedan ku sheegtay in magaalada Muqdisho ay sidii hore ka xasiloon tahay, iyadoo sheegtay in dagaalladii ka dhacay dhowrkii sano ee lasoo dhaafay ay sababeen inay caasimadda xaalado ammaan-darro awgeed uga cararaan dad gaaraya 300,000 qof.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/15/2012 10:05 AM EST
Isniin, October 15, 2012(HOL): Ururka Dhallinyarada, Cayaaraha iyo Dhaqanka Yurub ee SEUKI oo ah ururka soo qabanqaabiya cayaaraha kubadda cagta ee xagaaga ka dhaca magaalada Stockholm ee dalka Sweden ayaa wuxuu doortay maamul cusub oo ururka hoggaamin doona tan iyo xagaaga soo socda ee 2013.

10/15/2012 9:25 AM EST
Isniin, Oktoobar 15, 2012 (HOL) — Wararka ka imaanaya gobolka Jubbada hoose iyo xerada Qoxootiga IFO ayaa waxay sheegayaan in halkaas ay ka dhaceen dilal loo kala geystay laba qof oo shacab ah, iyadoo sidoo kale gaari iyo afar Kenyan ah maalin ka hor laga afduubay deegaan ku dhow degmada Mandheera ee dalka Kenya.

10/15/2012 9:13 AM EST
Isniin, Oktoobar 15, 2012 (HOL) — Shirkadda Isgaarsiinta Hormuud ayaa maanta ku dhawaaqday inay bixinayso biilka hooyo Soomaaliyeed oo afar mataano ah ku dhashay kaam ku yaalla magaalada Muqdisho ee xarunta Soomaaliya.

10/15/2012 8:42 AM EST
Isniin, Oktoobar 15, 2012 (HOL) — Guddoomiye ku xigeenka gobolka Shabeellada hoose ee dhinaca ammaanka, Axmed Cumar Mudane ayaa sheegay in hal askari oo ka tirsan ciidamada dowladda Soomaaliya uu dhintay qarax ka dhacay deegaanka Shalaanbood ee gobolka Shabeellada hoose.

10/15/2012 7:59 AM EST
Isniin, Oktoobar 15, 2012 (HOL) — Saraakiisha booliiska AMISOM ayaa tababar ku saabsan baarista dambiyada uga furtay Muqdisho 40-askari oo booliiska Soomaaliya ka tirsan, kuwaasoo isugu jira rag iyo haween.

10/15/2012 7:43 AM EST
Isniin, Oktoobar 15, 2012 (HOL) — Ururka Midowga Yurub ayaa sheegay inay si dhow ula shaqeyn doonaan dowladda cusub ee Soomaaliya, si dowalddu ay ugu guuleysato howlaha horyaalla muddada ay shaqeynayso ee afarta sano ah.

10/15/2012 6:37 AM EST
Isniin, Oktoobar 15, 2012 (HOL) — Wafdi uu horkacayo madaxweynaha Puntland Cabdiraxmaan Maxamed Maxamuud (Faroole) oo shalay ka ambabaxay magaalada Garoowe, ayaa maalintii labaad ku sugan degmada Eyl ee gobolka Nugaal.

10/15/2012 6:35 AM EST
Isniin, Oktoobar 15, 2012 (HOL) — Iyadoo ay dhawaan roobabkii dayrtu ka curteen meelo badan oo kamid ah deegaanada Puntland ayaa haddana waxaa dhul ballaaran oo ka tirsan gobollada Bari iyo Karkaar ka taagan yihiin abaaro ba'an.

10/15/2012 4:11 AM EST
Isniin, Oktoobar 15, 2012 (HOL) — Ciidamada Kenya oo ka tirsan ciidmada Midowga Afrika ee AMISOM ayaa sheegay in xaaladda magaalada Kismaayo ay si tartiib-tartiib ah u soo hagaagayso, kaddib markii ay qabsadeen laba todobaad ka hor iyagoo kaashanaya ciidamada dowladda Soomaaliya iyo xoogagga Raaskambooni.

10/15/2012 3:54 AM EST
Isniin, Oktoobar 15, 2012 (HOL) — Cutubkii sadaxaad ciidammo ka socda dalka Jabuuti ee howlgalka midowgga Africa AMISOM ayaa gaaray magaalada Baladweyne ee xarunta gobolka Hiiraan.

10/15/2012 3:42 AM EST
Isniin, Oktoobar 15, 2012 (HOL) — Ugu yaraan afar qof oo ka tirsan dhinacyadii dagaalamay ayaa ku dhintay tiro kalena waxay ku dhaawacmeen dagaallo xalay ku dhexmaray xaafado ka tirsan degmooyinka Dharkeynley iyo Yaaqshiid ciidamada dowladda Soomaaliya iyo xoogagga Al-shabaab.