3/28/2024
Today from Hiiraan Online:  _
Wararka Maanta- Talaado, Nov 20, 2012
Madaxweynaha Soomaaliya oo Cambaareeyay Qaraxii ay ku dhinteen dadka rayidka ah ee ka dhacay Nairobi
Talaado, November 20, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerar bambaano oo Axaddii lagu qaaday gaari kuwa rakaabka qaada ah oo marayay bartamaha Nairobi, weerarkaas oo ay ku dhinteen sagaal qof ayna ku dhaawacmeen in ka badan 30-qof oo kale.

Xasan Sheekh ayaa tacsi u diray ehellada iyo qoysaskii ay ka geeriyoodeen dadkii ku dhintay weerarkaas, isagoo sidoo kalena caafimaad u bayay intii uu dhaawaca kasoo gaaray.

"Argagaxisadu waa dhaqdhaqaaq inta badan ku kaca falal ay ku dhibaateynayaan dadka shacabka ah ee aan waxba galabsan," ayuu yiri ayuu yiri madaxweyne Xasan Sheekh oo sheegay in falkii ka dhacay Nairobi uu ahaa mid aad looga xumaado.

Madxweynuhu wuxuu hadalkiisa ku daray in ciidamada Kenya ee ku sugan gudaha Soomaaliya ay naftooda ku bixinayaan sidii ay u soo celin lahaayeen nabadda iyo ammaanka Soomaaliya, isagoo sheegay in falalka argagaxiso ee noocan oo kale ah aysan xagal-daacin doonin howsha ay ciidamadaas ka hayaan Soomaaliya iyo sidoo kale xiriirka labada xukuumadood u dhexeeya.

Sidoo kale, madaxweynaha Soomaaliya wuxuu hoosta ka xariiqay in xukuumadda iyo shacabka Soomaaliyeed ay tusayaan kalsooni adag walaalahooda Kenya xilligan ay ku jiraan murugada Qaran.

Ugu dambeyn madaxweynuhu wuxuu hadalkiisa kusoo afjaray: "Dhab ahaantii, falkan argagaxiso ma ahan mid dib u dhigaya dadaalka ay ku jiraan shacabka dalka Kenya iyo dowladdooda."

Ma jirto cid sheegatay inay mas'uul ka tahay weerarka lagu dilay dadka shacabka ah ee la socday gaariga rakaabka qaada, waxaase saraakiisha Kenya ay falkan ku eedeeyeen Xarakada Al-shabaab ee ka dagaalanta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/20/2012 9:28 AM EST
Talaado, November 20, 2012 (HOL) —Kulan ballaaran oo looga hadlayay sidii loo xallin lahaa rabshadaha kasoo cusboonaaday xaafadda Islii ee u dhexeeya Soomalida Islii ku dhaqan iyo kooxo dhalinyaro ah oo ka yimid xaafadda Madari islamarkaasina ka careysnaa qaraxii ay dadka badan ku dhinteen ee gudaha xaafadda Islii lagula eegtay gaari Bas ah.

11/20/2012 9:06 AM EST
Talaado, November 20, 2012 (HOL) — Madaxweynaha Soomaaliya, Mudane Xasan Sheekh Maxamuud ayaa maanta xafiiskiisa ku qaabilay wafdi ballaaran oo ka socday laamaha kala duwan ee Qaramada Midoobay.

11/20/2012 8:48 AM EST
Talaado, November 20, 2012 (HOL) — Ugu yaraan 15-qof ayaa ku dhaawacmay rasaas ay milateriga Kenya ku fureen maanta dad shacab ah oo isugu soo ururay bartamaha magaalada Gaarisa ee gobolka Waqooyi-bari-Kenya, halkaasoo tan iyo shalay ay ka socdeen rabshado ka dhashay saddex askari oo la dilay.

11/20/2012 8:25 AM EST
Talaado, November 20, 2012 (HOL) — Wasiirka difaaca Soomaaliya, Cabdixakiin Maxamuud Xaaji Fiqi oo ka hadlayay waxyaabaha ay qaban doonto wasaaraddiisa ayaa sheegay inay ku wajahan yihiin degmada Jowhar ee gobolka Shabeellada dhexe oo ay ka taliso Al-shabaab.

11/20/2012 8:02 AM EST
Talaado, November 20, 2012 (HOL) — Inkastoo tababarka loo soo xiray saraakiisha iyo ciidamada maamulka gobollka Hiiraan uu socday mudo gaaban, ayeey haddana saraakiisha ciidamada AMISOM sheegeen in uu ahaa mid casri ah oo ka faa’ideen intii ka qeyb-qaadatay.

11/20/2012 7:16 AM EST
Talaado, November 20, 2012 (HOL)-Magaalada Gaalkacayo ee xarunta gobolka Mudug waxaa xalay lagu diley Nabad-doon si weyn loo yaqaaney , laguna magacaabi jirey Aadan Faarax Dheere. Rag Baaskoolado ku hubeysnaa oo aan haybtooda la aqoonsan ayaa la sheegay in ay toogteen.

11/20/2012 2:43 AM EST
Talaado, November 20, 2012 (HOL) — Beesha Cali Yacquub ee Abgaal ayaa ku caleemo saaratay Muqdisho nabaddoon kaddib kulan ay qaybgaleen waxgarad, culimaawidiin, siyaasiiyiin iyo oo shalay oo Isniin ahayd lagu qabtay magaalada Muqdisho ee xarunta Soomaaliya.

11/20/2012 2:29 AM EST
Talaado, November 20, 2012 (HOL) —Ciidamada ammaanka Kenya ayaa howgallo ay shalay ilaa xalay ka fuliyeen magaalada Garissa ku qabqabtay boqollaal qof oo reer Garissa ah, kadib markii shalay sedex askari lagu dilay magaaladaasi.

11/20/2012 1:31 AM EST
Talaado, November 20, 2012 (HOL) —Waxaa saaka xaalad deganaan ah laga dareemayaa xaafadda Islii oo labadii maalmood ee ugu danbeeyay ay ka jireen rabashado u dhexeeyay Soomaalida degan xaafadda iyo dad ka careysan qaraxii ay dadka badan ku dhinteen ee ka Dhacay Isllii.