3/28/2024
Today from Hiiraan Online:  _
Wararka Maanta- Axad, May 6 , 2012
Madaxweynaha Somaliland oo xilkii ka qaaday gudoomiyihii gobolka Selel, mid cusubna u magacaabay

Axad, May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo), ayaa Digreeto Madaxweyne xilkii uu hayey kaga qaaday Gudoomiyihii Gobolka Salal, Mudane, Maxamed Muuse Bucul, waxaanu gudoomiye cusub u magacaabay gobolkaasi Nuur CIsmaan Guuleed.

Waxaana sidaas lagu sheegay war-saxaafadeed ka soo baxay xafiiska Madaxtooyadda Somaliland oo uu ku saxeexan yahay Afhayeenka madaxtooyadda Somaliland, Cabdilaahi Maxamed Daahir Cukuse.

Dhinaca kale, Madaxweynaha Somaliland, Mudane, Axmed Maxamed Maxamuud (Siilaanyo) waxa uu xeer madaxweyne ku magacaabay wakiilada Somaliland u fadhiyi doona dalalka Ingiriiska,  Canada, Norway, France, Sweden, Kenya iyo Danjiraha Wareega ee Somaliland.

“1. Cali Aadan Cawaale, Wakiilka Somaliland u fadhiya dalka Ingiriiska (United Kingdom), 2.  Marwo, Luula A. J. Ismaan, Wakiilka Somaliland ee Canada. 3.  Sulub Warsame Xuseen, Wakiilka Somaliland ee Norway. 4. Cali Ismaaciil Xasan, Wakiilka Somaliland ee  France.

5.  Marwo, Rooda Jaamac Cilmi, Wakiilka Somaliland ee dalka Sweden, 6. Maxamuud Cabdilaahi Jaamac (Sifir), Wakiilka Somaliland ee dalka Kenya.7. Kaysar Cabdilaahi Maxamed, Wakiilka Wareega ee Somaliland (Ambassador At Large)”ayaa lagu yidhi war-saxafadeedkaasi.

Barkhad-Ladiif M. Cumar
[email protected]
Hargeysa, Somaliland


 













Click here
5/6/2012 9:03 PM EST
Isniin, May 07, 2012(HOL): Fanaanniin, aqoonyahanno iyo waxgarad ku nool magaalada Stockholm ee caasimadda Dalka Sweden ayaa gurmad intii karaankooda ah u sameeyay Abwaan Axmed Cabdi Gaashaan oo Muqdisho ku xanuunsanaya, isagoo qaba dhaawac ka soo gaaray qaraxii Tiyaatarka ee dhimashada iyo dhaawaca ka dhasheen.

5/6/2012 4:18 PM EST
Axad, May 06, 2012-Dalka Faransiiska ayaa markii ugu horreysay muddo 17 sano ah yeeshay madaxweyne ka socda Xisbiga Socialist Party ee dalkaas, kaasi oo lagu magacaabo Francois Hollande.

5/6/2012 1:10 PM EST
Axad,May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo),ayaa maanta xafiiskiisa ku qaabilay lix xubnood oo uu hogaaminayo u qaybsamaha arrimaha Soomaaliya ee Maraykanka Mr: Douglas Meurs ee safaaradda Nairobi ee dalka Kenya.

5/6/2012 1:04 PM EST
Axad, May 06, 2012 (HOL): Wasiirka Qorsheynta iyo Xiriirka Caalamiga Cabdulahi Goodax Barre ayaa maanta xafiiskiisa ku qaabilay Stefano Porretti oo ah Wakiilka Wadamada ee WFP. Kulanka labada dhinac ayaa waxaa looga hadlayay arrimaha gargaarka iyo kuwa bini’aadanimo sidii wax looga qaban lahaa.

5/6/2012 6:58 AM EST
Axad, May 06, 2012 (HOL) — Taliyaha cusub ee ciidamada AMISOM, Jen. Andrew Gutti ayaa sheegay in howgallada ciidamada AMISOM lagu baahin doono gabi ahaan dalka Soomaaliya, isagoo xusay inay tegi doonaan demgooyinkii laga saaray Al-shabaab.

5/6/2012 6:47 AM EST
Axad, May 06, 2012 (HOL) — Booliiska dalka Zambia ayaa xiray safaaraddii ay ku lahayd Soomaaliya magaalada Lusaaka ee xarunta dalkaas Kaddib markii uu dagaal dhexmaray safiirkii Soomaaliya ee dalkaas iyo safiir cusub oo sheegay inuu xilkaas u magacabaay madaxweyne Sheekh Shariif Sheekh Axmed.

5/6/2012 6:28 AM EST
Axad, May 06, 2012 (HOL) — Magaalada Muqdisho ee xarunta Soomaaliya ayaa waxaa ka socda dhismayaal cusub, iyadoo weli ammaankeedu uu yahay mid aan wanaagsanayn, waxaase dadku iyo madaxda dowladdu ay rajo ka muujinayaan in ammaanku uu sidan ka wanaagsanaan doono.

5/6/2012 5:46 AM EST
Axad, May 06, 2012 (HOL) — Madaxweynaha Soomaaliya, Shariif Sheekh Axmed oo hadal dheer ka jeediyay kulankii furitaanka shirkii odayaasha-dhaqanka ee Muqdisho ka furmay ayaa sheegay inaanu dalka ku jiri karin KMG, isagoo xusay inaysan jirin duruuf kallifaysa in lagu sii jiro.

5/6/2012 2:55 AM EST
Axad, May 06, 2012 (HOL) — Hoggaamiyihii hore ee ururkii Xisbul Islaam, haddana ah sarkaal sare oo ka tirsan Al-shabaab, Sheekh Xasan Daahir Aweys ayaa hadal uu jeediyay ku sheegay in dowladda KMG ah ay tahay mid aan jirin, sidoo kalena wuxuu aad u dhaliilay dastuurka cusub ee la doonayo in la ansixiyo.

5/6/2012 2:54 AM EST
Axad, May 06, 2012 (HOL) — Urur-diimeedka Ahlusunna Waljameeca ayaa sheegay inaysan jirin cid uga qaybgalaysa shirka odayaasha-dhaqanka ee shalya Muqdisho ka furmay, kaasoo lagu soo xulayo ergooyinka ansixinaya dastuurka cusub ee dalka Soomaaliya uu yeelanayo mustaqbalka dhow.