3/28/2024
Today from Hiiraan Online:  _
Wararka Maanta- Talaado, May 22, 2012
Dagaallo u dhexeeya Ciidamada DKMG, AMISOM iyo Xarakada Al-shabaab oo saakay ka qarxay Degmada Dayniile

Talaado, May 22, 2012 (HOL) — Dagaallo culus oo u dhexeeya ciidamada DKMG ah oo garabsanaya kuwa AMISOM iyo xoogaga Xarakada Al-shabaab ayaa saakay ka qarxay degmada Dayniile, iyadoo dhinacadu ay isku adeegsanayeen hubka culus iyo midka fudud.

Goobjoogayaal ku sugan duleedka Muqdisho ayaa sheegay inay si aad ah u maqlayaan rasaasta dhinacyadu ay is-weydaarsanayaan, waxaana deegaannada lagu dagaalamayo ay ahaayeen kuwo ay dadkii deggenaa horay uga barakaceen.

Saraakiil u hadlay Al-shabaab ayaa sheegay inay ka warhayeen dagaalka ayna u diyaariyeen ciidammo ka hortaga, iyadoo saraakiisha dowladda KMG ah iyo kuwa AMISOM aysan weli ka hadin dagaalka.

Dagaalkan ayaa billowday markii ciidamada dowladda KMG ah iyo kuwa AMISOM ay weerarro ku qaadeen deegaanno ay degmada Dayniile kaga sugnaayeen xoogagga Al-shabaab, lamana oga khasaaraha ka dhashay dagaalka oo muddo saacado ah socda.

Mas'uuliyiinta dowladda KMG ah ayaa waxay horay u sheegeen inay weerar ku yihiin deegaannada ka baxsan Muqdisho sida Ceelasha biyaha oo ay sheegeen inay yihiin goobaha laga soo abaabulo qaraxyada ka dhaca magaalada Muqdisho.

Weerarka ay saakay qaadeen ciidamada dowladda KMG ah iyo kuwa AMISOM ayaa waxay kusoo beegmayaan xilli ay dowladdu ciidammo badan ku daabulaysay labadii maalmood ee lasoo dhaafay duleedyada aagagga ay isku horfadhiyaan Al-shabaab.

Jidka isku xira Muqdisho iyo Afgooye ayaa si caadi ah u shaqeynaya, iyadoo dadka weli ku sugan deegaannada loo barakacay ay walaac xooggan ka muujinayaan dagaalka saakay qarxay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/22/2012 10:56 AM EST
Xaaji Maxamed Yaasiin oo ah musharaxa u taagan madaxtinimadda Soomaaliya ayaa eedeyn u jeediyay saxiixayaasha Road map-ka sheegayna iney fushanayaan dano gaar ah.

5/22/2012 9:10 AM EST
Talaado, May 22, 2012 (HOL) — Wasiirka ganacsiga xukuumadda Soomaaliya ahna ku simaha ra'iisul wasaaraha, C/wahaab Ugaas Xuseen oo maanta Muqdisho kulan kula yeeshay ururrada bulshada rayidka ah ayaa ka dalbaday inay xukuumadda ka gacan-siiyaan meel marinta Roadmap-ka, ansixinta dastuurka iyo amniga oo lasoo celiyo.

5/22/2012 8:50 AM EST
Talaado, May 22, 2012 (HOL) — Maxkamadeynta lix dhallinyaro Soomaaliyeed ah oo ku eedeysan afduubka dooni kuwa raaxada ah oo ay la socdeen 30 shaqaaalaha doonida ah ayaa ka furantay maanta magaalada Paris ee xarunta dalka Faransiiska.

5/22/2012 7:10 AM EST
Talaado, May 22, 2012 (HOL) — Dowladda KMG Soomaaliya iyo AMISOM ayaa guulo ka sheegtay dagaallo saakay aroortii hore ka qarxay degmada Dayniile, kuwaasoo u dhexeeyay ciidamada dowladda KMG iyo kuwa AMISOM oo dhinac ah iyo xoogagga Al-shabaab.

5/22/2012 3:58 AM EST
Talaado, May 22, 2012 (HOL) — Maxkamada sare ee Somaliland ayaa guddo gashay dhageysiga dacwada u dhaxaysa Guddoomiyaha iyo guddoomiye ku xigeenka xisbiga Mucaaradka ah ee UDUB oo uu dhawaan Guddoomiye ku xigeenka xisbigaasi Maxkamada u gudbiyey eeddo ka dhan ah gudoomiyaha xisbigoodda.

5/22/2012 3:57 AM EST
Talaado, May 22, 2012 (HOL) — Xarakada Al-shabaab ayaa bayaan ay soo saartay ku manuucday in laga ganacsado raashinka hay'adda ay dalka keento hay'adda WFP oo qaramada Midoobay u qaabilsan dhinaca cunnada.

5/22/2012 3:33 AM EST
Talaado, May 22, 2012 (HOL) — Ra'iisul wasaaraha Itoobiya, Meles Zenawi ayaa sheegay in ciidamadiisa jooga Soomaaliya ay qorsheyanayaan sidii ay dhul kale uga qabsan lahaayeen Xarakada Al-shabaab ee ku sugan gobollada dhexe ee kuwa Koonfureed ee Soomaaliya.

5/22/2012 3:19 AM EST
Talaado, May 22, 2012 (HOL) — Dadweynaha Somaliland ayaa siyaabo kala duwan u arkay hadalkii ka soo yeedhay Ergayga Qaramadda midoobay u qaabilsan arrimaha Somalia Danjire Mahiga, kaas oo naqdiyey xukunkii maxkamadda Milatariga Somaliland ku xukuntay koox dabley ahayd oo weerartay Xero Ciidan, halkaasi oo toddoba qof ku dhinteen, tiro intaas ka badana ku dhaawacmay.