9/24/2018
Today from Hiiraan Online:  _
Wararka Maanta- Talaado, May 1 , 2012
Wararkii ugu dambeeyay qaraxii maanta ka dhacay magaalada Dhuusamareeb


Talaado, May 01, 2012(HOL): Qaraxan oo ay ku dhinteen Xildhibaan Yuusuf Mire Maxamuud Seeraar iyo Xildhibaan C/weli Shiikh Maxamed Aw-MaxamuudMaxamuud oo Baarlamaanka Soomaaliya ka tirsan, waxaana qaraxaas ku dhaawacmay Siyaasiga Axmed C/salaam Xaaji Aadan oo horay uga soo noqday Ra’iisal Wasaare ku xigeen iyo Xildhibaanno ay ka mid yihiin Xildhibaan Xuseen Samatar iyo Xildhibaan C/risaaq Isaaq Biixi.

Xildhibaannada geeriyooday iyo Axmed C/salaam Xaaji Aadan waxay dhawaanahan ku sugnaayeen deegaanno ka tirsan gobolka Galgaduud, waxayna horay u booqdeen Degmada Cabuudwaaq iyo deegaanka Xeraale.

Xildhibaan C/rashiid Shiikh Siciid oo la socday wafdiga la qarxiyay ayaa Laanta Afka Soomaaliga ee VOA-da u xaqiijiyay in  iyagoo ka yimid Cabuudwaaq, isla markaana ka qaxweynaya meel Maqaayad ah ay mar kaliya ka war heleen qarax xoog badan, kaasi oo markii ay uuradiisii dantay ay arkeen Xildhibaan C/weli Shiikh Maxamed Aw-Maxamuud oo geeriyooday iyo Xildhibaano kale iyo siyaasiga Axmed C/salaam oo dhaawacyo kala duwan ay soo gaareen.

“Xildhibaan Yuusuf Seeraar oo dhaawac culus qabay waxaa uu u geeriyooday dhaawacaas, waxaa kale oo dhaawaciisa daran yahay Xildhibaan Xuseen Warsame Samatar, laakiin Xildhibaan C/risaaq Isaaq Biixi iyo Axmed C/salaam dhaawacoodu ma darna”ayuu yiri Xildhibaan C/rashiid Shiikh Saciid oo sheegay in qofkii isku qarxiyay ay rumeysan yihiin in uu ka tirsanaa Al-shabaab.

Xildhibaan C/rashiid oo sii hadlayay waxaa uu ka codsaday Dowladda Soomaaliya in ay gurmad deg deg ah la soo gaarto dadkaas dhaawaca ah, wuxuuna ku celceliyay in aaney dowladda yareysan dadka dhaawacyada qaba, waayo buu yiri dhaawacyada qaraxyada ka dhasha waa dhib badan yihiin sida midkii ka dhacay Tiyaatarka oo dad ku dhaawacmay ay dhaawacyadaas u geeriyoodeen.

Dhanka kalena, Ra’iisal Wasaaraha Xukuumadda Soomaaliya C/weli Maxamed Cali oo la hadlay Laanta Afka Soomaaliga ee BBC-da ayaa cambaareeyay ciddii qaraxan ka dambeysay oo uu ku tilmaamay argagixiso ka soo horjeedda nabadgelyo iyo dib-u-heshiisiin laga gaaro mushkiladda Soomaaliya.

Ra’iisal Wasaaraha waxaa uu intaas ku daray in xildhibaannada qaraxaas ku dhintay iyo siyaasiyiinta la socotayba ay gobolka Galgaduud u  joogeen arrimo dib-u-heshiisiin ah, wuxuuna caddeeyay in ay dowladda aad uga murugeysan geerida ku timid Xildhibaannadaas, isagoo dhinaca kalena sheegay in mas’uuliyiinta iyo dadka shacabka ah ee qaraxaas ku dhaawacmayba ay dowladda gacan ka geysan doonto sidii dhaawacooda gurmad deg deg ah loogu sameyn lahaa.

Ugu dambeyntiina, Mas’uuliyadda Qaraxan waxaa sheegatay Xarrakada Al-shabaab oo ka soo horjeeda Dowladda Soomaaliya iyo maamullada ay gacan-saarka leeyihiin, wuxuuna qaraxan noqonayaa mid bil gudaheed loo geysto mas’uuliyiin ka tirsan dowladda Soomaaliya iyo dad shacab ah.

Salaad Iidow Xasan (Xiis), Hiiraan Online
[email protected]

 







Click here
5/1/2012 4:11 PM EST
Talaado,May 1, 2012 (HOL)- Madaxweyne ku xigeenka Somaliland Md:Cabdiraxmaan Cabdilaahi Ismaaciil (Saylici) ayaa kulan la yeeshay madax dhaqameedka Somaliland, kuwaas oo ka kala yimid goboladda Somaliland.

