3/29/2024
Today from Hiiraan Online:  _
Wararka Maanta- Sabti, May 26, 2012
Dableey hubeysan oo Nabaddoon caan ah ku dilay Magaalada Baladweyne ee Xarunta Gobolka Hiiraan

Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

Marxuumka la dillay oo lagu magacaabi jiray nabadoon Aadan Bille ayeey kooxo hubeysan ku toogteen xaafadda Howl-wadaag ee magaalada Beledweyne xili la sheegay in uu ku sii jeeday Masjidka.

Markii uu dilku dhacay kadib waxaa goobta gaaray ciidamo ka tirsan kuwa maamulka gobollka Hiiraan, oo bilaabay howlgalo lagu baadi goobayay kooxihii dilka geystay oo markiiba goobta ka baxsaday, lamana sheegin cid ay ciidamada nabad-galyadu u qabteen falkaas lagu dillay nabadoon-ka.

Dilka xalay lagu beegsaday nabadoon Aadan Bille ayaa noqonaya kii ugu horeeyay ee noociisa oo ka dhacay magaalada Beledweyne kaasoo lagu toogto mid ka mid ah odayaasha dhaqan-ka ku sugan magaalada Beledweyne oo mudo haatan laga joogo Shan bilood ka hor ka baxday gacanta xoogagga Xarrakada Mujaahidiinta Al-shabaab.

Ciidamada maamulka gobollka Hiiraan ayaa xiliyada habeenkii inta badan xaafadaha magaalada ka sameeya howlgalo lagu sugayo nabad-galyada, waxaana ay saraakiisha maamulku sheegeen in ay gacan bir ah ku qaban doonaan sida ay hadalka u dhigeen nabad-galyada guud si looga hortago falalka amaanka ka dhanka ah ee mararka qaar ka dhaca gudaha magaalada.

C/raxmaan Diini, Hiiraan Online
[email protected]
Beledweyne, Soomaaliya













Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.