3/28/2024
Today from Hiiraan Online:  _
Wararka Maanta- Isniin, Jun 4 , 2012
Maxkamadda Hargeysa oo xukuno kala duwan ku xukuntay masuuliyiin ku eedeysnaa lunsi Raashin mucaawimo

Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.

Dadkan la xukumay waxa ku jira saddexdii masuul ee mudadda dhawrka bilood ku xidhnaa jeelka dhexe ee magaaladda Hargeysa, kuwaas oo kala ahaa Badhasaabkii hore ee gobolka Hargeysa Axmed Cumar X. Cabdilaaho (Xamarji) oo lagu xukumay saddex sanno, Agaasimihii hore ee wasaaradda Dib u dajinta Axmed Cilmi Bare oo isna lagu xukumay saddex sanno, halka la taliyihii hore ee madaxweyne ku xigeenka Cismaan Siciid Jaamac lagu xukumay hal sanno iyo saddex milyan oo Somaliland shilling ah.

Sidoo kale, maxkamaddu waxay xukuno u dhexeeya afar sanno ilaa sideed sano oo xadhig ah ku xukuntay dad kale oo iyana falkan ku eedeysnaa, kuwaas oo qaarna xidhan yihiin qaarna iyago dibadda jooga la xukumay, waxaana ku jiray ragan la xukumay mulkiilihii Bakhaarkii la dhigtay Raashinkan la lunsaday iyo Ururkii Qandaraaska ku qaatay inuu Raashinkan dalka soo gaadhsiiyo.

Haseyeeshee, Garyaqaankii u doodayey saddexdan masuul Maxamed Saalax ayaa sheegay inuu Racfaan ka qaadanayo, isla markaana aanay ku qanacsanayn go’aankaasi maxkamaddu gaadhay.

Sidoo kale, waxa maanta agagaarka maxkamadda la dhoobay ciidan aad u badan, kuwaas oo sugayey amaanka maxkamadda iyo hareeraheedda, isla markaana looma ogolayn inay warbaahintu ka qaybgasho ama dhagaysato go’aankaasi maxkamadda gobolku gaadhay ee xukunada kala duwan lagu xidhay dad kala duwan oo ku eedeysan lunsi raashin mucaawimo ah.

Barkhad-Ladiif M. Cumar
[email protected]
Hargeysa, Somaliland













Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 7:12 AM EST
Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo 33-jir ah loona yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:36 AM EST
Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

6/4/2012 3:15 AM EST
Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 3:02 AM EST
Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:38 AM EST
Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.