11/14/2018
Today from Hiiraan Online:  _
Wararka Maanta- Sabti, May 5 , 2012
Somaliland oo sheegtay in Waftigii Reer Jabuuti Isfahan la’aan looga celiyay xadka, lana dhameeyey khaladkii dhacay


Sabti, May 05, 2012 (HOL) — Xukuumadda Somaliland ayaa sheegtay sababta wefti ka socda Jabuuti looga celiyey xadka ay ahayd Isfahan la’aan weftiga iyo maamulka gobolka Selel, waxaanu sheegay in aanay xukuumadda Somaliland ka war hayn imaanshaha weftiga, taasina ay keentay in laga horjoogsaddo inay gudaha xadka usoo gudbaan.

Wasiirka Arrimaha Dibadda Somaliland, Dr:Maxamed Cabdilaahi Cumar oo warbaahinta la hadlayey ayaa sheegay in arrintaasi ay markii ay timid ka wada hadleen Jabuuti, isla markaana ay dhameeyeen Isfahan la’aantii timid, isagoo tilmaamay in marka weftiyo isku soo gudbayaan la iska war hayo si qolo waliba hawlaha ay doonayso loo fududeeyo.

"Dawladda Somaliland kama war hayn horana umaanan ogayn in masuuliyiin ka socota dawladda Jabuuti inay xadka ka soo talaabayaan,waxayna ahayd in marka masuuliyiin sarsare xadka ka soo talabayaan ay dawladu ogtahay"ayuu yidhi wasiirka Arrimaha dibadda Somaliland, waxaan intaas ku daray "arintaasi may ahayn arrin weyn waxay ahayd isfahan la’aan ka dhex dhacay masuuliyiinta gobolka Selel iyo dadka dhinaca jabuuti ka soo galay, waana arrin imika dhamaatay oo aanu ka wada hadalnay anaga iyo Jabuuti"ayuu raaciyey Dr:Cumar wasiirka Arrimaha dibadda Somalilnd.

Khamiistii toddobaadkii hore ayaa laba wefti oo ka socda Jabuuti laga joojiyey magaalo xuduudeedka Lawyo-Cado inay soo galaan, iyagoo doonayey inay usoo gudbaan dhinaca Somaliland gaar ahaan magaaladda Saylac oo ay ka wadeen mashaariic horumarineed, iyadoo labadda wefti ay laba wakhti oo kala duwan yimaadeen magaalo xaduudeedda lawyo-cado, waxaana la sheegayaa in amarkaasi uu bixiyey taliyaha qaybta gobolka Selel iyo Badhasaabka gobolkaasi, iyadoo wararku sheegayaan in lala socodsiiyey amarkaasi weftiga lagu celiyey wasiirka Arrimaha gudaha Somaliland iyo Taliyaha booliskaba.

Haseyeeshee, Wasiirka Arrimaha gudaha Somaliland Mr:Maxamed Nuur Caraale Duur ayaa shalay isna safar ugu anbabaxay dalka Jabuuti, iyadoo aan la sheegin sababta safarkaasi inay ku lug leedahay weftiga la celiyey iyo in kale, balse wasiirka Arrimaha dibadda Somaliland ayaa sheegay in aanay shaqo ku lahayn safarkaasi uu wasiirka Arrimaha gudaha somaliland ku jooga Jabuuti, safarkaasina ay horeba ugu qorshaysnayd inuu ku tago Jabuuti.

Jabuuti ayaan iyana ilaa hadda ka hadal labadaasi wefti ee xadka laga celiyey, iyadoo wefti xildhibaano, gudoomiye ku xigeenka 1aad ee Xisbi xakinka KULMIYE iyo wasiirro Somaliland ahiba ku sugan yihiin dalka Jabuuti oo hawlo kala duwan u jooga dalkaasi.

Barkhad-Ladiif M. Cumar
[email protected]
Hargeysa, Somaliland







Click here
5/5/2012 3:31 PM EST
Sabti, May 05, 2012(HOL): Shirkii Odayaasha Dhaqanka Soomaaliyeed ee aayo-ka-talinta dalka Soomaaliya ayaa maanta ka furay xarunta dugsiga sare ee booliska ee magaalada Muqdisho.

