3/19/2024
Today from Hiiraan Online:  _
Wararka Maanta- Axad, May 27, 2012
Shir loo hadlay Mustaqbalka Bangiyada Islaamka oo Malaysia lagu qabtay (SAWIRRO)


Axad, May 27, 2012-Shir looga hadlayey “Mustaqbalka Bangiyada Islaamka” oo eey soo agaasintey Jaamacada caalamiga ah ee Al-Madinah (Al-Madinah International University), ayaa waxaa lagu qabtey Library-ga Ummada ee Selangor (Public Library of Selongor), kuna taala magaalada Shah Alam ee Boqorka Selongor uu dagan yahay, ee wadanka Malaysia.

Jaamacada Caalamiga ah ee Al-Madinah, waxeey ka mid tahay jaamacadaha eey dhigtaan ardeyda Soomaaliyeed ee ugu faraha badan, hadiiba eeysan aheyd Jaamacada eey dhigtaan ardeyda ugu madan ee Somaaliyeed, ee waxkabarata wadanka Malaysia. Maadaama tirada ardeyda ah ee dhinaga qeybaheeda kala duwan, lagu qiyaasayo 100 illaa 150-ardey ee Soomaalieed.

Shirkan lagu lafagurayey Mustaqbalka Bunuugta Islaamka, oo qabanqaabadiisu eey socotey mudo dheer, ayaa waxaa kasoo qeyb galay madax sare oo ka kala socotey EXCELLENCE INTERNATIONAL For Educational & Promotional Services, Al-Rajhi Bank, Islamic Bank in Malaysia, Bank Negara Malaysia, Malaysian Accreditation Agency, Takaful and Insurance Company, Madax ka socotey midowga Bank-yada Malaysia, Insurance and Finance professionals, Consultants and Personalities of Islamic Banking iyo ugu dambeyn ardey iyo mas’uuliyiin ka kala socotey jaamacadaha iyo College-yada ku kala yaalla wadanka Malaysia.

Shirkan ayaa waxaa qudbad ku furey Dr. Cabdulqaadir Maxamed Cismaan “Cabdiboqor” oo ah Bare/Macallin Soomaaliyeed oo wax ka dhiga Kulliyada Maamulka iyo Dhaqaalaha ee jaamacada Al-Madinah, ahaana xiriiriya Shirka. Waxaa sidoo kale qudbooyin muhiim ah kasoo kala jeediyey madax kaloo sare sida: Prof. Dr. Mohammed bin Khalifah Al-Tamimi oo ah madaxa Jaamacada Al-Madinah. Waxaa sidoo kale ka hadashey Madam Mastura bint Hajji Mohamed oo iyana ah madaxa Library-ga Ummada ee Selangor iyo Registrar-ka jaamacada Dr. Khalid Mohamed Idriss oo isna Jaamacada Macluumaad ka bixiyey.


Fadhigii 1-aad ee shirka ayaa waxaa chairman u ahaa Prof. Dr. Ahmed Ibrahim Abushouk kana socdey Machadka Mideynta Ummada Islaamka, iyadoo Rapporteur-na uu ka ahaa: Prof. Ir. Dr. Wan Mahmood Wan Ab. Majid. Waxaa Waraaqado (Conference Papers) kasoo kala jeediyey- Kadib baaritaan cilmiyeed dheer oo eey sameeyeen-Aqoonyahannada kala ah Prof. Dr. Kamal Mohd Towfiq Hattab ahna ku xigeenka madaxa jaamacada ee qeybta waxbarashada. Waxaa kaloo research paper kasoo jeediyey Dr. Abdussalam Ismail Onagun, oo isna ka socdey Bankiga dhexe ee wadanka Malaysia (Central Bank of Malaysia), iyo Assist. Prof. Dr. Omar Mohammed Idris oo dhowr jaamacadood wax ka dhiga, iyo Asst. Prof. Dr. Saeed Ahmed Saleh Faraj oo ah madaxa qeybta cilmi-baarisya iyo horumarka ee Jaamacada Al-Madinah (Research and Developement).

Fadhigii 2-aad ee shirka ayaa iyana waxaa chairman ka ahaa: Prof. Dr. Kamal Mohd Towfiq Hattab. Waxaa Conference Papers qeybtan kasoo kala jeediyey: Dr. Salman Zaidan, kaa oo ah madaxa Kulliyada Maamulka iyo Dhaqaalaha ama (Dean of Faculty of Finance and Adminstrative Sciences), oo xaqiiqdiina ah Kullaha iska laheyd abaabulka shirkan. Waxaa sidoo kale Conference papers kasoo jeediyey: Dr. Adewale Abdideen Adeyemi oo ka socdey jaamacada Caalamiga ah ee Islaamka ee wadaka Malaysia (IIUM). waxaa sidoo kale Conference paper kasoo jeediyey: Dr. Mubarak Munssour Ebodey oo ah ku xigeenka madaxa Kulliyada Maamulka iyo Dhaqaalaha ee jaamacada Al-Madinah. Waxaa sidoo kale Conference paper kasoo jeediyey: Dr. Abdisalam A. Hussein Malla oo ah Bare Soomaaliyeed oo wax ka dhiga Kulliyada Maamulka iyo Dhaqaalaha ee jaamacada Al-Madinah iyo Dr. Mohammed Alkhawlani oo ah bare isna wax ka dhiga Kulliyada Maamulka iyo Dhaqaalaha ee jaamacada Al-Madinah.


Su’aalo iyo jawaabo dadkoo dhan loo furey kabacdi, iyo tacqiibin waraaqihii meesha laga jeediyey lagu sameeyey, ayaa sidaa loogu soo gunaanadey shirkii.

