3/29/2024
Today from Hiiraan Online:  _
Wararka Maanta- Talaado, Nov 27, 2012
Booliiska waddanka Kenya oo sheegay inay qabteen ruux ay uga shakiyeen inuu ka dambeeyay dilka Askar Kenya ah
Talaado, November 27, 2012 (HOL) — Booliiska Kenya ayaa sheegay inay qabteen ruuxa ay uga shakisan yihiin inuu ka dambeeyay dilkii saddex askari oo Kenyan ah toddobaadkii hore loogu geystay degmada Gaarisa ee gobolka Waqooyi-bari.

Madaxa waaxda baarista dambiyada ee (CID) Ngatia Iregi ayaa wariyeyaasha u sheegay in ruuxa ay qabteen ay shaki weyn ka qabaan, isagoo xusay inay wadaan baaritaanno ay ku xaqiijinayaan dambiga ay u qabteen.

Lama sheegin magaca qofka la qabtay, balse booliisku waxay sheegeen inay sidoo kale shaki ka qabaan in ruuxan uu xiriir dhow la leeyahay Al-shabaab, iyagoo xusay inay kasoo qabteen deegaan lagu magacaabo Hulugo oo ku dhow soohdinta labada dal u dhexeysa.

Askari ka badbaaday weerarka lagu dilay saddexda askari ee Kenyanka ah ayaa sheegay in ruuxa weerarka fuliyay uu ahaa Soomaali-Kenyan. Dilkan ayaa sababay rabshado dhibaatooyin kala duwan geystay oo ka dhacay magaalada Gaarisa.

Rabshadihii ka dhacay magaalada Gaarisa ayaa waxaa ku dhintay dad shacab ah, kuwo kalena oo fara badanna dhaawacyo ayaa kasoo gaaray, iyadoo sdioo kale uu ku gubtay suuqii weynaa ee degmada Gaarisa.

Xildhibaan Faarax Macallin oo laga soo doorto deegaanka Lagdheera iyo xildhibaan Aadan Barre Ducaale oo laga soo doorto deegaanka Dhuujis ee degmada Gaarisa ayaa waxay labadaba ku eedeeyeen milateriga Kenya inay adeegsadeen awood dheeraad ah oo ay ku dhibaateeyeen shacabka Gaarisa ku nool.

Madaxweynaha Kenya iyo Ra'iisul wasaarihiisa ayaa labaduna waxay amar ku bixiyeen in baaritaan lagu sameeyo rabshadhihii ka dhacay Gaarisa, iyagoo sidoo kale sheegay in magdhow la siin doono ganacsatadii ay alaabadu uga gubatay magaalada Gaarisa.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/27/2012 10:40 AM EST
Talaado, November 27, 2012 (HOL)- Hal qof ayaa ku dhintay laba kalena waa dhaawac ka dib markii ciidanka la socda sanaaduuqda degmadda Lughaya lageeyey ay rasaas ku fureen dadweyne ku soo ururay goobtii sanaduuqda ladhigay.

11/27/2012 9:30 AM EST
Talaado November 27, 2012 (HOL) Ra’iisul Wasaare ku Xigeenka ahna Wasiiradda Arimaha Dibedda ee Soomaaliya Marwo Fawsiya Yuussuf Xaaji Aadan ayaa magaalada Nayroobi kula kulantay Wasiirka Arimaha Dibedda Kenya Proff Samson Ongeri kaasi oo ay...

11/27/2012 8:38 AM EST
Talaado, November 27, 2012 (HOL) — Guddoomiyaha baarlamaanka Soomaaliya ahna ku simaha madaxweyanaha, Prof. Maxamed Cismaan Jawaari iyo ra'iisul wasaare, Cabdi Faarax Shir-doon (Saacid) ayaa maanta siyaabo kala duwan ula kulmay wafdi ka socday dalalka Yurub.

11/27/2012 7:29 AM EST
Talaado, November 27, 2012 (HOL) — Rag bastoolado ku hubeysan ayaa goor dhaw bartamaha magaalada Baladweyne ku toogtay guddoomiyihii gollaha odayaasha dhaqanka gobollka Hiiraan nabadoon Max’ed Shiikh Xusseen Maryacade.

11/27/2012 7:15 AM EST
Talaado, November 27, 2012 (HOL) — Ciidamada ammaanka dowladda Soomaaliya ayaa maanta ku guuleysatay inay toddoba isbaaro ka qaadaan degmooyin ka tirsan gobolka Banaadir, iyadoo sidoo kalena ay ciidamadu qabteen kooxihii isbaarooyinka ay u yaalleen degmooyinkaas iyo dabley kale.

11/27/2012 6:46 AM EST
Talaado, November 27, 2012 (HOL) — Afhayeenka ciidamada AMISOM, Col. Cali Aadan Xumud ayaa sheegay in ciidamada dalka Itoobiya ee ku sugan Baladweyne ay dib ugu laaban doonaan xuduudda ay Soomaaliya iyo Kenya wadaan markii ay ciidamada Jabuuti kala wareegaan howgalka.

11/27/2012 6:46 AM EST
Talaado, November 27, 2012 (HOL) — Tababar socon doona muddo lix maalmood ah oo sare loogu qaadayo aqoonta Injineerrada,Shaqaalaha Maamulka Mashaariicda (Procurment), iyo Shaqaalaha waaxyaha Hawlaha Guud iyo Qorshaynta degmooyinka gobolka Banaadir ayaa ka furmay maanta oo Talaado ah magaalada Muqdisho, waxaana tababarkan fulinaysa hay'adda shaqaalaha aduunka ee ILO.

11/27/2012 6:02 AM EST
Talaado, November 27, 2012 (HOL) — Horyaalkii 13-aad Kubadda Gacanta ayaa ka furmay garoonka 1da Luulyo (Ex-Lugino) ee Magaalada Muqdisho. Iyadoo ay kasoo qeyb-galeen furitaanka tartarkan mas`uuliyiin ka socotay wasaaradda Isboortiga, maamulka gobolka Banaadir, GOS iyo madaxda xiriirrada kala duwan.

11/27/2012 5:49 AM EST
Talaado, November 27, 2012 (HOL) — Wefti u hogaaminay gudoomiye ku xigeenka 1aad ee urur siyaasadeedka XAQSOOR oo xalay maleeshiyo ka tirsan Khaatumo State ku afduubteen meel u dhow degmada xudun ee gobolka Sool, ayaa saacado ka dib xoriyadoodii dib loogu soo celiyey.

11/27/2012 3:23 AM EST
Talaado, November 27, 2012 (HOL) —Ciidamada dowladda Soomaaliya oo kaashanaya kuwa Raaskaamboni ayaa ka wada xaafadaha magaalada Kismaayo howlgallo baaritaanno ah, iyadoona howlgalladaasi lagu qabqabtay dad fara badan.

11/27/2012 12:45 AM EST
Talaado, November 27, 2012 (HOL) — Dowladda Uganda oo horraantii bishan ku goodisay inay ciidamadeeda Soomaaliya ku sugan kala baxayso haddii aan laga laaban eedeyn uu u soo jeediyay golaha ammaanka ee Qaramada Midoobay oo ah inay taageeraan jabahad ka dagalaanta dalka DR Congo ayaa sheegtay inay 2,000 oo askari oo dheeraad ah ay ku xoojinayso howgalka AMISOM ee Soomaaliya.