5/5/2012 1:47 PM EST
Waxaa maanta si rasmi ah loo soo saaray magacyada odayaal dhaqameedka soo xulidoona xubnaha ansixindoonta Dastuurka Soomaaliyeed.

5/5/2012 9:34 AM EST
Sabti, May 05, 2012 (HOL) — Madaxda DKMG ah ee Soomaaliya ayaa ku sugan dugsiga tababarka booliiska oo ay ka socdaan khudbadihii furitaanka shirkaas oo ay 135 oday dhaqameed oo beelaha Soomaalida ka socda ay ku xulayaan ergooyinkii ansixin lahaa dastuurka cusub ee Soomaaliya.

5/5/2012 8:12 AM EST
Sabti, May 05, 2012 (HOL) — Dajiraha Soomaaliya u fadhiya dalka Iiraan, Khaliif Kadiye Muuse ayaa madaxda dalka Iiraan ka dalbaday inay gacan ka geystaan sidii lagu xasilin lahaa Soomaaliya.

5/5/2012 7:15 AM EST
Sabti, May 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa la sheegay inuu xilkii ka qaaday maareeyaha dekedda Muqdisho, Sayid Cali Macallin Cabdulle oo muddo hal sano ah xilkaas hayay.

5/5/2012 4:30 AM EST
Sabti, May 05, 2012 (HOL) — Ra'iisul wasaaraha xukuumadda Soomaaliya, C/weli Maxamed Cali ayaa ka dalbaday guddoomiyaha maxkamadda ciidamada Qalabka sida ee DKMG ah inuu sida ugu dhaqsiyaha badan xorriyadooda ugu soo celiyo ilaaladiisa qaarkood kuwaasoo u xiran tuhun la xiriira qaraxii ka dhacay horraantii bishii hore Tiyaatarka Muqdisho.

5/5/2012 4:05 AM EST
Sabti, May 05, 2012 (HOL) — Afhayeenka ciidamada milateriga Uganda, Col. Flix Kulayigye ayaa sheegay inay ciidamadooda ku sugan Soomaaliya ee qaybta ka ah howgalka Midowga Afrika ee AMISOM ay ku biiriyeen 17,00 oo askair oo dheeraad ah, taasina ay tirada ciidamadooda ka dhigayso 8,000-askari.

5/5/2012 3:49 AM EST
Sabti, May 05, 2012 (HOL) — Taliyaha ciidamada booliiska Kenya, Mathew Iteera oo Jimcihii shalay saxaafadda kula hadlay magaalada Nairobi ayaa sheegay in amaanka dalkiisa ay khatar ku hayaan boqolaal dhallinyaro Kenyan ah oo lagu soo tababaray Soomaaliya.

5/5/2012 3:26 AM EST
Sabti, May 05, 2012 (HOL) — Ugu yaraan sagaal qof oo dhinacyadii dagaalamay ka tirsan ayaa ku dhintay tiro intaas ka badanna way ku dhaawacmeen dagaal culus oo xalay saqdii dhexe ku dhexmaray degmada Ceelbuur xoogagga Al-shabaab iyo kuwa Ahlusunna Waljamaaca oo ay taageerayaan ciidamada Itoobiya.

5/5/2012 3:16 AM EST
Sabti, May 05, 2012 (HOL) — Xildhibaan Sheekh Aadan Maxamed Nuur (Madoobe) oo shalay kasoo laabtay dalka Itoobiya oo ay safar ku joogeen isaga iyo xildhibaan Maxamed Ibraahim Xaabsade haddana ku sugan degmada Xudur ee gobolka Bakool ayaa sheegay inay wadahadallo hoose kula jiraan xubno ka tirsan Xarakada Al-shabaab.

5/5/2012 3:05 AM EST
Sabti, May 05, 2012 (HOL) — Waxaa lagu wadaa in saacaha soo socda uu ka furmo dugsiga tababarka booliiska ee iskool bulusiyo shir looga hadlayo musqtablka dalka Soomaaliya, kaasoo ay ka qaybgalayaan 135 oday-dhaqameed oo soo xuli doona guddiga ansixinta dastuurka iyo guddiga xulidda xildhibaannada cusub ee baarlamaanka.