Gabagabadii shirka ayaa waxaa shahaado sharaf lagu gudoonsiiyey, aqoonyahannadii aqoontooda ummada la qeybsadey ee conferece papers-ka shirka ka jeediyey, iyo maamulkii soo abaabuley ee isku soo duba ridey shirka, Wuxuna shirka kusoo dhamaadey, sidii loogu talagaya.

















Click here
5/27/2012 2:21 PM EST
Axad, May 27, 2012 (HOL)- Wasiirka Warfaafinta iyo Wacyigelinta Somaliland, ahna afhayeenka xukuumadda Somaliland, Mr: Boobe Yuusuf Ducaale, ayaa sheegay in shirka 31 May ka dhici doona Istaanbuul ee dalka Turkiga qaybtiisa hore ee lagaga hadlayo horumarinta iyo dhaqaalaha ay ka qaybgali doonaan balse qaybtiisa dambe ee siyaasadda lagaga hadlayo aanay ka qaybgali doonin.

5/27/2012 1:55 PM EST
Axad, May 27, 2012(HOL): Waxaa bishan 20 keedii ka dhacay magaalada Oslo ee dalka Norway koob lagu xususayay sanadguuradii 21aad eek a soo wareegtay gooni isu taagga Somaliland.

5/27/2012 12:40 PM EST
Axad, May 27, 2012(HOL): Madaxweynaha Maamulka Puntland C/raxmaan Maxamed Faroole iyo Madaxweynaha Maamulka Galmudug Maxamed Axmed Caalin ayaa maanta ku dhawaaqay in ay qaadaceen ka qeybgalka shirka Soomaalida ee Istanbul II.

5/27/2012 6:26 AM EST
Axad, May 27, 2012 (HOL) — Afhayeenka ciidmada Midowga Afrika ee AMISOM, Col. Paddy Ankunda ayaa sheegay in qabsashada degmada Afgooye ee gobolka Shabeellada hoose ay u tahay muhiim, ayna yareynayso weerarradiii ay Al-shabaab kusoo qaadi jireen Muqdisho.

5/27/2012 6:17 AM EST
Axad, May 27, 2012 (HOL) — Taliyaha madaxweynaha Somaliland ee Arrimaha Bulshada, Mr: Barkhad Jaamac Xirsi, ayaa Culimadda ugu baaqay inay dadweynaha ka wacyigeliyaan dhaqanka xun ee tageerka ku salaysan, maadaama oo dad waxa kaliya ay dhagaystaan tahay culimadda iyo abwaanada, balse ay abwaanaddu iyagu waajibaadkii arirntaasi ka saarnaa ay fuliyeen oo ay gabayo badan ka sameeyeen.

5/27/2012 5:34 AM EST
Axad, May 27, 2012 (HOL) — Waxaa maanta ilaa shalay kusoo qulqulaya magaalada Kismaayo ee xarunta gobolka Jubada Hoose dagaalyahanno fara badan oo katirsan Al-shabaab, kuwaasoo la sheegay in ay ka yimaadeen dhanka gobolka Shabeelaha Hoose oo ay mudooyinkii u danbeeyay ka socdeen dagaallo, waxaana ciidamani ay qeyb ka yihiin ciidamadii dhawaan lagala wareegay deegaanada loo barakacay ee duleedka Muqdisho.

5/27/2012 5:30 AM EST
Axad, May 27, 2012 (HOL) — Hay'adda Qarammada Midoobay u qaabilsan qoxootiga ee UNHCR ayaa sheegtay in 9,000 oo qof ay ku barakaceen dagaalladii ka dhacay duleedyada Muqdisho oo ay dowladda KMG ah iyo AMISOM ku qabsadeen degmada Afgooye.

5/27/2012 5:14 AM EST
Axad, May 27, 2012 (HOL) — Abaanduulaha ciidamada xoogga dalka, Jen. C/kariin Yuusuf Aadan Dhego-badan ayaa uga digay askarta dowladda inay dhibaateeyaan dadka shacab ah iyo hantidooda, isagoo sheegay in askarigii lagu helo falkaas laga qaadi doono tallaabo sharciga waafaqsan.

5/27/2012 2:52 AM EST
Axad, May 27, 2012 (HOL) — Ugu yaraan shan qof ayaa ku dhaawacmay qaraxyo xalay ka kala dhacay hoteel ku yaalla degmada Wajeer ee gobolka Waqooyi-bari ee dalka Kenya iyo xerada qoxootiga IFO oo ka mid ah xeryaha ku yaalla Dhadhaab.

5/27/2012 2:32 AM EST
Axad, May 27, 2012 (HOL) — Guddoomiyihii Ahlusunna Waljamaaca, Sheekh Cumar Sheekh Maxamed Faarax ayaa xalay ugu geeriyooday isbitaal ku yaalla magaalada Gaalkacyo ee xarunta gobolka Mudug dhaawac halis ah oo kasoo gaaray shil gaari oo ka dhacay deegaanka dagaal oo Gaalkcyo ku dhow.

5/27/2012 2:25 AM EST
Axad, May 27, 2012 (HOL) — Ciidamada dowladda KMG ah iyo kuwa AMISOM oo isgarabsanaya ayaa la wareegay deegaannada loo barakacay ee duleedka Muqdisho halkaasoo ay maalmihii ugu dambeeyay ku sugnaayeen xoogagga Al-shabaab.

5/27/2012 2:23 AM EST
Axad, May 27, 2012 (HOL) — Ciidamada dowladda KMG ah oo kaashanaya kuwa Kenya ayaa si nabadgelyo ah kula wareegeen deegaan lagu magacaabo Tarato oo hoostada degmada Baardheere ee gobolka Gedo.