3/29/2024
Today from Hiiraan Online:  _
Wararka Maanta- Isniin, May 21, 2012
Kooxo hubeysan oo Xalay Magaalada Baydhabo ee Gobolka Bay ku toogtay Mid ka mid ah Malaaqyada Digil iyo Mirifle

Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

Toogashada malaaqa ayaa timid xilli uu kusii socday gurigiisa, waxaana dilkiisa geystay dhallinyaro ku hubeysan bastoolado, kuwaasoo meesha ka baxsaday, waxaana qaar ka mid ah mas'uuliyiinta dowladda ee degmadaas ku sugan ay ku eedeeyeen dilkan Xarakada Al-shabaab.

Malaaqa la dilay ayaa sheegay inuu dhawaanahan ku howlanaa shirar nabadeedyo uu la qaadanayay xubnaha dowladda KMG ah ee ku sugan Baydhabo iyo wafdiyo uu hoggaaminayay guddoomiyaha baarlamaanka oo dhowr jeer degmadaas booqday.

Ciidamada dowladda KMG ah oo gaaray goobta lagu dilay malaaq Cabdiyoow ayaa sameeyay baaritaanno ku aaddan ciddii ka dambeysay dilkiisa, balse ma jirto cid loo qabtay dilka maqaalahan.

Waa qofkii tobanaad oo kooxo hubeysan ay ku dilaan degmada Baydhabo tan iyo markii ay ciidamada dowladda KMG ah iyo kuwa Itoobiya kala wareegeen gacan ku haynta degmadaas xoogag Xarakada Al-shabaab oo sannado ka talinayay.

Magaalada Baydhabo ayaa waxaa horay loogu dilay dad badan oo uu ka mid ahaa guddoomiyihii maamulka gobolka Bay ee xaafadda Bardaale, kaasoo la sheegay in la qabtay ruuxii dilkiisa geystay.

Maxamed Xaaji Xuseen, Hiiraan Online
[email protected]
Muqdisho. Soomaaliya













Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.