3/28/2024
Today from Hiiraan Online:  _
Wararka Maanta- Isniin, Nov 2 , 2012
Saraakiisha Booliiska AMISOM oo saraakiil ka tirsan booliiska Somalia siinaya tababar ku Aaddan Baarista Dambiyada
Jimco, November 02, 2012 (HOL) — Saraakiisha booliiska AMISOM ayaa waxay ka wadaan Muqdisho tababarro ay siinayaan saraakiisha booliiska Soomaailya, kuwaas oo ku saabsan habka baarista dambiyada, waxaana tababarradan oo billowday bishii Oktoobar ee lasoo dhaafay iyagoo socon doona illaa bisha December ee sannadkan.

Afhayeenka booliiska Soomaaliya, Jen. Cabdullaahi Xasan Bariise oo tababarradan ka hadlay ayaa sheegay inay yihiin kuwo lagu xoojinayo ciidamada booliiska; gaar ahana baarista dambiyada, isagoo sheegay in booliisku ay howshiisu tahay sidii uu u heli sababtii kalliftay dambi dhacay.

"Booliiska in la baro xirfadaha asaasiga u ah baarista dambiyada dhaca waa arrin aad muhiim u ah; sababtoo ah waxay ka caawinaysaa in sidii ay uga shaqeyn lahaayeen goobo ay dambiyadu ku badan yihiin ayna la dagaalamaan dambiyada," ayuu yiri Jen. C/llaahi Bariise.

Tababarradan ayaa waxaa la siinayaa saraakiil isugu jira rag iyo dumar iyadoo uu socdo wajigii labaad ee tababarka, waxaana wajigan xigi doono laba waji oo kale oo la qabanayo labada bilood ee sannadkan ka harsan.

Saraakiishan tababarrada qaadanaya ayaa la sheegay inay ka howgalayaan 16-ka degmo ee gobolka Banaadir, halkaasoo ay ka howgalaan sidoo kale ciidammo ka tirsan booliiska AMISOM oo la dagaalanka dambiyada ka caawinaya booliiska Soomaaliya.

Ugu dambeyn, madaxa booliiska AMISOM Jen. Mokono ayaa isaguna sheegay in tallaabadan tababarrada ay ku bixinayaan ay tahay sidii ay u xoojin lahaayeen awoodda howleed ee booliiska Soomaaliya, isagoo sheegay in tani ay qayb ka tahay howlaha ay AMISOM u joogto Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/2/2012 4:12 AM EST
Jimco, November 02, 2012 (HOL) — Taliyaha ciidamada booliiska gobolka banaadir, Col. Axmed Xasan Maalin ayaa sheegay in ciidamada ammaanka ay u suuro-gashay inay gacanta ku dhigaan xalay koox qorsheynayay inay weeraraan garoonka diyaaradaha ee Muqdisho.

11/2/2012 4:11 AM EST
Jimco, November 02, 2012 (HOL) — Ururka Ahlusunna Waljamaaca ayaa ugu baaqay madaxda dowladda Soomaaliya inay soo dhisayaan xukuumad dalka wax ka qaban karta, isagoo shacabka ugu baaqay inay taageeraan dowladda Soomaaliya.

11/2/2012 4:10 AM EST
Jimco, November 02, 2012 (HOL) — Ergayga xoghayaha guud ee Qaramada Midoobayh u qaabilsan arrimaha Soomaaliya, dajire Augustine Mahiga oo shir jaraa'id ku qabtay Muqdisho ayaa ka hadlay howgallada ciidamada AMISOM iyo dhismaha xukuumadda Soomaaliya.

11/2/2012 4:10 AM EST
Jimco, November 02, 2012 (HOL) — Hay'ado ka tirsan kuwa Qarammada Midoobay oo ku shiray magaalada Dhoobley ee gobolka Jubbada Hoose ayaa sheegay inay ka bilaabayaan howlahooda gargaarka magaalada Kismaayo ee gobolka Jubbada Hoose oo ay bishii lasoo dhaafay la wareegeen ciidamada dowladda Soomaaliya oo garab ka helaya ciidamada Kenya ee qaybta ka ah howgalka AMISOM.

11/2/2012 4:08 AM EST
Jimco, November 02, 2012 (HOL) — Xisbiga UDUB oo hore u qaadacay doorashadda golaha deegaanka ee Somaliland, ayaa sheegay in musharaxi madaxweyne iyo madaxweyne kuxigeen ee xisbigoodda ku biiray urur siyaasadeedka Wadani aanay matalin xisbigooda, isla markaana aanay ka tanaasulin go’aankooddii ahaa inay ka soo horjeedaan qaabkii loola dhaqmay ee ay kaga hadheen doorashadda golaha deegaanka.