10/18/2019
Today from Hiiraan Online:  _
Wararka Maanta- Jimco, Oct 12, 2012
Dowladda Soomaaliya oo safiirro u magacowday safaaradaha Somalia ay ku leedahay dalalka Iiraan iyo Yemen


Jimco, Oktoobar 12, 2012 (HOL) — Dowladda Federaalka Soomaaliya ayaa safiirro u magacowday dalalka Iiraan iyo Yemen, kuwaasoo warqadahoodii aqoonsigooda u gudbiyay madaxweynayaaasha labadaas dal, Maxamuud Axmedinajad iyo Cabdi-rabbu Mansuur Haaddi.

Safiirka Soomaaliya ee Yemen, Jen. Ismaaciil Qaasim Naaji ayaa sheegay in uu si rasmi ah howshiisa u billaabay shalay oo Khamiis ahayd, uuna rajeynayo inuu wax weyn ka qabto qoxootiga Soomaalida ah ee kusoo qulqulaya dalka Yemen; dhanka kalena uu xoojinayo xiriirka u dhexeeya labada dal.

"Waxaan ka shaqeyn doonaan sidii Soomaalida ku nool dalka Yemen aan sharciyo ugu sameyn lahaa," ayuu yiri dajire Naaji oo sheegay in taasi ay tahay howsha ugu adag ee hortaalla isaga.

Dhanka kale, dajiraha Soomaaliya ee dalka Iiraan, Khaliif Kadiye Yaroow ayaa isna sheegay in laga guddoomay warqadihii aqoonsiga uuna madaxweynaha Iiraan u gudbiyay salaan uu kaga siday madaxweynaha cusub ee Soomaaliya, Xasan Sheekh Maxamuud.

"Howsheydu way billaabatay, waxaana ka shaqeyn doonaan sidii xiriirka Soomaaliya iyo Iiraan uu u noqon lahaa mid adag, labada dalna ay isku kaashan lahaayeen," ayuu yiri dajire Yaroow oo saxaafadda kula hadlay xarunta Iiraan ee Tehraan.

Dalka Yemen iyo Soomaaliya ayaa waxay leeyihiin xuduud badeed, waxaana sannad walba dalkaas tahriib ahaan ku galaya kumannaan Soomaali ah, kuwaasoo qaarkood dhibaatooyin loogu geysto gudaha dalka Yemen.

Balse Soomaaliya iyo Iiraan oo aad u kala fog ayaa waxaa ka dhexeeyay xiriir ku saleysan dhanka Islaamnimada, iyadoo dowladda Iiraan ay kaalin weyn ka qaadatay samatabixintii dadkii kusoo barakacay abaaraha sannadkii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/12/2012 6:02 PM EST
Jimco,, October 12, 2012(HOL): Magaalada Boosaaso oo leh mid kamid ah xeebaha ugu quruxda badan dalka, waxaa maalin walba u damaashaad taga boqolaal dhalinyaro ah iyo dad waaweyn oo intooda badani ay qurbe-joog yihiin.

10/12/2012 4:49 PM EST
Jimco, October,12, 2012 (HOL)- Madaxweynaha Somaliland Axmed Maxamed Maxamuud Siillaanyo, ayaa maanta saaladii jimcaha si kadis ah loogu arkay isagoo ku takanaya masaajid ku yaala magaaladda Gabiley ee gobolka Gabiley, kaas oo aan hore loo sii sheegin inuu madaxweynuhu imanayo magaaladda, balse lagu arkay uun markii uu masaajidka weyn ee magaaladda ku yaalla soo galay.

10/12/2012 2:45 PM EST
Qaraxyo daqiiqado ka hor gilgilay xaafada Islii (Eastleigh) ee Soomaalidu ka dagantahay magaalada Nairobi ayaa lagu soo warramayaa inay halkaas ka dhaceen.

10/12/2012 11:06 AM EST
Jimco, Oktoobar, 12, 2012 (HOL) – Waxaa soconaya wali gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, kuwaasoo waqtigan daruufo kala duwan oo dhinaca nolasha ah ay ku heystaan deegaannadii ay maciin bideen.

10/12/2012 11:01 AM EST
Jimco, October, 12, 2012 (HOL)- Ardayda jaamacadda Hargeysa iyo guddi samaysay urur lagu ururiyo dhaqanka iyo af soomaaliga oo loogu magacdaray Gaariye, ayaa xalay si wada jir ah u sameeyey xus loogu baroor diiqayo geeriddii ku timid abwaankii weynaa Maxamed Xaashi Dhamac Gaariye.

10/12/2012 10:37 AM EST
Jimco, Oktoobar, 12, 2012 (HOL) -- Kadib markii xalay qof doonayay in uu weerar Ismiidaamin ah ka geysto magaalada Baladweyne ay ku qarxeen waxyaabihii uu sitay ayeey sheegeen mas’uuliyiinta maamulka gobollka in ay xoojin doonaan amniga magaalada.

10/12/2012 3:56 AM EST
Jimco, Oktoobar 12, 2012 (HOL) — Madaxweynaha dowladda Soomaaliya, Xasan Sheekh Maxmauud ayaa sheegay in caalamku uu doonayo inuu wax ka qabto arrimaha dalka Soomaaliya, isagoo shacabka Soomaaliyeed ugu baaqay inay ka faa'iideystaan qorshayaasha caalamka uu wax uga qabanayo Soomaaliya.

10/12/2012 3:45 AM EST
Jimco, Oktoobar 12, 2012 (HOL) — Qaraxyo aan khasaare geysan ayaa xalay ka kala dhacay degmooyinka Baydhabo iyo Baladweyne ee gobollada Bay iyo Hiiraan, kuwaasoo la doonayay in lala bartilmaameedsado mas'uuliyiin ka tirsan maamullada gobolladaas ka jira.

10/12/2012 3:34 AM EST
Jimco, Oktoobar 12, 2012 (HOL) — Maamulka Gobolka Banaadir ayaa degmooyin ka tirsan Muqdisho ka billaabay howlo lagu tira-koobayo shacabka ku nool iyo guryaha, taasoo uu maamulku sheegay inay qayb ka yihiin howlo lagu sugay ammaanka guud ee caasimadda Soomaaliya.

10/12/2012 3:32 AM EST
Jimco, Oktoobar 12, 2012 (HOL) — Guddoomiyaha degmada Huriwaa ee gobolka Banaadir, Cumar Cabdulle Jacfaan ayaa sheegay inuu ka badbaadya weerarro la doonayay in lagu dilo, isagoo sheegay in gaarigiisa lagu weeraray laba bambaano oo kuwa gacanta ah xilli uu shalay gallinkii dambe marayay xaafadda Suuqa Xoolaha oo ka tirsan degmada Huriwaa.