10/18/2019
Today from Hiiraan Online:  _
Wararka Maanta- Jimco, Oct 12, 2012
Maamulka gobollka Hiiraan oo sheegay in amniga la adkeynayo kadib qarax xalay ka dhacay Baladweyne


Jimco, Oktoobar, 12, 2012 (HOL)  -- Kadib markii xalay qof doonayay in uu weerar Ismiidaamin ah ka geysto magaalada Baladweyne ay ku qarxeen waxyaabihii uu sitay ayeey sheegeen mas’uuliyiinta maamulka gobollka in ay xoojin doonaan amniga magaalada.

 

Afhayeenka maamulka gobollka Hiiraan Max’ed Nuur Caga-joof oo la hadllayay HOL ayaa sheegay in qofka qarax ku dhintay uu doonayay in uu weerar Ismiidaamin ah ka geysto magaalada Baladweyne, laakiin markii danbe ay ku qarxeen waxyabihii uu isku soo xiray.

 

‘’Sababta keentay in qofkaas uu iskii isku qarxyo ayaa la oran karaa waa amniga oo ahaa mid adag, waayo meel uu maro ayuu garan waayay, waxaana uu markii danbe goostay in uu isaga is qarxiyo ayuu yiri,’’ Max’ed Nuur Caga-joof.

 

Waxaa uu sheegay iskaashi ay sameynayaan ciidamada maamulka gobollka Hiiraan, kuwa Itoobiya iyo waliba ciidamada AMISOM ee ka socda dowladda Jabuuti xoogga lagu saari doono sugida amniga magaalada Baladweyne si looga hor tago ayuu yiri falalka noocaas oo kale ah.

 

‘’Markii awoodoodii la wiiqay waxaa ay hadda isku dadayaan falal kale oo ay amaanka wax ugu dhimaan, annaga ka maamul ahaan arintaa siweyn ayaan uga foojigannahay ayuu yiri,’’ Max’ed Nuur Caga-joof.

 

Xaafadda Howl-wadaag ee magaalada Baladweyne ayaa waxaa xalay ka dhacay qarax uu ku dhintay qof sida la sheegay isku soo xiray walxaha qaraxa, kaasoo doonayay in uu ka sameeyo magaalada weerar Ismiidaamin ah.

 

C/raxmaan Diini, Hiiraan Online

[email protected]

Baladweyne, Soomaaliya.










Click here
10/12/2012 6:02 PM EST
Jimco,, October 12, 2012(HOL): Magaalada Boosaaso oo leh mid kamid ah xeebaha ugu quruxda badan dalka, waxaa maalin walba u damaashaad taga boqolaal dhalinyaro ah iyo dad waaweyn oo intooda badani ay qurbe-joog yihiin.

10/12/2012 4:49 PM EST
Jimco, October,12, 2012 (HOL)- Madaxweynaha Somaliland Axmed Maxamed Maxamuud Siillaanyo, ayaa maanta saaladii jimcaha si kadis ah loogu arkay isagoo ku takanaya masaajid ku yaala magaaladda Gabiley ee gobolka Gabiley, kaas oo aan hore loo sii sheegin inuu madaxweynuhu imanayo magaaladda, balse lagu arkay uun markii uu masaajidka weyn ee magaaladda ku yaalla soo galay.

10/12/2012 2:45 PM EST
Qaraxyo daqiiqado ka hor gilgilay xaafada Islii (Eastleigh) ee Soomaalidu ka dagantahay magaalada Nairobi ayaa lagu soo warramayaa inay halkaas ka dhaceen.

10/12/2012 11:06 AM EST
Jimco, Oktoobar, 12, 2012 (HOL) – Waxaa soconaya wali gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, kuwaasoo waqtigan daruufo kala duwan oo dhinaca nolasha ah ay ku heystaan deegaannadii ay maciin bideen.

10/12/2012 11:01 AM EST
Jimco, October, 12, 2012 (HOL)- Ardayda jaamacadda Hargeysa iyo guddi samaysay urur lagu ururiyo dhaqanka iyo af soomaaliga oo loogu magacdaray Gaariye, ayaa xalay si wada jir ah u sameeyey xus loogu baroor diiqayo geeriddii ku timid abwaankii weynaa Maxamed Xaashi Dhamac Gaariye.

10/12/2012 3:56 AM EST
Jimco, Oktoobar 12, 2012 (HOL) — Madaxweynaha dowladda Soomaaliya, Xasan Sheekh Maxmauud ayaa sheegay in caalamku uu doonayo inuu wax ka qabto arrimaha dalka Soomaaliya, isagoo shacabka Soomaaliyeed ugu baaqay inay ka faa'iideystaan qorshayaasha caalamka uu wax uga qabanayo Soomaaliya.

10/12/2012 3:45 AM EST
Jimco, Oktoobar 12, 2012 (HOL) — Qaraxyo aan khasaare geysan ayaa xalay ka kala dhacay degmooyinka Baydhabo iyo Baladweyne ee gobollada Bay iyo Hiiraan, kuwaasoo la doonayay in lala bartilmaameedsado mas'uuliyiin ka tirsan maamullada gobolladaas ka jira.

10/12/2012 3:34 AM EST
Jimco, Oktoobar 12, 2012 (HOL) — Maamulka Gobolka Banaadir ayaa degmooyin ka tirsan Muqdisho ka billaabay howlo lagu tira-koobayo shacabka ku nool iyo guryaha, taasoo uu maamulku sheegay inay qayb ka yihiin howlo lagu sugay ammaanka guud ee caasimadda Soomaaliya.

10/12/2012 3:32 AM EST
Jimco, Oktoobar 12, 2012 (HOL) — Guddoomiyaha degmada Huriwaa ee gobolka Banaadir, Cumar Cabdulle Jacfaan ayaa sheegay inuu ka badbaadya weerarro la doonayay in lagu dilo, isagoo sheegay in gaarigiisa lagu weeraray laba bambaano oo kuwa gacanta ah xilli uu shalay gallinkii dambe marayay xaafadda Suuqa Xoolaha oo ka tirsan degmada Huriwaa.

10/12/2012 3:27 AM EST
Jimco, Oktoobar 12, 2012 (HOL) — Dowladda Federaalka Soomaaliya ayaa safiirro u magacowday dalalka Iiraan iyo Yemen, kuwaasoo warqadahoodii aqoonsigooda u gudbiyay madaxweynayaaasha labadaas dal, Maxamuud Axmedinajad iyo Cabdi-rabbu Mansuur Haaddi.