3/28/2024
Today from Hiiraan Online:  _
Wararka Maanta- Talaado, May 1 , 2012
Safiirkii Soomaaliya ee dalka Yemen oo ku geeriyooday Isbitaal ku yaalla Magaalada Sanca ee Xarunta Dalkaas

Talaado, May 01, 2012 (HOL) — Danjirihii Soomaaliya u fadhiyay dalka Yemen Allaha u naxariisteen, Axmed Aadan Cismaan ayaa xalay ku geeriyooday isbitaal ku yaalla magaalada Sanca ee xarunta dalka Yemen, isagoo u geeriyooday xanuun ka asiibay beerka.

Qunsulka safaaradda Soomaaliya ee dalka Yemen, Xuseen Xaaji Axmed oo la hadlay saxaafadda ayaa sheegay in safiirka uu muddo dheer ka xanuunsayay beerka balse maalmihii ugu dambeeyay uu xanuunkiisa soo xoogeystay, uuna ku geeriyooday isbitaal ku yaalla Sanca.

"Safiirku si caadi ah ayuu u shaqeynayay isagoo xanuunsan, basle xanuunkiisa aad ayuu u soo kordhay bilihii ugu dambeeyay, wuxuuna ku dhintay isbitaalkii lagu daweynayay," ayuu yiri Xuseen Xaaji.

Danjirahan geeriyooday ayaa kasoo shaqeeyay intii ay jirtay dowladdii dhexe ee Soomaaliya safaaradaha Soomaaliya ay ku leedahay dalalka Shiinaha, Jarmalka iyo dalal kale, waxaana xilkan loo magacaabay dhammaadkii sannadkii 1988-kii.

Marxuumka ayaa wuxuu ifka uga tagay xaas iyo lix caruur ah oo uu dhalay kuwaas oo isugu jira saddex wiil iyo saddex gabdhood kuna kala nool dalka Yemen iyo dalka Kanada, iyadoo aan la ogeyn halka lagu aasi doono.

Qunsulka safaaradda Soomaaliya ee Yemen ayaa sheegay in aaskiisa ay go'aan ka gaari doonaan ehelladiisa sida xaaskiisa, walaalkii iyo caruur uu dhalay oo lagu wado inay tagaan dalka Yemen si u go'aansadaan halka lagu aasao marxuumka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/1/2012 4:14 PM EST
Talaado, May 01, 2012(HOL): Qaraxan oo ay ku dhinteen Xildhibaan Yuusuf Mire Maxamuud Seeraar iyo Xildhibaan C/weli Shiikh Maxamed Aw-MaxamuudMaxamuud oo Baarlamaanka Soomaaliya ka tirsan, waxaana qaraxaas ku dhaawacmay Siyaasiga Axmed C/salaam Xaaji Aadan oo horay uga soo noqday Ra’iisal Wasaare ku xigeen iyo Xildhibaanno ay ka mid yihiin Xildhibaan Xuseen Samatar iyo Xildhibaan C/risaaq Isaaq Biixi.

5/1/2012 4:11 PM EST
Talaado,May 1, 2012 (HOL)- Madaxweyne ku xigeenka Somaliland Md:Cabdiraxmaan Cabdilaahi Ismaaciil (Saylici) ayaa kulan la yeeshay madax dhaqameedka Somaliland, kuwaas oo ka kala yimid goboladda Somaliland.

5/1/2012 10:35 AM EST
Talaado, May 01, 2012 (HOL) — Ugu yaraan saddex oo uu ku jiro nin ganacsade ah oo gaadiidka iibiya iyo ayaa ku dhintay qarax gallinkii dambe ee maanta ka dhacay jidka isku xiragaroonka isgoyska KM4 iyo garoonka diyaaradaha Muqdisho.

5/1/2012 10:17 AM EST
Talaado, May 01, 2012(HOL): Qarax is-miidaamin ah ayaa goor dhaweyd ka dhacay magaalada Dhuusamareeb ee bartamaha Soomaaliya.

5/1/2012 8:38 AM EST
Talaado, May 01, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warsaxaafadeed ay si wadajir ah u soo saareen maanta oo Talaado ah waxay digniin ugu jeediyeen kooxaha kasoo horjeeda dhameystirka Roadmap-ka iyo in laga gudbo xilliga KMG ah.

5/1/2012 8:11 AM EST
Talaado, May 01, 2012 (HOL) — Diyaarad maanta kasoo qaadi lahayd Degmada Doolow ee gGedo odayaal ka qayb-geli lahaa shirka lagu ansixinayo dastuurka cusub ee Soomaaliya oo Muqdisho ka dhici doona ayaa lagu rasaaseeyay, sida ay sheegeen mas'uuliyiinta dowladda ee gobolka Gedo.

5/1/2012 7:58 AM EST
Talaado, May 01, 2012 (HOL) — Samiira Xaashi oo ah gabar Soomaaliyeed oo 21-jir ah kuna noo dalka Britain oo ay dharka ka xayeysiiso ayaa Muqdisho dhawaan soo booqatay iyadoo ka sheekeysay dhibaatooyinkii ay ku aragtay, gaar ahaan dhibka haysta haweenka Soomaaliyeed ee barakacayaasha ah.

5/1/2012 7:10 AM EST
Talaado, May 01, 2012 (HOL) — Ururaddii siyaasaddda Somaliland ee qiimeyntii ku hadhay oo maanta qorshaynayey inay mudaharaad balaadhan ka dhigaan magaalooyinka ayaanay u dhicin siday rabeen, maadaama oo awood ciidan loo adeegsaday, isla markaana goobihii ay filayeen in ay iskugu yimaadaan ciidamo badan la dhigay.

5/1/2012 3:59 AM EST
Talaado, May 01, 2012 (HOL) — Xildhibaan Muuse Suudi Yalaxoow oo ka mid ah waxgaradka iyo xildhibaanno ku shiray Muqdisho kana soo horjeestay dastuurka cusub ee Soomaaliya ayaa sheegay inaysan aqbalayn dastuurka.

5/1/2012 3:39 AM EST
Talaado, May 01, 2012 (HOL) — Ururka dhalinyarada SYL II ayaa siminaar bileedkii koowaad u qabtay illaa iyo 500 oo arday ah oo ka kala tirsan qaybaha kala duwan ee ururku uu baro xirfadaha kala duwan, waxaana goobjoog ka ahaa macalimiinta, marti sharaf kale iyo masuuliyiinta SYL II.

5/1/2012 3:19 AM EST
Talaado, May 01, 2012 (HOL) — Ugu yaraan 11-qof oo dhinacyadii dagaalamay iyo shacab isugu jira ayaa ku dhintay dagaal xalay gudaha degmada Xudur ee xarunta gobolka Bakool ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.

5/1/2012 3:19 AM EST
Talaado, May 01, 2012 (HOL) — Afhayeenka xukuumadda KMG ah ee Soomaaliya ahna la-taliyaha ra’iisul wasaaraha Soomaaliya, Inj. C/ramxaan Cumar Cismaan (Yariisow) oo si kulul uga jawaabay hadallo kasoo yeeray kooxo uu ku tilmaamay qaswadayaal kuwasoo uu sheegay inay maalmahan bulshada Muqdishu ku kiciyaan hab beel iyagoo si khalad ah ugu fasiraya qabyo-qoraalka-dastuurka.