3/29/2024
Today from Hiiraan Online:  _
Wararka Maanta- Jimco, May 5 , 2012
Dajiraha Soomaaliya u jooga Iiraan oo Madaxda Dalkaas ka dalbaday inay gacan ka geystaan xasilinta Soomaaliya

Sabti, May 05, 2012 (HOL) Dajiraha Soomaaliya u fadhiya dalka Iiraan, Khaliif Kadiye Muuse ayaa madaxda dalka Iiraan ka dalbaday inay gacan ka geystaan sidii lagu xasilin lahaa Soomaaliya.

Iiraan ayaa waxay ka mid ahayd dalalkii u soo gurmaday Soomaaliya markii ay ku dhufteen abaarihii xoogganaa ee sababay macluusha, waxaana safiirku uu sheegay in Iiraan ay sii waddo caawinta shacabka Soomaaliyeed.

"Soomaaliya waa dal Islaam ah, waxaana ka doonaynaa walaalaheen Iiraan inaysan illoobin shacabkeenna iyo xukuumaddeenna," ayuu yiri Muuse oo maanta oo Sabti ah u warramayay wakaaladda wararka Iiraan ee FNA.

Dajiruhu wuxuu shacabka, xukuumadda iyo bisha cas ee Iiraan ku ammaanay gargaarkii ay u direen Soomaaliya xilligii ay macluushu ka jirtay, isagoo sheegay inay ka codsanayaan gargaarkaas sii wadaan.

Sidoo kale, danjiruhu wuxuu ugu yeeray madaxda Tehran inay gacan ka siiyaan sidii ay Soomaaliya ula soo bixi lahayd shidaal, sidoo kalena ay ugu dhisi lahaayeen warshado. "Soomaaliya waxay kala shaqeynaysaa Iiraan dhoofka hilibka, kalluunka, mooska iyo khudradda," ayuu dajiruhu ku sheegay warka uu siiyay FNA.

Hay'adda bisha Cas ee dalka Iiraan ayaa waxay tan iyo sannadkii hore geysay dalka Soomaaliya 15-shixnad oo gargaar ah, kuwaasoo qaarkood lagu geeyay maraakiib si loogu caawiyo barakacayaashii ay macluushu ku habsatay.

Gargaarka ay Iiraan ugu deeqday Soomaaliya ayaa waxay isugu jireen, dawooyin, bariis, bur, sokor iyo alaabooyin kale, kuwaasoo la gaarsiiyay dadkii barakcayaasha ahaa ee loogu talogalay.

Magaalada Muqdisho ayaa waxaa booqasho ku yimid sannadkii hore saraakiil dalka Iiraan u dhashay, kuwaasoo uu ka mid ahaa wasiirka arrimaha dibadda ee Iiraan, Cali Akbar Saalixi si ay u eegaan saameynta ay dadka Soomaaliyeed ku yeelatay abaartii dhalisay macluusha daran.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/5/2012 3:31 PM EST
Sabti, May 05, 2012(HOL): Shirkii Odayaasha Dhaqanka Soomaaliyeed ee aayo-ka-talinta dalka Soomaaliya ayaa maanta ka furay xarunta dugsiga sare ee booliska ee magaalada Muqdisho.

5/5/2012 1:47 PM EST
Waxaa maanta si rasmi ah loo soo saaray magacyada odayaal dhaqameedka soo xulidoona xubnaha ansixindoonta Dastuurka Soomaaliyeed.

5/5/2012 9:34 AM EST
Sabti, May 05, 2012 (HOL) — Madaxda DKMG ah ee Soomaaliya ayaa ku sugan dugsiga tababarka booliiska oo ay ka socdaan khudbadihii furitaanka shirkaas oo ay 135 oday dhaqameed oo beelaha Soomaalida ka socda ay ku xulayaan ergooyinkii ansixin lahaa dastuurka cusub ee Soomaaliya.

5/5/2012 8:21 AM EST
Sabti, May 05, 2012 (HOL) — Xukuumadda Somaliland ayaa sheegtay sababta wefti ka socda Jabuuti looga celiyey xadka ay ahayd Isfahan la’aan weftiga iyo maamulka gobolka Selel, waxaanu sheegay in aanay xukuumadda Somaliland ka war hayn imaanshaha weftiga, taasina ay keentay in laga horjoogsaddo inay gudaha xadka usoo gudbaan.

5/5/2012 7:15 AM EST
Sabti, May 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa la sheegay inuu xilkii ka qaaday maareeyaha dekedda Muqdisho, Sayid Cali Macallin Cabdulle oo muddo hal sano ah xilkaas hayay.

5/5/2012 4:30 AM EST
Sabti, May 05, 2012 (HOL) — Ra'iisul wasaaraha xukuumadda Soomaaliya, C/weli Maxamed Cali ayaa ka dalbaday guddoomiyaha maxkamadda ciidamada Qalabka sida ee DKMG ah inuu sida ugu dhaqsiyaha badan xorriyadooda ugu soo celiyo ilaaladiisa qaarkood kuwaasoo u xiran tuhun la xiriira qaraxii ka dhacay horraantii bishii hore Tiyaatarka Muqdisho.

5/5/2012 4:05 AM EST
Sabti, May 05, 2012 (HOL) — Afhayeenka ciidamada milateriga Uganda, Col. Flix Kulayigye ayaa sheegay inay ciidamadooda ku sugan Soomaaliya ee qaybta ka ah howgalka Midowga Afrika ee AMISOM ay ku biiriyeen 17,00 oo askair oo dheeraad ah, taasina ay tirada ciidamadooda ka dhigayso 8,000-askari.

5/5/2012 3:49 AM EST
Sabti, May 05, 2012 (HOL) — Taliyaha ciidamada booliiska Kenya, Mathew Iteera oo Jimcihii shalay saxaafadda kula hadlay magaalada Nairobi ayaa sheegay in amaanka dalkiisa ay khatar ku hayaan boqolaal dhallinyaro Kenyan ah oo lagu soo tababaray Soomaaliya.

5/5/2012 3:26 AM EST
Sabti, May 05, 2012 (HOL) — Ugu yaraan sagaal qof oo dhinacyadii dagaalamay ka tirsan ayaa ku dhintay tiro intaas ka badanna way ku dhaawacmeen dagaal culus oo xalay saqdii dhexe ku dhexmaray degmada Ceelbuur xoogagga Al-shabaab iyo kuwa Ahlusunna Waljamaaca oo ay taageerayaan ciidamada Itoobiya.

5/5/2012 3:16 AM EST
Sabti, May 05, 2012 (HOL) — Xildhibaan Sheekh Aadan Maxamed Nuur (Madoobe) oo shalay kasoo laabtay dalka Itoobiya oo ay safar ku joogeen isaga iyo xildhibaan Maxamed Ibraahim Xaabsade haddana ku sugan degmada Xudur ee gobolka Bakool ayaa sheegay inay wadahadallo hoose kula jiraan xubno ka tirsan Xarakada Al-shabaab.

5/5/2012 3:05 AM EST
Sabti, May 05, 2012 (HOL) — Waxaa lagu wadaa in saacaha soo socda uu ka furmo dugsiga tababarka booliiska ee iskool bulusiyo shir looga hadlayo musqtablka dalka Soomaaliya, kaasoo ay ka qaybgalayaan 135 oday-dhaqameed oo soo xuli doona guddiga ansixinta dastuurka iyo guddiga xulidda xildhibaannada cusub ee baarlamaanka.