9/20/2018
Today from Hiiraan Online:  _
Wararka Maanta- Axad, May 6 , 2012
Guddoomiyaha golaha fulinta ee Ahlusunna oo sheegay in ururkoodu aysan cidna uga qaybgalayn shirka ka furmay Muqdisho


Axad, May 06, 2012 (HOL) — Urur-diimeedka Ahlusunna Waljameeca ayaa sheegay inaysan jirin cid uga qaybgalaysa shirka odayaasha-dhaqanka ee shalya Muqdisho ka furmay, kaasoo lagu soo xulayo ergooyinka ansixinaya dastuurka cusub ee dalka Soomaaliya uu yeelanayo mustaqbalka dhow.

Guddoomiyaha golaha fulinta ee Ahlusunna, Sheekh Cumar Cabdulqaadir Aadan oo hadlay isagoo ku sugan gobolka Galguduud ayaa sheegay inay u arkaan shirka arrin dhibaato ka imaan karto, wuxuuna intaas ku daray in qaar ka mid ah 135 oday qaar ka mid ah lagu keenay siyaasad.

"Ahlusunna ahaan cid nooga qaybgalaysa oo aan u dirnay shirka ma jirto, waxaan qorsheynaynaa inaan ergooyinkii nooga qaybgeli lahaa magacowno, dhawaanna aan gudbinno," ayuu yiri Sheekh Cumar.

Ururka Ahlusunna ayaa wuxuu ka mid yahay saxiixayaashii heshiiskii Roadmap-ka iyadoo shirka lagu ansixinayo dastuurka iyo kan lagu xulayo xildhibaannada cusub ee uu dalku yeelanayo ay qayb ka yihiin heshiiskii tubta nabadda.

Sheekh Cumar C/qaadir wuxuu sheegay in deegaannada ay ka taliso Ahlusunna ay yihiin kuwo ballaaran, aysanna jirin odayaal ka baxay oo shirka ka qaybgalya, balse dowladda KMG ah ayaa sheegtay in odayaashii gobollada dhexe ka imaan lahaa ay maanta oo Axad ah soo gaarayaan Muqdisho kuna biirayaan shirka odayaasha.

Odayaal-dhaqameedyada ka qaybgalaya shirka ayaa waxay ka kala yimaadeen gobollada dalka qaarkood, iyadoo sidoo kale ay jiraan gobollo aysan odayaal ka imaan, iyadoo sidoo kalena ay jiraan odayaal sheegay in loo diiday inay shirkaas ka qaybgalaan.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/6/2012 9:03 PM EST
Isniin, May 07, 2012(HOL): Fanaanniin, aqoonyahanno iyo waxgarad ku nool magaalada Stockholm ee caasimadda Dalka Sweden ayaa gurmad intii karaankooda ah u sameeyay Abwaan Axmed Cabdi Gaashaan oo Muqdisho ku xanuunsanaya, isagoo qaba dhaawac ka soo gaaray qaraxii Tiyaatarka ee dhimashada iyo dhaawaca ka dhasheen.

5/6/2012 4:18 PM EST
Axad, May 06, 2012-Dalka Faransiiska ayaa markii ugu horreysay muddo 17 sano ah yeeshay madaxweyne ka socda Xisbiga Socialist Party ee dalkaas, kaasi oo lagu magacaabo Francois Hollande.

5/6/2012 1:10 PM EST
Axad,May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo),ayaa maanta xafiiskiisa ku qaabilay lix xubnood oo uu hogaaminayo u qaybsamaha arrimaha Soomaaliya ee Maraykanka Mr: Douglas Meurs ee safaaradda Nairobi ee dalka Kenya.

5/6/2012 1:08 PM EST
Axad, May 06, 2012 (HOL)- Madaxweynaha Somaliland, Mudane, Axmed Maxamed Maxamuud (Siilaanyo), ayaa Digreeto Madaxweyne xilkii uu hayey kaga qaaday Gudoomiyihii Gobolka Salal, Mudane, Maxamed Muuse Bucul, waxaanu gudoomiye cusub u magacaabay gobolkaasi Nuur CIsmaan Guuleed.

5/6/2012 1:04 PM EST
Axad, May 06, 2012 (HOL): Wasiirka Qorsheynta iyo Xiriirka Caalamiga Cabdulahi Goodax Barre ayaa maanta xafiiskiisa ku qaabilay Stefano Porretti oo ah Wakiilka Wadamada ee WFP. Kulanka labada dhinac ayaa waxaa looga hadlayay arrimaha gargaarka iyo kuwa bini’aadanimo sidii wax looga qaban lahaa.

5/6/2012 6:58 AM EST
Axad, May 06, 2012 (HOL) — Taliyaha cusub ee ciidamada AMISOM, Jen. Andrew Gutti ayaa sheegay in howgallada ciidamada AMISOM lagu baahin doono gabi ahaan dalka Soomaaliya, isagoo xusay inay tegi doonaan demgooyinkii laga saaray Al-shabaab.

5/6/2012 6:47 AM EST
Axad, May 06, 2012 (HOL) — Booliiska dalka Zambia ayaa xiray safaaraddii ay ku lahayd Soomaaliya magaalada Lusaaka ee xarunta dalkaas Kaddib markii uu dagaal dhexmaray safiirkii Soomaaliya ee dalkaas iyo safiir cusub oo sheegay inuu xilkaas u magacabaay madaxweyne Sheekh Shariif Sheekh Axmed.

5/6/2012 6:28 AM EST
Axad, May 06, 2012 (HOL) — Magaalada Muqdisho ee xarunta Soomaaliya ayaa waxaa ka socda dhismayaal cusub, iyadoo weli ammaankeedu uu yahay mid aan wanaagsanayn, waxaase dadku iyo madaxda dowladdu ay rajo ka muujinayaan in ammaanku uu sidan ka wanaagsanaan doono.

5/6/2012 5:46 AM EST
Axad, May 06, 2012 (HOL) — Madaxweynaha Soomaaliya, Shariif Sheekh Axmed oo hadal dheer ka jeediyay kulankii furitaanka shirkii odayaasha-dhaqanka ee Muqdisho ka furmay ayaa sheegay inaanu dalka ku jiri karin KMG, isagoo xusay inaysan jirin duruuf kallifaysa in lagu sii jiro.

5/6/2012 2:55 AM EST
Axad, May 06, 2012 (HOL) — Hoggaamiyihii hore ee ururkii Xisbul Islaam, haddana ah sarkaal sare oo ka tirsan Al-shabaab, Sheekh Xasan Daahir Aweys ayaa hadal uu jeediyay ku sheegay in dowladda KMG ah ay tahay mid aan jirin, sidoo kalena wuxuu aad u dhaliilay dastuurka cusub ee la doonayo in la ansixiyo.