3/29/2024
Today from Hiiraan Online:  _
Wararka Maanta- Sabti, Oct 13, 2012
Ururka Midowga Afrika oo Qaramada Midoobay ka dalbaday in Soomaaliya laga qaado cunno-qabteynta Hubka
Sabti, Oktoobar 13, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay in cunno-qabteynta hubka ee saaran Soomaaliya muddada dheer si loo qalabeeyo ciidamada qalabka sida ee Soomaaliya oo howlgallo lagula dagaalamayo Al-shabaab ka wada gudaha Soomaaliya.

Warmurtiyeed uu soo saaray ururka Midowga Afrika ayaa lagu sheegay in Soomaaliya hadda uu ka jiro ifafaale nabadeed oo ka dhashay dadaal ay sameeyeen ciidamada dowladda iyo kuwa AMISOM oo iskaashanaya, loona baahan yahay in la qaado tallaabooyin muhiim ah oo dadaalkaas lagu xoojiyo.

"Waxaa muhiim ah in Soomaaliya xilligan laga qaadaan cunno-qabateynta hubka ee saaran muddada dheer si ciidamada dowladda Soomaaliya ay fursad ugu helaan in ay sugaan ammaanak guud ee dalka," ayaa lagu yiri warbixinta uu Midowga Afrika ku dalbaday in cunno-qabteynta hubka laga qaado Soomaaliya.

Cunno-qabteynta hubka ayaa Soomaaliya sannadkii 1992-kii markii ay dhaceen dagaallo uu dhiig badan ku daatay, waxaana tan iyo xilligaas jiray guddi kormeer ku sameeya cunno-qabteynta hubka, kuwaasoo dhowr jeer ku eedeeyay dalal ay ka mid tahay Eritrea inay jabiyeen cunno-qabateyntaas.

Ururka Midowga Afrika ayaa waxaa Soomaaliya ka jooga in ka badan 17,000 oo ka kala socda dalalka Uganda, Jabuuti, Burundi iyo Kenya, iyadoo sidoo kalena ay ku sugan yihiin ciidammo iyo saraakiil booliis ah oo ka socda dalalka Uganda, Nigeria iyo Sierra Leone.

Ugu dambeyn, qoraal uu soo saaray danjiraha Midowga Afrika ee golaha ammaanka ee Qaramada Midoobay ayaa looga dalbaday dalalka dunida inay gacan ka geystaan dib u dhiska dalka Soomaaliya, kaddib 21-sano oo ay dagaallo ka socdeen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2012 8:29 AM EST
Sabti, Oktoobar 13, 2012 (HOL) — Afhayeenka ciidamada ee Al-shabaab, Sheekh Cabdulcasiis Abuu-Muscab ayaa beeniyay in ciidamada Kenya ay ku dileen 3,000 oo dagaalyahannadooda ka tirsan lagu dilay dagaalladii muddada halka sano ah ka socday gobollada Jubbooyinka.

10/13/2012 7:47 AM EST
Sabti, Oktoobar 13, 2012 (HOL) — Ciidamada dowladda Soomaaliya iyo xoogagga Al-shabaab ayaa wuxuu dagaal khasaare nafeed dhaliyay ku dhexmaray maanta agagaarka garoonka diyaaradaha lambar konton ee gobolka Shabeellada hoose.

10/13/2012 7:18 AM EST
Sabti, Oktoobar 13, 2012 (HOL) — Tan iyo wixii ka danbeeyay dhawaan markii fatahaadu ku dhuftay magaalada Baladweyne ee xarunta gobollka Hiiraan waxaa jiray gurmad kala duwan oo loo sameeynayay dadkii ay dhawaan ku dhufteen daadadkii ku fatahay xaafadaha magaalada.

10/13/2012 6:33 AM EST
Sabti, Oktoobar 13, 2012 (HOL) — Burcabdadeedda Soomaaliya ayaa madaxfurasho lacageed kusii daayay markab laga leeyahay dalka Giriigga balse siday calanka dalka Libeeriya iyo 21 shaqaalihisii ah oo u dhashay dalka Filibiin, kaddib afduub ahaan u qabsadeen bishii Feberaayo ee sannadkan.

10/13/2012 4:06 AM EST
Sabti, Oktoobar 13, 2012 (HOL) — Ururka dhalinyarada SYL II ayaa dagmada Marka ee gobalka Shabeellada hoose kusoo gabgabeeyay Jimcihii shalay kulan laba maalin socday oo ka koobnaa dood-cilmiyeed iyo aqoon-is-weydaarsi looga hadlayay sidii lagu soo celin lahaa doorka odayaasha dhaqanka Soomaaliyeed ee ku aaddan xal u raadinta dhibaatooyinka bulshada dhexdeeda ka dhaca.

10/13/2012 4:05 AM EST
Sabti, Oktoobar 13, 2012 (HOL) — Taliye ku xigeenka ciidamada milateriga Somalia, Jen. Cabdikariin Yuusuf Aadan (Dhego-badan) ayaa sheegay in howlgalka ciidamadu ay socon doonaansocon doonaan inta Al-shabaab laga saarayo meel walba oo ay dalka kaga sugan yihiin.

10/13/2012 4:00 AM EST
Sabti, Oktoobar 13, 2012 (HOL) — Maxkamadda sharciyada ee dalka Kenya oo ku taalla magaalada Mombasa ayaa lagu wadaa inay 25-ka bisha Jannaayo ee 2013 go'aan ka gaarto dacwad ku saabsan nin Hindi ah oo si sharci darro ah u sameeyay baasaboorka Soomaaliya.