9/20/2018
Today from Hiiraan Online:  _
Wararka Maanta- Axad, May 6 , 2012
U gurmo Abwaan Axmedey Cabdi Gaashaan oo Muqdisho ku xanuunsanaya



Isniin, May 07, 2012(HOL): Fanaanniin, aqoonyahanno iyo waxgarad ku nool magaalada Stockholm ee caasimadda Dalka Sweden ayaa gurmad intii karaankooda ah u sameeyay Abwaan Axmed Cabdi Gaashaan oo Muqdisho ku xanuunsanaya, isagoo qaba dhaawac ka soo gaaray qaraxii Tiyaatarka ee dhimashada iyo dhaawaca ka dhasheen.

Dadkani is-xilsaaray ayaa waxaa hormuud u ah Fannaanka Super Khaalid, Cabdulqaadir Akooko, Boss Caato iyo Gabdhaha kala ah Xamdi Jaamac, Alma Aadan iyo Muna Cawad, sidoo kalena waxaa kala qeybqaatay fanaaniin ay ka mid yihiin Cusmaan Amita, Daahir Indha-jaceyl, Keysar Cumar iyo kuwo kale.

Fanaaniintan iyo dadkan is-xilsaaray ayaa magaalada Stockholm waxay ku qabteen bandhig faneed ay ugu magac dareen midkiina taagta daran taageera, waxayna dhaqaalihii bandhig faneedkaas ka soo xarooday iyo dhaqaale kale oo laga soo uruuriyay dadka ku nool Stockholm ay ugu deeqeen Abwaan Axmedey Cabdi Gaashaan.


Al-Fannaan Super Khalid iyo Xamdi Jaamac oo la hadlay Hiiraan Online ayaa u sheegay in ay lacag gaareysa 2,160$ waa sida ka muuqata receipt  xawaaladda Dahabshiil ee lacagta laga dilay.

Tallaabada ay qaadeen Fanaaniinta iyo waxgaradka Stockholm oo kale ayay la gudboon tahay dadka Soomaaliyeed meel ay joogaanba in ay u gurmadaan Abwaan Axmedey Cabdi Gaashaan oo ah Abwaan Soomaaliyeed oo aan meelna uga bixin dalka Soomaaliya wixii dagaallo iyo dhibaato dhacayay.

Abwaanka ayaanan helin daryeel ay heleen in badan oo ka mid ah dadkii qaxaas ku dhaawacmay, kuwaasi oo qaarkood daweyn loogu qaaday dalka dibaddiisa, waxaana la isweydiin karaan su’aasha ah MUXUU GALABSADAYOO LOOGU GURMAN WAAYAY ABWAAN AXMEDEY CABDI GAASHAAN.


Abwaan Axmedey Cabdi Gaashaan waxaa uu sameeyay Ruwaayado Banaadiri ah oo caan baxay, kuwaasi oo ay ka mid yihiin Luul iyo Leyla, 15-kii Shumeey, Kibirkii beerta karfan saaray jaceylka iyo kuwo kale.

Haddaba qofkii doonaya in uu Abwaanka toos ula xiriiro Telefoonkan ayuu kala xiriiri karaa
00252615566031.










Salaad Iidow Xasan (Xiis), Hiiraan Online
[email protected]

 







Click here
5/6/2012 4:18 PM EST
Axad, May 06, 2012-Dalka Faransiiska ayaa markii ugu horreysay muddo 17 sano ah yeeshay madaxweyne ka socda Xisbiga Socialist Party ee dalkaas, kaasi oo lagu magacaabo Francois Hollande.

5/6/2012 1:10 PM EST
Axad,May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo),ayaa maanta xafiiskiisa ku qaabilay lix xubnood oo uu hogaaminayo u qaybsamaha arrimaha Soomaaliya ee Maraykanka Mr: Douglas Meurs ee safaaradda Nairobi ee dalka Kenya.

5/6/2012 1:08 PM EST
Axad, May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo), ayaa Digreeto Madaxweyne xilkii uu hayey kaga qaaday Gudoomiyihii Gobolka Salal, Mudane, Maxamed Muuse Bucul, waxaanu gudoomiye cusub u magacaabay gobolkaasi Nuur CIsmaan Guuleed.

5/6/2012 1:04 PM EST
Axad, May 06, 2012 (HOL): Wasiirka Qorsheynta iyo Xiriirka Caalamiga Cabdulahi Goodax Barre ayaa maanta xafiiskiisa ku qaabilay Stefano Porretti oo ah Wakiilka Wadamada ee WFP. Kulanka labada dhinac ayaa waxaa looga hadlayay arrimaha gargaarka iyo kuwa bini’aadanimo sidii wax looga qaban lahaa.

5/6/2012 6:58 AM EST
Axad, May 06, 2012 (HOL) — Taliyaha cusub ee ciidamada AMISOM, Jen. Andrew Gutti ayaa sheegay in howgallada ciidamada AMISOM lagu baahin doono gabi ahaan dalka Soomaaliya, isagoo xusay inay tegi doonaan demgooyinkii laga saaray Al-shabaab.

5/6/2012 6:47 AM EST
Axad, May 06, 2012 (HOL) — Booliiska dalka Zambia ayaa xiray safaaraddii ay ku lahayd Soomaaliya magaalada Lusaaka ee xarunta dalkaas Kaddib markii uu dagaal dhexmaray safiirkii Soomaaliya ee dalkaas iyo safiir cusub oo sheegay inuu xilkaas u magacabaay madaxweyne Sheekh Shariif Sheekh Axmed.

5/6/2012 6:28 AM EST
Axad, May 06, 2012 (HOL) — Magaalada Muqdisho ee xarunta Soomaaliya ayaa waxaa ka socda dhismayaal cusub, iyadoo weli ammaankeedu uu yahay mid aan wanaagsanayn, waxaase dadku iyo madaxda dowladdu ay rajo ka muujinayaan in ammaanku uu sidan ka wanaagsanaan doono.

5/6/2012 5:46 AM EST
Axad, May 06, 2012 (HOL) — Madaxweynaha Soomaaliya, Shariif Sheekh Axmed oo hadal dheer ka jeediyay kulankii furitaanka shirkii odayaasha-dhaqanka ee Muqdisho ka furmay ayaa sheegay inaanu dalka ku jiri karin KMG, isagoo xusay inaysan jirin duruuf kallifaysa in lagu sii jiro.

5/6/2012 2:55 AM EST
Axad, May 06, 2012 (HOL) — Hoggaamiyihii hore ee ururkii Xisbul Islaam, haddana ah sarkaal sare oo ka tirsan Al-shabaab, Sheekh Xasan Daahir Aweys ayaa hadal uu jeediyay ku sheegay in dowladda KMG ah ay tahay mid aan jirin, sidoo kalena wuxuu aad u dhaliilay dastuurka cusub ee la doonayo in la ansixiyo.

5/6/2012 2:54 AM EST
Axad, May 06, 2012 (HOL) — Urur-diimeedka Ahlusunna Waljameeca ayaa sheegay inaysan jirin cid uga qaybgalaysa shirka odayaasha-dhaqanka ee shalya Muqdisho ka furmay, kaasoo lagu soo xulayo ergooyinka ansixinaya dastuurka cusub ee dalka Soomaaliya uu yeelanayo mustaqbalka dhow.