10/18/2019
Today from Hiiraan Online:  _
Wararka Maanta- Jimco, Oct 12, 2012
Dadka Boosaaso oo si aad ah Jimcaha xeebta ugu damaashaad taga (SAWIRRO)



Jimco,, October 12, 2012(HOL): Magaalada Boosaaso oo leh mid kamid ah xeebaha ugu quruxda badan dalka, waxaa maalin walba u damaashaad taga boqolaal dhalinyaro ah iyo dad waaweyn oo intooda badani ay qurbe-joog yihiin.

 

Dhererka xeebta oo gaaraya dhowr Kilometer waxuu Jimce kasta yeeshaa muuqaal aad u bilicsan , kaas oo ay daawashadiisuna tahay mid aad loo jeclaysan karo. Shabakadda HOL oo maanta xeebta gaartey ayaa si kooban ula hadashay qaar kamid ah dadkii xiligaas ku sugnaa.

 

 “ Xeebta waxan imaadaa amaayaha fasaxa si aan ugu baashaalo, waxan ku dheelaa kubadda, waan dabaashaa, xiliyada qaarna jimicsiyo kale ayaan ku sameeyaa, jewiga xeebta aad baan u jeclahay” Maxamuud Shire Aadan oo kamid ah dhalinyaradii HOL xeebta kula hadlay ayaa sidaas yiri.

 

Sidoo kale Jaamac Ciise oo ah aabe wadey ciyaalkiisa ayaa isna ka war bixiyey dareenkiisa ku aadaan damaashaadka jimcaha iyo xeebta, wuxuuna sheegay in wakhtigiisa fasaxa uu ubadkiisa kula qaato xeebta.

 

“ Nin inta badan shaqeeya ayaan ahay, laakiin maalinta Jimcaha waxan dhamaan caruurteyda iyo qoyska oo dhanba keenaa xeebta, caafimaad ahaan waxan aaminsanahay in ay faa’iido badan leedahay” Jaamac ayaa yiri.

 


Inkasta oo xiliyada qaar la tilmaamo in nadaafadda xeebta Boosaaso ay tahay mid aan wanaagsaneyn, waxaa hadana dhowrkii sano ee ugu danbeeyey aad u yaraatay in xeebta wax qashin ah lagu shubo, kadib markii ay dowladda hoose ee degmadu ay amaro adag kasoo saartay.

 

Dhowaan xeebta magaalada caasimada ah ee Muqdisho  waxaa  laga hirgeliyey dhowr Hotel iyo goobo kale oo dadka xeebta soo aadaa ay ku nastaan, waxaana hubaal ah  in hadii mashaariicda noocaas ah la dardar gelin lahaa ay si aad ah xeebaha dalku indhaha dalxiisayaasha usoo jiidan lahaayeen.



 


Maxamed S. Xaaji Dirir, Hiiraan Online

[email protected]

Boosaaso, Soomaaliya










Click here
10/12/2012 4:49 PM EST
Jimco, October,12, 2012 (HOL)- Madaxweynaha Somaliland Axmed Maxamed Maxamuud Siillaanyo, ayaa maanta saaladii jimcaha si kadis ah loogu arkay isagoo ku takanaya masaajid ku yaala magaaladda Gabiley ee gobolka Gabiley, kaas oo aan hore loo sii sheegin inuu madaxweynuhu imanayo magaaladda, balse lagu arkay uun markii uu masaajidka weyn ee magaaladda ku yaalla soo galay.

10/12/2012 2:45 PM EST
Qaraxyo daqiiqado ka hor gilgilay xaafada Islii (Eastleigh) ee Soomaalidu ka dagantahay magaalada Nairobi ayaa lagu soo warramayaa inay halkaas ka dhaceen.

10/12/2012 11:06 AM EST
Jimco, Oktoobar, 12, 2012 (HOL) – Waxaa soconaya wali gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, kuwaasoo waqtigan daruufo kala duwan oo dhinaca nolasha ah ay ku heystaan deegaannadii ay maciin bideen.

10/12/2012 11:01 AM EST
Jimco, October, 12, 2012 (HOL)- Ardayda jaamacadda Hargeysa iyo guddi samaysay urur lagu ururiyo dhaqanka iyo af soomaaliga oo loogu magacdaray Gaariye, ayaa xalay si wada jir ah u sameeyey xus loogu baroor diiqayo geeriddii ku timid abwaankii weynaa Maxamed Xaashi Dhamac Gaariye.

10/12/2012 10:37 AM EST
Jimco, Oktoobar, 12, 2012 (HOL) -- Kadib markii xalay qof doonayay in uu weerar Ismiidaamin ah ka geysto magaalada Baladweyne ay ku qarxeen waxyaabihii uu sitay ayeey sheegeen mas’uuliyiinta maamulka gobollka in ay xoojin doonaan amniga magaalada.

10/12/2012 3:56 AM EST
Jimco, Oktoobar 12, 2012 (HOL) — Madaxweynaha dowladda Soomaaliya, Xasan Sheekh Maxmauud ayaa sheegay in caalamku uu doonayo inuu wax ka qabto arrimaha dalka Soomaaliya, isagoo shacabka Soomaaliyeed ugu baaqay inay ka faa'iideystaan qorshayaasha caalamka uu wax uga qabanayo Soomaaliya.

10/12/2012 3:45 AM EST
Jimco, Oktoobar 12, 2012 (HOL) — Qaraxyo aan khasaare geysan ayaa xalay ka kala dhacay degmooyinka Baydhabo iyo Baladweyne ee gobollada Bay iyo Hiiraan, kuwaasoo la doonayay in lala bartilmaameedsado mas'uuliyiin ka tirsan maamullada gobolladaas ka jira.

10/12/2012 3:34 AM EST
Jimco, Oktoobar 12, 2012 (HOL) — Maamulka Gobolka Banaadir ayaa degmooyin ka tirsan Muqdisho ka billaabay howlo lagu tira-koobayo shacabka ku nool iyo guryaha, taasoo uu maamulku sheegay inay qayb ka yihiin howlo lagu sugay ammaanka guud ee caasimadda Soomaaliya.

10/12/2012 3:32 AM EST
Jimco, Oktoobar 12, 2012 (HOL) — Guddoomiyaha degmada Huriwaa ee gobolka Banaadir, Cumar Cabdulle Jacfaan ayaa sheegay inuu ka badbaadya weerarro la doonayay in lagu dilo, isagoo sheegay in gaarigiisa lagu weeraray laba bambaano oo kuwa gacanta ah xilli uu shalay gallinkii dambe marayay xaafadda Suuqa Xoolaha oo ka tirsan degmada Huriwaa.

10/12/2012 3:27 AM EST
Jimco, Oktoobar 12, 2012 (HOL) — Dowladda Federaalka Soomaaliya ayaa safiirro u magacowday dalalka Iiraan iyo Yemen, kuwaasoo warqadahoodii aqoonsigooda u gudbiyay madaxweynayaaasha labadaas dal, Maxamuud Axmedinajad iyo Cabdi-rabbu Mansuur Haaddi.