3/29/2024
Today from Hiiraan Online:  _
Wararka Maanta- Axad, Nov 18, 2012
Afhayeenka Xarakada Al-shabaab oo Qurbo-joogta Soomaalida ugu baaqay inay faraha kala baxaan siyaasadda dalka

Axad, November 18, 2012 (HOL) — Afhayeenka Xarakada Al-shabaab, Sheekh Cali Maxamuud Raage (Sheekh Cali Dheere) ayaa ugu baaqay qurbo-joogta Soomaalida inay faraha kala baxaan siyaasadda dalka, isagoo uga digay inay dalalka reer galbeedku u adeegsadaan siyaasadda dalkooda.

Sheekh Cali Dheere, wuxuu sheegay in haddii aysan waxba ku tarayn muslimiinta ay ka nabad galaan, isagoo xusay in wararka loo sheegayo ee ku saabsan in Muqdisho ay nabad tahay aysan waxba ka jirin oo aysan ku kadsoomin.

"Muslimiinta oo dhan waa inay ka qaybqaataan jihaadka looga horjeedo gaalada ku sugan dalka, waxaana gaar ahaan qurb-joogta Soomaaliyeed leeyahay haddii aysan waxba u taranayn muslimiinta waa inay ka nabad-galaan," ayuu yiri afhayeenka Al-shabaab oo la hadlayay idaacad ku hadasha afkooda.

Sidoo kale, Sheekh Cali Dheere wuxuu sheegay in qurbo-joogta Soomaalida ah loo adeegsanayo inay dadka ka dhaadhiciyaan inay Muqdisho tahay meel nabad ah oo dib loogu laaban karo, isagoo sheegay inay uga digayaan in reer galbeedku ay u adeegsadaan baabi'inta dalkooda iyo dadkooda.

Afhayeenku wuxuu hadalkiisa ku daray in qarniga uu yahay qarnigii Muslimiinta ayna rajeynayaan in marka la gaaro sannadka 2020 ay isku xirmi doonaan kooxaha Islaamiyiinta ah ee ku ka sugan dalal badan oo Afrika ah, kuwaasoo ay ka mid yihiin Maali iyo Al-jeeriya.

"Qarnigan waa qarnigii Islaamka, marka la gaaro 2020 waxaa isku xirmi doona dagaal-yahannada islaamiyiinta ah ee ku sugan Maali, Aljeeriya, Soomaaliya iyo dalal kale oo Afrika ku yaalla," ayuu yiri Sheekh Cali Dheere.

Hadalka afhayeenka ayaa kusoo beegmaya xilli ciidamada dowladda iyo kuwa ka socda Midowga Afrika ee AMISOM ay Al-shabaab kala wareegeen degmooyin badan oo ay awood ku lahayd Al-shabaab sida magaalada Kismaayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/18/2012 9:39 AM EST
Axad, November 18, 2012 (HOL) — Lix qof oo rakaab ay ayaa ku dhimatay kadib markii gaari nooca Rakaabka qaado uu ku qarxay nawaaxiga Kaniisad ku taal xaafadda Islii gaar ahaan nawaaxiga waaxda Sec1.

11/18/2012 6:53 AM EST
Axad, November 18, 2012 (HOL) — COL Cabaasi Ibraahim Gureey oo kamid ah saraakiisha hogaamisa ciidamada dowladda ee gobolka Gedo ayaa sheegay in shacabka Jubooyinka ay xaq u leeyihiin in ay iyaga soo dhistaan maamulkooda.

11/18/2012 3:45 AM EST
Axad, November 18, 2012 (HOL) — Dhismaha garoon diyaraadeed Cusub ayaa ka bilowday degmada Ceelwaaq ee gobolka Gedo, iyadoona dhismaha garoonkani ay iska kaashanayaan maamulka gobolka Gedo iyo hay’adda cuntada Aduunka ee WFP.

11/18/2012 3:33 AM EST
Axad, November 18, 2012 (HOL) — Shirkadda isgaarsiinta Hormuud ayaa matoor dab-dhaliye ah ugu deeqday isbitaalka Masaarida ee magaalada Muqdisho, iyadoo maamulka isbitaalkaas uu soo dhaweeyay.

11/18/2012 3:19 AM EST
Axad, November 18, 2012 (HOL) — Ciidamada dowladda Soomaaliya oo gaadiidka dagaalka ayaa gaaray saakay oo Axad ah deegaanka Garsale oo ku dhow degmada Jowhar ee xarunta gobolka Shabeellada dhexe.

11/18/2012 3:18 AM EST
Axad, November 18, 2012 (HOL) — Dadweynaha ku nool degmada Gaarisa ee gobolka Waqooyi-bari Kenya ayaa ka cabanaya xaalado ammaan-darro oo kusoo kordhay degmadaas, kuwaasoo sababay in degmadaas lagu dilo dad badan oo ay ku jiraan saraakiil ka tisran booliiska Kenya.