10/18/2019
Today from Hiiraan Online:  _
Wararka Maanta- Jimco, Oct 12, 2012
Qaraxyo siyaabo kala duwan uga dhacay Degmada Baladweyne ee Gobolka Hiiraan iyo Degmada Baydhabo ee Gobolka Bay


Jimco, Oktoobar 12, 2012 (HOL) — Qaraxyo aan khasaare geysan ayaa xalay ka kala dhacay degmooyinka Baydhabo iyo Baladweyne ee gobollada Bay iyo Hiiraan, kuwaasoo la doonayay in lala bartilmaameedsado mas'uuliyiin ka tirsan maamullada gobolladaas ka jira.

Qaraxa ka dhacay Baladweyne oo ahaa mid ismiidaamin ah ayaa waxaa fuliyay ruux waxyaabaha qaraxa isku soo xiray, kaasoo doonayay inuu isku qarxiyo gurig uu ka daggan yahay degmadaas guddoomiye ku xigeenka maamulka gobolka, balse waxaa ka hortagay ilaalada guddoomiye ku xigeenka oo lagu magacaabo Axmed C/lla Inji.

"Ma jiro wax khasaare ah oo ka dhashay weerarka uu doonayay inuu gurigayga ku soo qaado qofka natiis huraha ah, waxaase qarxay keligiis, kaddib markii ay ka hor-tageen ilaaladayda," ayuu yiri Axmed Inji.

Dhanka kale, qarax miinno oo xoog leh ayaa isaguna xalay ka dhacay degmada Baydhabo ee gobolka Bay, iyadoo mas'uuliyiin u hadlay maamulka gobolkaas ee dowladda Soomaaliya inuusan geysan wax khasaare ah.

"Qaraxu wuxuu ahaa mid ka dhashay miino dhulka lagu aasay, waxayna kooxihii geliyay qarxiyeen markii ay waayeen mas'uul ka tirsan maamulka oo ay ku weeraraan," ayuu yiri mas'uul ka tirsan maamulka degmada Baydhabo ee xarunta gobolka Bay.

Maamullada gobolka Hiiraan iyo Bay ayaa waxay ku eedeeyeen weerarradan Al-shabaab oo degmooyinkaas laga qabsaday sannadkii hore iyo sannadkan, balse ma jiro hadal kasoo baxay Al-shabaab oo ay ku sheegatay ama isaga fogeysay inay ka dambeysay weerarradaas.

Degmooyinkan ayaa waxaa horay uga dhacay qaraxyo khasaare badan geystay oo ay mas'uuliyadooda sheegatay Al-shabaab, waxaana degmooyinkan gacanta ku haya ciidamada Itoobiya iyo kuwa dowladda Soomaaliya oo iskaashanaya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/12/2012 6:02 PM EST
Jimco,, October 12, 2012(HOL): Magaalada Boosaaso oo leh mid kamid ah xeebaha ugu quruxda badan dalka, waxaa maalin walba u damaashaad taga boqolaal dhalinyaro ah iyo dad waaweyn oo intooda badani ay qurbe-joog yihiin.

10/12/2012 4:49 PM EST
Jimco, October,12, 2012 (HOL)- Madaxweynaha Somaliland Axmed Maxamed Maxamuud Siillaanyo, ayaa maanta saaladii jimcaha si kadis ah loogu arkay isagoo ku takanaya masaajid ku yaala magaaladda Gabiley ee gobolka Gabiley, kaas oo aan hore loo sii sheegin inuu madaxweynuhu imanayo magaaladda, balse lagu arkay uun markii uu masaajidka weyn ee magaaladda ku yaalla soo galay.

10/12/2012 2:45 PM EST
Qaraxyo daqiiqado ka hor gilgilay xaafada Islii (Eastleigh) ee Soomaalidu ka dagantahay magaalada Nairobi ayaa lagu soo warramayaa inay halkaas ka dhaceen.

10/12/2012 11:06 AM EST
Jimco, Oktoobar, 12, 2012 (HOL) – Waxaa soconaya wali gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, kuwaasoo waqtigan daruufo kala duwan oo dhinaca nolasha ah ay ku heystaan deegaannadii ay maciin bideen.

10/12/2012 11:01 AM EST
Jimco, October, 12, 2012 (HOL)- Ardayda jaamacadda Hargeysa iyo guddi samaysay urur lagu ururiyo dhaqanka iyo af soomaaliga oo loogu magacdaray Gaariye, ayaa xalay si wada jir ah u sameeyey xus loogu baroor diiqayo geeriddii ku timid abwaankii weynaa Maxamed Xaashi Dhamac Gaariye.

10/12/2012 10:37 AM EST
Jimco, Oktoobar, 12, 2012 (HOL) -- Kadib markii xalay qof doonayay in uu weerar Ismiidaamin ah ka geysto magaalada Baladweyne ay ku qarxeen waxyaabihii uu sitay ayeey sheegeen mas’uuliyiinta maamulka gobollka in ay xoojin doonaan amniga magaalada.

10/12/2012 3:56 AM EST
Jimco, Oktoobar 12, 2012 (HOL) — Madaxweynaha dowladda Soomaaliya, Xasan Sheekh Maxmauud ayaa sheegay in caalamku uu doonayo inuu wax ka qabto arrimaha dalka Soomaaliya, isagoo shacabka Soomaaliyeed ugu baaqay inay ka faa'iideystaan qorshayaasha caalamka uu wax uga qabanayo Soomaaliya.

10/12/2012 3:34 AM EST
Jimco, Oktoobar 12, 2012 (HOL) — Maamulka Gobolka Banaadir ayaa degmooyin ka tirsan Muqdisho ka billaabay howlo lagu tira-koobayo shacabka ku nool iyo guryaha, taasoo uu maamulku sheegay inay qayb ka yihiin howlo lagu sugay ammaanka guud ee caasimadda Soomaaliya.

10/12/2012 3:32 AM EST
Jimco, Oktoobar 12, 2012 (HOL) — Guddoomiyaha degmada Huriwaa ee gobolka Banaadir, Cumar Cabdulle Jacfaan ayaa sheegay inuu ka badbaadya weerarro la doonayay in lagu dilo, isagoo sheegay in gaarigiisa lagu weeraray laba bambaano oo kuwa gacanta ah xilli uu shalay gallinkii dambe marayay xaafadda Suuqa Xoolaha oo ka tirsan degmada Huriwaa.

10/12/2012 3:27 AM EST
Jimco, Oktoobar 12, 2012 (HOL) — Dowladda Federaalka Soomaaliya ayaa safiirro u magacowday dalalka Iiraan iyo Yemen, kuwaasoo warqadahoodii aqoonsigooda u gudbiyay madaxweynayaaasha labadaas dal, Maxamuud Axmedinajad iyo Cabdi-rabbu Mansuur Haaddi.