9/21/2018
Today from Hiiraan Online:  _
Wararka Maanta- Axad, May 6 , 2012
Safaaraddii Somalia ee dalka Zambiya oo la xiray kaddib markii uu dagaal dhexmaray dublamaasiyiin Soomaaliyeed


Axad, May 06, 2012 (HOL) — Booliiska dalka Zambia ayaa xiray safaaraddii ay ku lahayd Soomaaliya magaalada Lusaaka ee xarunta dalkaas Kaddib markii uu dagaal dhexmaray safiirkii Soomaaliya ee dalkaas iyo safiir cusub oo sheegay inuu xilkaas u magacabaay madaxweyne Sheekh Shariif Sheekh Axmed.

Wargeyska Indepedent Post oo kasoo baxa dalka Zamabi ayaa sheekadan qoray Jimcihii lasoo dhaafay, waxaana warbixinta lagu sheegay inuu dalkaas gaaray danjire cusub oo sheegay inuu u yimid halkaas inuu bedelo dajirihii hore, Shirwac Ibraahim, taasoo keentay in labadan dajire ay dhex-marto dood adag.

Ilo wareedyo booliiska ka tirsan ayaa xaqiijiyay khilaafka iyo isku dhaca labadan dajire soo dhexgalay, iyadoo labada safiir ay wataan caddeymo ay ku sheegayaan inay yihiin dublamaasiyiin.

"Saldhigga booliiska ayaa laga diiwaan-geliyay aroornimadii hore ee Jimcaha doodda u dhexeysa nin sheegay inuu yahay safiir uu soo magacaabay Sheekh Shariif iyo danjirihii hore ee Soomaaliya u joogay Zambia. Labadan diblamaasi waxay doodo ku dhexmareen xafiiska," ayaa lagu daabacay wargeyskan madaxa-bannaan.

Saraakiisha booliiska Zambia ayaa sheegay in markii ay tageen xafiiska ay arkeen labada danjire oo erayo kulul isku dhaafsanaya luuqadda Soomaaliga. Dajiraha cusub ayaa la sheegay inuu diiday inuu xafiiska ka baxo, isagoo sheeganaya inuu yahay safiir uu soo magacaabay madaxweynaha Soomaaliya uuna howshiisa ku jiro, taaso caro gelisay safiirkii hore, isagoo sheegay in dajiraha cusub uu yahay mid aan sharci ku imaan uuna aad uga yaabiyay.

Afhayeenadda booliiska Zaambiya Eliza Elizabeth Kanjela oo arrintan ka hadashay ayaa tiri: "Waxaan xaqiijin karaa in muranka safaaradda Soomaaliya ee Lusaaka aan u dirnay saldhigga booliiska Woodlands, waxaana arrintan gaarsiinaynaa madaxa xafiiska anshaxa ee wasaaradda arrimaha dibadda."

Mss. Kanjela waxay sheegtay in safaaradda la xiray, sidoo kale ilaalo xooggan laga hayo dhismaha ay ku taallo iyo kuwa ku dhow.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/6/2012 9:03 PM EST
Isniin, May 07, 2012(HOL): Fanaanniin, aqoonyahanno iyo waxgarad ku nool magaalada Stockholm ee caasimadda Dalka Sweden ayaa gurmad intii karaankooda ah u sameeyay Abwaan Axmed Cabdi Gaashaan oo Muqdisho ku xanuunsanaya, isagoo qaba dhaawac ka soo gaaray qaraxii Tiyaatarka ee dhimashada iyo dhaawaca ka dhasheen.

5/6/2012 4:18 PM EST
Axad, May 06, 2012-Dalka Faransiiska ayaa markii ugu horreysay muddo 17 sano ah yeeshay madaxweyne ka socda Xisbiga Socialist Party ee dalkaas, kaasi oo lagu magacaabo Francois Hollande.

5/6/2012 1:10 PM EST
Axad,May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo),ayaa maanta xafiiskiisa ku qaabilay lix xubnood oo uu hogaaminayo u qaybsamaha arrimaha Soomaaliya ee Maraykanka Mr: Douglas Meurs ee safaaradda Nairobi ee dalka Kenya.

5/6/2012 1:08 PM EST
Axad, May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo), ayaa Digreeto Madaxweyne xilkii uu hayey kaga qaaday Gudoomiyihii Gobolka Salal, Mudane, Maxamed Muuse Bucul, waxaanu gudoomiye cusub u magacaabay gobolkaasi Nuur CIsmaan Guuleed.

5/6/2012 1:04 PM EST
Axad, May 06, 2012 (HOL): Wasiirka Qorsheynta iyo Xiriirka Caalamiga Cabdulahi Goodax Barre ayaa maanta xafiiskiisa ku qaabilay Stefano Porretti oo ah Wakiilka Wadamada ee WFP. Kulanka labada dhinac ayaa waxaa looga hadlayay arrimaha gargaarka iyo kuwa bini’aadanimo sidii wax looga qaban lahaa.

5/6/2012 6:58 AM EST
Axad, May 06, 2012 (HOL) — Taliyaha cusub ee ciidamada AMISOM, Jen. Andrew Gutti ayaa sheegay in howgallada ciidamada AMISOM lagu baahin doono gabi ahaan dalka Soomaaliya, isagoo xusay inay tegi doonaan demgooyinkii laga saaray Al-shabaab.

5/6/2012 6:28 AM EST
Axad, May 06, 2012 (HOL) — Magaalada Muqdisho ee xarunta Soomaaliya ayaa waxaa ka socda dhismayaal cusub, iyadoo weli ammaankeedu uu yahay mid aan wanaagsanayn, waxaase dadku iyo madaxda dowladdu ay rajo ka muujinayaan in ammaanku uu sidan ka wanaagsanaan doono.

5/6/2012 5:46 AM EST
Axad, May 06, 2012 (HOL) — Madaxweynaha Soomaaliya, Shariif Sheekh Axmed oo hadal dheer ka jeediyay kulankii furitaanka shirkii odayaasha-dhaqanka ee Muqdisho ka furmay ayaa sheegay inaanu dalka ku jiri karin KMG, isagoo xusay inaysan jirin duruuf kallifaysa in lagu sii jiro.

5/6/2012 2:55 AM EST
Axad, May 06, 2012 (HOL) — Hoggaamiyihii hore ee ururkii Xisbul Islaam, haddana ah sarkaal sare oo ka tirsan Al-shabaab, Sheekh Xasan Daahir Aweys ayaa hadal uu jeediyay ku sheegay in dowladda KMG ah ay tahay mid aan jirin, sidoo kalena wuxuu aad u dhaliilay dastuurka cusub ee la doonayo in la ansixiyo.

5/6/2012 2:54 AM EST
Axad, May 06, 2012 (HOL) — Urur-diimeedka Ahlusunna Waljameeca ayaa sheegay inaysan jirin cid uga qaybgalaysa shirka odayaasha-dhaqanka ee shalya Muqdisho ka furmay, kaasoo lagu soo xulayo ergooyinka ansixinaya dastuurka cusub ee dalka Soomaaliya uu yeelanayo mustaqbalka dhow.