5/1/2012 10:35 AM EST
Talaado, May 01, 2012 (HOL) — Ugu yaraan saddex oo uu ku jiro nin ganacsade ah oo gaadiidka iibiya iyo ayaa ku dhintay qarax gallinkii dambe ee maanta ka dhacay jidka isku xiragaroonka isgoyska KM4 iyo garoonka diyaaradaha Muqdisho.

5/1/2012 10:17 AM EST
Talaado, May 01, 2012(HOL): Qarax is-miidaamin ah ayaa goor dhaweyd ka dhacay magaalada Dhuusamareeb ee bartamaha Soomaaliya.

5/1/2012 8:38 AM EST
Talaado, May 01, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warsaxaafadeed ay si wadajir ah u soo saareen maanta oo Talaado ah waxay digniin ugu jeediyeen kooxaha kasoo horjeeda dhameystirka Roadmap-ka iyo in laga gudbo xilliga KMG ah.

5/1/2012 8:11 AM EST
Talaado, May 01, 2012 (HOL) — Diyaarad maanta kasoo qaadi lahayd Degmada Doolow ee gGedo odayaal ka qayb-geli lahaa shirka lagu ansixinayo dastuurka cusub ee Soomaaliya oo Muqdisho ka dhici doona ayaa lagu rasaaseeyay, sida ay sheegeen mas'uuliyiinta dowladda ee gobolka Gedo.

5/1/2012 7:58 AM EST
Talaado, May 01, 2012 (HOL) — Samiira Xaashi oo ah gabar Soomaaliyeed oo 21-jir ah kuna noo dalka Britain oo ay dharka ka xayeysiiso ayaa Muqdisho dhawaan soo booqatay iyadoo ka sheekeysay dhibaatooyinkii ay ku aragtay, gaar ahaan dhibka haysta haweenka Soomaaliyeed ee barakacayaasha ah.

5/1/2012 7:10 AM EST
Talaado, May 01, 2012 (HOL) — Ururaddii siyaasaddda Somaliland ee qiimeyntii ku hadhay oo maanta qorshaynayey inay mudaharaad balaadhan ka dhigaan magaalooyinka ayaanay u dhicin siday rabeen, maadaama oo awood ciidan loo adeegsaday, isla markaana goobihii ay filayeen in ay iskugu yimaadaan ciidamo badan la dhigay.

5/1/2012 3:59 AM EST
Talaado, May 01, 2012 (HOL) — Xildhibaan Muuse Suudi Yalaxoow oo ka mid ah waxgaradka iyo xildhibaanno ku shiray Muqdisho kana soo horjeestay dastuurka cusub ee Soomaaliya ayaa sheegay inaysan aqbalayn dastuurka.

5/1/2012 3:39 AM EST
Talaado, May 01, 2012 (HOL) — Ururka dhalinyarada SYL II ayaa siminaar bileedkii koowaad u qabtay illaa iyo 500 oo arday ah oo ka kala tirsan qaybaha kala duwan ee ururku uu baro xirfadaha kala duwan, waxaana goobjoog ka ahaa macalimiinta, marti sharaf kale iyo masuuliyiinta SYL II.

5/1/2012 3:19 AM EST
Talaado, May 01, 2012 (HOL) — Ugu yaraan 11-qof oo dhinacyadii dagaalamay iyo shacab isugu jira ayaa ku dhintay dagaal xalay gudaha degmada Xudur ee xarunta gobolka Bakool ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.

5/1/2012 3:19 AM EST
Talaado, May 01, 2012 (HOL) — Afhayeenka xukuumadda KMG ah ee Soomaaliya ahna la-taliyaha ra’iisul wasaaraha Soomaaliya, Inj. C/ramxaan Cumar Cismaan (Yariisow) oo si kulul uga jawaabay hadallo kasoo yeeray kooxo uu ku tilmaamay qaswadayaal kuwasoo uu sheegay inay maalmahan bulshada Muqdishu ku kiciyaan hab beel iyagoo si khalad ah ugu fasiraya qabyo-qoraalka-dastuurka.

5/1/2012 3:03 AM EST
Talaado, May 01, 2012 (HOL) — Danjirihii Soomaaliya u fadhiyay dalka Yemen Allaha u naxariisteen, Axmed Aadan Cismaan ayaa xalay ku geeriyooday isbitaal ku yaalla magaalada Sanca ee xarunta dalka Yemen, isagoo u geeriyooday xanuun ka asiibay beerka.