3/28/2024
Today from Hiiraan Online:  _
Wararka Maanta- Axad, Nov 18, 2012
Qarax ay Todobo Qof ku Dhinteen oo ka Dhacay Xaafadda Eastleigh (Islii) ee Magaalada Nairobi
Axad, November 18, 2012 (HOL) — Todobo qof oo rakaab ay ayaa ku dhimatay kadib markii gaari nooca Rakaabka qaado uu ku qarxay meel u dhow Kaniisad ku taal xaafadda Islii gaar ahaan nawaaxiga waaxda loo yaqaan Section One.

Qaraxa oo aan ilaa imika la garanayn waxa sababay ayaa waxa uu ka dhexdhacay gudaha gaariga, waxaana halkaasi kudhintay dhamaan rakaabkii gaariga saarnaa.

“Gaari Matatu ah oo rakaab waday ayaa qarxay isagoo hormaraya kaniisadda dadkii saarnaa oo dhanna way ku dhinteen,” sidaa waxa yiri goobjooge ka ag dhawaa goobta uu qaraxa ka dhacay oo HOL u waramay.

Warar aan la xaqiijin ayaa sheegaya in ruux baxsaday uu walxaha qarxa kutuuray gaariga, halka warar kalena ay sheegayaan in uu is qarxiyay ruux saarnaa gaariga.

Ilaa imika ma cadda waxa sababay qaraxa, mana jiraan masuuliyiin katirsan booliska magaalada Nairobi oo ka hadlay.

XaafaddaIslii ayaa waxa imika lagu soo daadiyay ciidamo aad u tiro badan oo kuwa Militariga ah, waxaana wadooyinka xaafadda lagu arkayaa gaadiid ciidan iyo dadweeyne kala ordaya.

Ganacsiga xaafadda ayaa inta badan xiran, waxaana dadku ay raxan-raxan u taaganyihiin hareeraha wadooyinka.

Xasan Nuur, Hiiraan Online
[email protected]
Kismaayo, Soomaaliya











Click here
11/18/2012 6:53 AM EST
Axad, November 18, 2012 (HOL) — COL Cabaasi Ibraahim Gureey oo kamid ah saraakiisha hogaamisa ciidamada dowladda ee gobolka Gedo ayaa sheegay in shacabka Jubooyinka ay xaq u leeyihiin in ay iyaga soo dhistaan maamulkooda.

11/18/2012 5:21 AM EST
Axad, November 18, 2012 (HOL) — Afhayeenka Xarakada Al-shabaab, Sheekh Cali Maxamuud Raage (Sheekh Cali Dheere) ayaa ugu baaqay qurbo-joogta Soomaalida inay faraha kala baxaan siyaasadda dalka, isagoo uga digay inay dalalka reer galbeedku u adeegsadaan siyaasadda dalkooda.

11/18/2012 3:45 AM EST
Axad, November 18, 2012 (HOL) — Dhismaha garoon diyaraadeed Cusub ayaa ka bilowday degmada Ceelwaaq ee gobolka Gedo, iyadoona dhismaha garoonkani ay iska kaashanayaan maamulka gobolka Gedo iyo hay’adda cuntada Aduunka ee WFP.

11/18/2012 3:33 AM EST
Axad, November 18, 2012 (HOL) — Shirkadda isgaarsiinta Hormuud ayaa matoor dab-dhaliye ah ugu deeqday isbitaalka Masaarida ee magaalada Muqdisho, iyadoo maamulka isbitaalkaas uu soo dhaweeyay.

11/18/2012 3:19 AM EST
Axad, November 18, 2012 (HOL) — Ciidamada dowladda Soomaaliya oo gaadiidka dagaalka ayaa gaaray saakay oo Axad ah deegaanka Garsale oo ku dhow degmada Jowhar ee xarunta gobolka Shabeellada dhexe.

11/18/2012 3:18 AM EST
Axad, November 18, 2012 (HOL) — Dadweynaha ku nool degmada Gaarisa ee gobolka Waqooyi-bari Kenya ayaa ka cabanaya xaalado ammaan-darro oo kusoo kordhay degmadaas, kuwaasoo sababay in degmadaas lagu dilo dad badan oo ay ku jiraan saraakiil ka tisran booliiska Kenya.