3/28/2024
Today from Hiiraan Online:  _
Wararka Maanta- Sabti, Jun 4 , 2012
RA'IISUL WASAARAHA SOOMAALIYA: "Turkiga iyo Somalia Waxaa ka dhexeeya xiriir dheer iyo dano Muhiim ah"

Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

Sidoo kale, ra'iisul wasaaraha Soomaaliya C/weli Gaas wuxuu wargeysigiisa ku sheegay in xiriirka Soomaaliya iyo Turkiga uu yahay mid soo jiray muddo 500 oo sano ka badan.

"Waxaan jira dano badan oo nagala dhexeeya Turkiga, wax badan ayaana kala barannay," ayuu yiri ra'iisul wasaaraha Soomaaliya oo aan marna carrabka ku dhufan danaha ka dhexeeya Turkiga iyo Soomaaliya.

Ra'iisul wasaaruhu wuxuu sheegay in dowladda Turkiga ay caawisay shacabka Soomaaliyeed oo abaaro ay dhibaatooyin u geysteen, isagoo gargarka Turkiga uu u fidiyay Soomaalida ku tilmaamay mid aan la hilmaami karin.

Booqashadii ra'iisul wasaaraha Turkiga uu ku tagay Muqdisho bishii Ogoosto ee sannadkii hore ayuu ra'iisul wasaaraha Soomaaliya ku tilmaamya inay xilligaas ahayd tallaabo muhiim ah.

Dowladda Turkiga oo sheegtay in ahmiyadda ugu weyn ee siyaasadooda arrimaha dibadda ay tahay sidii nabad loogu soo celin lahaa Soomaaliya; ayaysan haddana sheegin inay dano siyaasadeed oo gaar ah ka leeyihiin.

Ra'iisul wasaaraha Turkiga, Recep T. Erdogan ayaa sheegay intii uu ku gudo jiray booqashadii uu ku yimid Muqdisho sannadkii hore in qorshaha Turkiga uu yahay sidii ay calaamka intiisa kale u maqashiin lahaayeen codka Soomaalida.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 7:12 AM EST
Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo 33-jir ah loona yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:15 AM EST
Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 3:02 AM EST
Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:39 AM EST
Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.

6/4/2012 2:38 AM EST
Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.