3/29/2024
Today from Hiiraan Online:  _
Wararka Maanta- Talaado, Nov 20, 2012
Tababarka loo soo xiray saraakiisha iyo ciidamada maamulka gobollka Hiiraan oo lagu tilmaamay in uu ahaa mid casri ah

Talaado, November 20, 2012 (HOL) — Inkastoo tababarka loo soo xiray saraakiisha iyo ciidamada maamulka gobollka Hiiraan uu socday mudo gaaban, ayeey haddana saraakiisha ciidamada AMISOM sheegeen in uu ahaa mid casri ah oo ka faa’ideen intii ka qeyb-qaadatay.

Waxyaabaha ugu muhiimsan oo ay taabteen saraakiisha AMISOM in tababarkan laga faa'iday waxaa ka mid ahaa habka hogaaminta, sida isgaarsiinta casriga ah loo isticmaalo, baarista miinada, wadista gadiidka qufulan ee militarigu isticmaalo, iyo waliba anshaxa guud ee laga doonayo qofka ciidamada ka tirsan.

Siweyn ayaa looga dareemayay saraakiisha iyo ciidamada tababarka u soo dhamaaday aqoontii ay korarsadeen, waxaana ay soo bandhigeen dhuula tus la xiriira wax yaabihii ay barteen, iyaga oo la arkayay qaarkood oo gadiidka qufulan ee militarigu isticmaalo kaxeynaya, kuwo sameynaya miino baaris, iyaga oo ku wada hadllaya isgaarsiinta casriga ah ee la isticmaalo waqtiyada ay dagaaladu socdaan, iyo waliba kuwa kale oo ku shaqeynayay Computer-ka oo ka mid ahaa xirfadihii la baray ciidamada.

"Waxaa uu ahaa tababar casri ah oo waliba aan oran karo waxaa uu la mid ahaa kuwa lagu qaato dalka dibadiisa, sidaa daraadeed waa wax lagu farxo in maanta ciidamada gobollka Hiiraan ku qaadanayaan tababar noocaas ah gobollka gudihiisa ayuu yiri," Jen Cismaan Subagle oo ka mid ah saraakiisha sare sare ee ciidamada Jabuuti ee ku sugan Soomaaliya.


Saraakiisha iyo ciidamada tababarka ka faa’ideystay oo qaarkood la hadllay HOL waxaa ay sheegeen in waqtigan ay dareemayaan isku filnaasho iyo waliba in yihiin ciidamo dhameystirin marka la eego dhinac kasta.

Guddoomiyaha maamulka gobollka Hiiraan C/fitaax Xassan Afrax oo la hadllay saraakiisha iyo ciidamada tababarka la siiyay waxaa uu sheegay in looga fadhiyo ciidamada wixii ay barteen in ay uga faa’ideeyaan nabad-galyada gobollka, madaama sababta loo tababar tahay in ay wax ka qabtaan arrimaha la xiriira amaanka.

Saraakiisha iyo ciidamada loo soo xiray tababarka ayaa hadda looga fadhiyaan in ay wax ka qabtaan nabad-galyada gudaha, mar haddii ay soo qaateen tababar dhinacyada badan taabanaya.



C/raxmaan Diini, Hiiraan Online
[email protected]
Baladweyne, Soomaaliya











Click here
11/20/2012 9:28 AM EST
Talaado, November 20, 2012 (HOL) —Kulan ballaaran oo looga hadlayay sidii loo xallin lahaa rabshadaha kasoo cusboonaaday xaafadda Islii ee u dhexeeya Soomalida Islii ku dhaqan iyo kooxo dhalinyaro ah oo ka yimid xaafadda Madari islamarkaasina ka careysnaa qaraxii ay dadka badan ku dhinteen ee gudaha xaafadda Islii lagula eegtay gaari Bas ah.

11/20/2012 9:06 AM EST
Talaado, November 20, 2012 (HOL) — Madaxweynaha Soomaaliya, Mudane Xasan Sheekh Maxamuud ayaa maanta xafiiskiisa ku qaabilay wafdi ballaaran oo ka socday laamaha kala duwan ee Qaramada Midoobay.

11/20/2012 8:48 AM EST
Talaado, November 20, 2012 (HOL) — Ugu yaraan 15-qof ayaa ku dhaawacmay rasaas ay milateriga Kenya ku fureen maanta dad shacab ah oo isugu soo ururay bartamaha magaalada Gaarisa ee gobolka Waqooyi-bari-Kenya, halkaasoo tan iyo shalay ay ka socdeen rabshado ka dhashay saddex askari oo la dilay.

11/20/2012 8:25 AM EST
Talaado, November 20, 2012 (HOL) — Wasiirka difaaca Soomaaliya, Cabdixakiin Maxamuud Xaaji Fiqi oo ka hadlayay waxyaabaha ay qaban doonto wasaaraddiisa ayaa sheegay inay ku wajahan yihiin degmada Jowhar ee gobolka Shabeellada dhexe oo ay ka taliso Al-shabaab.

11/20/2012 7:16 AM EST
Talaado, November 20, 2012 (HOL)-Magaalada Gaalkacayo ee xarunta gobolka Mudug waxaa xalay lagu diley Nabad-doon si weyn loo yaqaaney , laguna magacaabi jirey Aadan Faarax Dheere. Rag Baaskoolado ku hubeysnaa oo aan haybtooda la aqoonsan ayaa la sheegay in ay toogteen.

11/20/2012 2:44 AM EST
Talaado, November 20, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerar bambaano oo Axaddii lagu qaaday gaari kuwa rakaabka qaada ah oo marayay bartamaha Nairobi, weerarkaas oo ay ku dhinteen sagaal qof ayna ku dhaawacmeen in ka badan 30-qof oo kale.

11/20/2012 2:43 AM EST
Talaado, November 20, 2012 (HOL) — Beesha Cali Yacquub ee Abgaal ayaa ku caleemo saaratay Muqdisho nabaddoon kaddib kulan ay qaybgaleen waxgarad, culimaawidiin, siyaasiiyiin iyo oo shalay oo Isniin ahayd lagu qabtay magaalada Muqdisho ee xarunta Soomaaliya.

11/20/2012 2:29 AM EST
Talaado, November 20, 2012 (HOL) —Ciidamada ammaanka Kenya ayaa howgallo ay shalay ilaa xalay ka fuliyeen magaalada Garissa ku qabqabtay boqollaal qof oo reer Garissa ah, kadib markii shalay sedex askari lagu dilay magaaladaasi.

11/20/2012 1:31 AM EST
Talaado, November 20, 2012 (HOL) —Waxaa saaka xaalad deganaan ah laga dareemayaa xaafadda Islii oo labadii maalmood ee ugu danbeeyay ay ka jireen rabashado u dhexeeyay Soomaalida degan xaafadda iyo dad ka careysan qaraxii ay dadka badan ku dhinteen ee ka Dhacay Isllii.